Read KIMERU BIBLE PROTESTANT EDITION Gût 33 Bible Online

Gût 33 - KIMERU BIBLE PROTESTANT EDITION bible

Gût 33

¹Rîrîa antû ba Israeli baumîte Misri batongeeretue nî Musa na Aaroni, nî beetaga bakînogokagîîra rûgendo.

²Musa nî aandîkîre mariîtwa ja gûntû kûrîa baambaga kambî barî rûgendoone o ta ûrîa MWATHANI aaugîîte.

³Baambîrîîrie rûgendo antû gweetagwa Ramesesi kûrî ntukû ya îkûmi na ithaano ya mweri jwa mbere. Nayo nîyo ntukû îrîa yaathingatîte mambura ja Pasaka. Îîu nîyo ntukû baambîrîîrie bareete antû ba Misri bonthe babategeete.

⁴Beetîre rîrîa Amisri baathikaga aana baao ba iranga barîa MWATHANI aarî akûûraga. Nîkenda aboonia atî nîwe ûrî na inya nkûrûki ya mîrungu yaao ya mîng'uanano.

⁵Tontû bûû, antû ba Israeli nî baaumîre Ramesesi bareeta baraamba kambî Sukothi.

⁶Baracoka barauma Sukothi bareeta baraamba kambî Ethamu, îrîa îrî mûthieene jwa rwanda.

⁷Kuuma Ethamu baragarûka baracoka Pihahirothi îrîa îrî bwa gaiti ya Baali-zefoni, baraamba kambî akuî na Migidoli.

⁸Barauma au mbere ya Pihahirothi baraunîra îrieene mwanka barakinya rwanda. Nabo beetîrîîre rwanda rwa Ethamu ntukû ithatû, bareeta baraamba kambî Mara.

⁹Nabo barauma Mara bareeta barakinya Elimu. Au Elimu nî kwaarî na tûmiuro twa rûûjî îkûmi na twîîrî, na mîtî ya mîkîndû mîrongo mûgwanja; nabo baraamba kambî o.

¹⁰Barauma Elimu bareeta baraamba kambî rûteere rwa Îria Îtuune.

¹¹Baracoka barauma au Îria Îtuune bareeta baraamba kambî rwanda rwa Sini.

¹²Baracoka barauma rwanda rwa Sini bareeta baraamba kambî Dofuka.

¹³Barauma au Dofuka bareeta baraamba kambî Alushi.

¹⁴Barauma Alushi bareeta baraamba kambî Refidimu. Antû au gûtaarî na rûûjî rûrweega rwa kûnyugwa nî antû.

¹⁵Barauma Refidimu bareeta baraamba kambî rwanda rwa Sinai.

¹⁶Kuuma rwanda rwa Sinai bareeta baraamba kambî Kiburothi-hataava.

¹⁷Kuuma Kiburothi-hataava bareeta baraamba kambî Hazerothi.

¹⁸Barauma Hazerothi bareeta baraamba kambî Rithima.

¹⁹Barauma Rithima bareeta baraamba kambî Rimoniperezi.

²⁰Barauma Rimoniperezi bareeta baraamba kambî Libuna.

²¹Barauma Libuna bareeta baraamba kambî Risa.

²²Barauma Risa bareeta baraamba kambî Kehelatha.

²³Barauma Kehelatha bareeta baraamba kambî kîrîmeene kîa Sheferi.

²⁴Barauma kîrîmeene kîa Sheferi bareeta baraamba kambî Harada.

²⁵Barauma Harada bareeta baraamba kambî Makehelothi.

²⁶Barauma Makehelothi bareeta baraamba kambî Tahathi

²⁷Barauma Tahathi bareeta baraamba kambî Tera.

²⁸Barauma Tera bareeta baraamba kambî Mithika.

²⁹Barauma Mithika bareeta baraamba kambî Hashimona.

³⁰Barauma Hashimona bareeta baraamba kambî Moserothi.

³¹Barauma Moserothi bareeta baraamba kambî Bene-jaakani.

