Read KIMERU BIBLE PROTESTANT EDITION Josh 12 Bible Online

Josh 12 - KIMERU BIBLE PROTESTANT EDITION bible

Josh 12

¹ Antû ba Israeli nî baarî bagûtaa nthî îrîa îrî rwongo rwa Jorodani bwa gaiti ndeerîa riûa riumagîîra kuuma kîguuruune gîa karûûjî Arinoni gwitania na kîguuru kîa mûuro jwa Jorodani mwanka Kîrîma kîa Herimoni bwa ûrîo. Nabo anene ba nthî îîu baarî baîrî.

²Ûmwe nîwe Sihoni mûnene wa Aamori ûrîa waathanaga Heshiboni o amwe na nusu ya Gileadi. Nthî yaawe yaumîte Aroeri rûteere rwa kîguuru kîa Arinoni mwanka Rûûjîîne rwa Jaboki mwankeene jwa Amoni,

³na kinya mûguuru jwa Rûûjî rwa Jorodani kuuma Kinerethi gwîta bwa ûmotho mwanka Bethijeshimothi gaiti ka Araba, ta rîo îria rîa Chumbî o mwanka mûgwanthî jwa Kîrîma gîa Pisiga.

⁴Ûngî aarî Ogi mûnene wa Bashani, nawe aarî ûmwe wa matigi ja Refaimu[5] Aathanaga Ashitarothi na Edirei,

⁵na gwîta Kîrîma kîa Herimoni na Saleka na nthîgûrû yonthe ya Bashani gûkinya mwankeene jwa Geshuri na Maaka o amwe na nusu ya Gileadi gwankana na nthîgûrû ya Heshiboni îrîa yaathagwa nî Sihoni.

⁶ Anene bau bobaîrî nî baarî bakûûrwa nî Musa, nthûûmba ya MWATHANI, na antû ba Israeli. Musa, nthûûmba ya MWATHANI, aagaîre mwîrîga jwa Rubeni, na Gadi, na nusu ya mwîrîga jwa Manase nthî îîu.

⁷Joshua na antû ba Israeli nî baûûrîre anene bonthe barîa baathanaga rwongo rwa Jorodani rwa îthwîro rîa riûa kuuma Baali-gadi mûgwanthîîne jwa Lebanoni mwanka Kîrîma kîa Halaki bwa ûmotho akuî na Edomu. Joshua aagaanîrie nthî îîu aramîeejana kîrî mîîrîga ya Israeli îrî rûgai rwaao.

⁸Nthî îîu nayo nîyo nthî ya irîmeene, mûgwanthî jwa îthwîro rîa riûa, mûgwanthî jwa Jorodani, mwînamo jwa riumîîro rîa riûa na rwanda rwa ûmotho. Îîjî nîyo yaatwîre îrî nthî ya Ahiti, na Aamori, na Akanaani, na Aperizi, na Ahivi, na Ajebusi.

⁹Anene baba nîbo antû ba Israeli baaûûrîre: mûnene wa Jeriko mûnene wa Ai îrîa yaarî akuî na Betheli

¹⁰mûnene wa Jerusalemu mûnene wa Heburoni

¹¹mûnene wa Jaramuthi mûnene wa Lakishi

¹²mûnene wa Egiloni mûnene wa Gezeri

¹³mûnene wa Debiri mûnene wa Gederi

¹⁴mûnene wa Horima mûnene wa Aradi

¹⁵mûnene wa Libuna mûnene wa Adulamu

¹⁶mûnene wa Makeda mûnene wa Betheli

¹⁷mûnene wa Tapua mûnene wa Heferi

¹⁸mûnene wa Afeki mûnene wa Lasharoni

¹⁹mûnene wa Madoni mûnene wa Hazori

²⁰mûnene wa Shimuroni-meroni mûnene wa Akishafu

²¹mûnene wa Taanaki mûnene wa Megido

²²mûnene wa Kedeshi mûnene wa Jokineamu îrîa îrî Karimeli

²³mûnene wa Dori îrîa îrî Nafathi-dori mûnene wa Goimu îrîa îrî Gilili

²⁴mûnene wa Tiriza Bonthe baarî anene mîrongo îthatû na ûmwe (31).