Read KIMERU BIBLE PROTESTANT EDITION Kûr 18 Bible Online

Kûr 18 - KIMERU BIBLE PROTESTANT EDITION bible

Kûr 18

¹Musa nî eerîre antû ba Israeli atîrî, “Athînjîri-Mûrungu ba mwîrîga jwa Alawi batîbuîrîte kûgaîrwa kîthaka noo kîrîkû, îndî babuîrîte kûrîîjaga igongwana birîa bikaaritagîrwa MWATHANI.

² Batîthagîrwa barî na kiigai no kîrîkû kîrî antû baao. MWATHANI nîwe kiigai kîaao o ta ûrîa aabeerîre.

³Antû baarita kîgongwana kîa ndeegwa kana kîa ng'ondu, babuîrîte kûnenkagîra athînjîri-Mûrungu into bibi: Nyama ya ituro na nthea cio-ijîîrî na into bia kîu.

⁴Naabuî bûbanenkagîre maketha ja mbere ja irio bieenu na ndibei na maguta jeenu, na guee ya mbere kuuma kîrî ng'ondu cieenu.

⁵Nîkwîthîrwa MWATHANI Mûrungu weenu nî abathuurîte amwe na nchiarwa ciaao kuuma kîrî antû ba mîîrîga yeenu yonthe nîkenda bamûtumîkagîra

⁶“Mûlawi akëeja kuuma ntûûreene îmwe ya îrîa îrî Israeli naarîa atûûraga, ageeta antû arîa MWATHANI athuurîte nîkenda athaathagîrua o,

⁷omba gûtumîkîra MWATHANI Mûrungu waawe ota Alawi barîa bangî bakaraga kûu.

⁸Nabo bakagaîrwa biakûrîa bing'anene na birîa athînjîri-Mûrungu bangî bakaagaîrwa. Ningî no batumîre into birîa bakaareterwa nî antû ba mîciî yaao.

⁹“Rîrîa bûgakinya nthîgûrû îrîa MWATHANI Mûrungu weenu akabwaa, menyeni bwîja kûthithia mantû jamathûûku jarîa antû ba nthîgûrû iu bathithagia.

¹⁰ Gûkáagîta muntû weenu ûrita mwana waawe arî kîgongwana kîa gwakîîria. Ningî gûkáagîa muntû noo ûmwe weenu wa kûringia kana mûrogi.

¹¹ Kana muntû ûrîa ûûmagîra bangî kana muntû ûrîa ûûragia roho cia barîa akuû nkuagaya kana muntû ûrîa ûringagia.

¹²Nîkwîthîrwa MWATHANI nî athûûrîte mono mantû ta jau, na nîûntû bwa mantû jau jamathûûku bwatûmîre MWATHANI Mûrungu weenu abwîngîra bo.

¹³ Naabuî eeni antû eetîkua buru kîrî MWATHANI Mûrungu weenu.

¹⁴“Antû ba mîgongo îîjî, îrîa bûkaigwatîra nthîgûrû yaao yee yeenu, baathîkagîra mono mantû ja barîa baringagia na barîa boragia roho cia akuû nkuagaya. Îndî MWATHANI Mûrungu weenu atîbwîtîkîrîa bûthithagia mantû ta jau.

¹⁵ MWATHANI Mûrungu weenu akabûthuurîra kîroria ta ûûni kuuma kîrî buî. Ûu nîwe bûkathikagîîra.

¹⁶“Ntukû îrîa bwothûranîte kîrîmeene gîa Sinai nî bwaarombere MWATHANI Mûrungu weenu bûramwîra atîrî, ‘Tutîkwenda kwigua kajû ka MWATHANI Mûrungu weetû kaîrî, kana twona mwanki jûmûnene ûjû kaîrî, twija gûkua.’

¹⁷“MWATHANI arambîîra atîrî, ‘Bakwaria bwega kîrî mantû jonthe jarîa baaromba.

¹⁸Nkaabathuurîra kîroria taagwe kuuma kîrî bo, na mwîrage ûrîa akaabeeraga. Nawe agaatua kwaaragia mantû jonthe jarîa nkaamwîraga.

¹⁹ Nawe akaaragia antûûne aakwa, na muntû ûrîa ûtîmwathîkagîra, nkamûkanûkia.

²⁰Kîroria gîkëeja kwaria antûûne aakwa ntîmwathîte athithie u, kana antûûne a mîrungu îngî, kîroria kîu no mwanka kîûragwe.’

²¹“Bwoomba gûciûria na nkoro atîrî, ‘Nîatîa tûkoomba kwathûrana nteto irîa MWATHANI atîarîîtie na irîa aarîîtie?’

²²Rûteto rûrîa ni MWATHANI ntîarîtie rûkamenyekana rîrîa kîroria gîkaaria antûûne aakwa, na rûteto rûu rûrege gûkara ûrîa kîaugîre. Bûgakîreeni kîroria ta kîu nîûntû kîarîîtie mantû na bwakîo kîongwa.”