³²Barauma Bene-jaakani bareeta baraamba kambî Horiha-gidagadi.

³³Barauma Horiha-gidagadi bareeta baraamba kambî Jotibatha.

³⁴Barauma Jotibatha bareeta baraamba kambî Aburona.

³⁵Barauma Aburona bareeta baraamba kambî Ezioni-geberi.

³⁶Barauma Ezioni-geberi bareeta baraamba kambî rwanda rwa Zini, (nîku gwîtagwa Kadeshi).

³⁷Barauma Kadeshi bareeta baraamba kambî kîrîmeene kîa Hori, mwankeene jwa nthîgûrû ya Edomu.

³⁸ Aaroni mûthînjîri-Mûrungu nî eerîrwe nî MWATHANI aitie kîrîmeene kîa Hori. Kûu nîku aakuîrîîre kûrî ntukû ya mbere ya mweri jwa îtaano mwakeene jwa mîrongo îna kuuma rîrîa antû ba Israeli baaumîre Misri.

³⁹Aaroni aarî na ûkûrû bwa mîaka îgana rîa mîrongo îîrî na îthatû (123) rîrîa aakuîrîîre kîrîmeene kîa Hori.

⁴⁰ Aradi mûnene wa Kanaani ûrîa waatwîre bwa ûmotho bwa nthîgûrû ya Kanaani nî aigîrue atî Aisraeli nî bakuîrîîtie nthîgûrû yaao.

⁴¹Nabo antû ba Israeli nî baaumîre kîrîmeene kîa Hori bareeta baraamba kambî Zalimona.

⁴²Baracoka barauma Zalimona bareeta baraamba kambî Punoni.

⁴³Barauma Punoni bareeta baraamba kambî Obothi.

⁴⁴Barauma Obothi bareeta baraamba kambî Iyeabarimu îrîa îrî nthîgûrûûne ya Moabu.

⁴⁵Barauma Iyimu bareeta baraamba kambî Diboni-gadi.

⁴⁶Barauma Diboni-gadi bareeta baraamba kambî Alimoni-dibilithaimu.

⁴⁷Barauma Alimoni-dibilithaimu bareeta baraamba kambî irîmeene bia Abarimu îrîa îrî akuî na kîrîma kîa Nebo.

⁴⁸Barauma irîmeene bia Abarimu bareeta baraamba kambî bûûrîîne ya Moabu akuî na mûuro jwa Jorodani au Jeriko.

⁴⁹Nabo baraamba kambî rûteere rwa mûuro jwa Jorodani kuuma Bethijeshimothi mwanka gûkinya Abeli-shitimu bûûrîîne ya Moabu.

⁵⁰MWATHANI nî aarîîrie Musa au bûûrîîne ya Moabu rûteere rwa mûuro jwa Jorodani au Jeriko aramwîra atîrî,

⁵¹“Arîria antû ba Israeli ûbeere, rîrîa bakauna mûuro jwa Jorodani beete nthîgûrû ya Kanaani,

⁵²bakeenga antû bonthe barîa batwîre nthîgûrûûne îîu baume ku. Bacoke batheetherange mîrungu yaao ya kwaja, na ya gûkerûra. Ningî batharie kûrîa bathaathagîria mîrungu îîu.

⁵³Nabo bagwate nthî yee yaao nîûntû nî mbaeete yo.

⁵⁴ Nabo bakîgwata nthî yee rûgai rwaao baringe kuura kûringana na mîîrîga yaao. Mwîrîga jûmûnene bajûgaîre rûgai rûrûnene, na mwîrîga jûmûnini bajûgaîre rûgai rûrûnini. O arîa muntû akoonua akare mwîrîgeene jwaao, akare o kûringana na kuura.

⁵⁵Îndî baaremwa kwînga antû barîa batwîre nthîgûrû îîu, bakabathîînia mono. Bakabamuuntaga ta nkoonko kana miigua.

⁵⁶Naani nkabakanûkia o ta ûrîa ndaaugîîte nkabakanûkia.”