Read KIMERU BIBLE PROTESTANT EDITION Nah 1 Bible Online

Nah 1 - KIMERU BIBLE PROTESTANT EDITION bible

Nah 1

¹ Jaja nî mantû jarîa MWATHANI oonerie Nahumu wa kuuma ntûûra ya Elikoshi na njîra ya kîoneki, jegiî ntûûra ya Nineve. Nawe arajaandîka yukuune.

²MWATHANI nî Mûrungu ûtîendaga kûng'ananua na mîrungu îngî, athûûraga akairîîria wengwa. MWATHANI akanûkagia barîa bamûthwîre akairîîria na mûthûûro kîrî anthû baawe.

³MWATHANI arî inya înene, îndî atîthûûrangaga na mpwîî na atîrekagîîria barîa bathûûkîtie bakara batîkanûkîîtue. Kûrîa eetagîîra, gûûkaga kîbuubani na ngai înene magûrû jaawe jakaumbuthûra irûngûûjû bia tîîri.

⁴MWATHANI eeraga îria rîwe narîo rîkawa, akeera mîuro yûme nayo îkooma. Nyaki ya bûûrî ya Bashani na ya kîrîma gîa Karimeli nîka yûmaga na îrao rîa Lebanoni rîkanyaara.

⁵Irîma biinainaga mbere ya MWATHANI na tûrîma tûkathuthurûka mbere yaawe. Nthî yaagîîthaga MWATHANI acionania, nthîgûrû amwe na birîa bionthe birî ku bigateetema.

⁶Nûû ûûmba kûûmîîria mûthûûro jwa MWATHANI? Nûû ûûmba gweteera MWATHANI akûng'eenta? Marûrû jaawe jaakanaga ta mwanki; na kinya maiga jakathetherûka ûntû bwaawe.

⁷MWATHANI nî ûmwega, nîwe giitiiro îgiita rîa thîîna, na barîa baitumaga kîrî we, nî abaijî.

⁸Îndî agaakondoria anthû baawe ta mûguû, abathirie, eengane nabo mwanka aboorage buru.

⁹Ka-bûbangîrîte MWATHANI ûthûûku? MWATHANI akaabûthiria buru; atua kwirîîria kîrî anthû baawe akairîîria rîmwe akî na rîng'ane.

¹⁰Oogiti bakaaîthua ta miigua îgwateene kana matî jamoomo.

¹¹Kûrî muntû waaumîre Nineve arî na mîbango îmîthûûku akî abangîrîte MWATHANI.

¹²MWATHANI areera antû ba Israeli atîrî, “Kinya anthû bëethîrwa barî na inya na baingîa, bakaathirua buru bathire. Kinya këethîra nî ndaabûnyamaarîrie mbereene ntîbûthaangîkia kaîrî.

¹³Nandî rî, ngaakandûrania nyororo irîa babûtheekeete nacio, mbûrite ichooki bieenu bia kwinyîîrua.”

¹⁴MWATHANI augîîte atîrî, îgûrû rîa anthû bau, “Batîtigîrwa nchiarwa cia gûtûûria riîtwa rîaao na nkaathiria mîrungu ya mîng'uanano iromberoone biaao buru mbeenjîre marinya ja kûbathika nîûntû bagaakua.”

¹⁵ Raithîrieni irîmeene bwoone mûtûmwa eejîte areetete nteto înjega areetete mantû ja thîîrî. Antû ba Juda kûngwîreeni mambura jeenu bûûjûrie mîciîtio yeenu, nîûntû anthû beenu nî bathirîtue buru, batîbwithûkîra kaîrî.