Read KIMERU BIBLE PROTESTANT EDITION Josh 15 Bible Online

Josh 15 - KIMERU BIBLE PROTESTANT EDITION bible

Josh 15

¹Antû ba mwîrîga jwa Juda nabo nî baagaîîrwe na njîra ya kûringa kuura nthîgûrû îrîa yabagwîrîîre kûringana na mîciî yaaju. Nthîgûrû yaao yaakinyîte mûthia buru jwa ûmotho jwa rwanda rwa Zini, mwankeene jwa Edomu.

²Mwanka jwaao jwa rûteere rwa ûmotho jwaumîte mûthieene jwa îria rîa Chumbî kwambîrîîria gîkumboone kîrîa kîerekerete bwa ûmotho,

³gwîta bwa mwitio jwa Akirabimu, mwanka Zini. Kuuma au jûkagiitîîra rûteere rwa ûmotho rwa Kadeshi-barinea, gûkûrûkîîra Hezironi gwitia Adaari jûkagarûka jûkeerekera Karika.

⁴Ningî jûgakinya Azimoni, jûkathingata karûûjî ka mwanka jwa Misri jûkathirîra îrieene rîa Mediterania. Jûu nîju jwaarî mwanka jwa Juda rûteere rwa ûmotho.

⁵Mwanka jwa rûteere rwa gaiti jwaarî îria rîa Chumbî gwîta mwanka arîa mûuro jwa Jorodani jûtonyagîîra îrieene rîu. Naju mwanka jwa rûteere rwa ûrîo jûkambîria gîkumboone kîa îrîa rîa Chumbî arîa mûuro jwa Jorodani jûtonyagîîra îrieene,

⁶jûgeeta mwanka Bethihogila, jûkagiitîîra rûgîrîîne rûrîa rûtegeene na mûuro jwa Jorodani bwa ûrîo; kuuma au jûgeeta mwanka iigeene rîa Bohani. Bohani aarî mûtaana wa Rubeni.

⁷Kuuma Mûguuruune jwa Akori[7] jûgeeta mwanka Debiri kwerekera bwa ûrîo mwanka Giligali îrîa yerekeene na mwitio jwa Adumimu, jûrîa jwaarî rûteere rwa ûmotho rwa mûuro. Naju mwanka nî jwakûrûkaga jûgakinya kîthimeene kîa Enishemeshi jûgeeta kuumîîra Enirogeli.

⁸Naju nî jwaitanagia na Mûguuru jwa mûtaana wa Hinomu rûteere rwa ûmotho rwa ntûûra ya Ajebusi. Jebusi nîyo Jerusalemu. Ningî jûgakûrûka mwanka karîmeene îgûrû karîa karî rûteere rwa rûgûrû rwa Mûguuru jwa Hinomu, mûthia jwa rûteere rwa ûrîo jwa Mûguuru jwa Refaimu.

⁹Kuuma karîmeene îgûrû mwanka nî jweetaga jûgakinya kîthimeene kîa Nefutoa, jûgakûrûka mwanka ntûûreene cia Kîrîma kîa Efuroni, jûgacoka jûkagarûka jwerekerete bwa Baala. Baala nîyo Kiriathi-jearimu.

¹⁰Jwakinya au jûkathiûrûkîîra bwa rûgûrû rwa Baala jwîtîte bwa kîrîmeene kîa Edomu, jûgakûrûkîîra rûteere rwa ûrîo rwa Kîrîma kîa Jearimu, nîkîo Kesaloni, kwînama Bethishemeshi na jûgakinya Timuna.

¹¹Kuuma au jûgeeta mwanka karîmeene karîa karî rûteere rwa ûrîo rwa Ekironi, jûgacoka jûkagarûka jûkeerekera Shikeroni kûgiitanîîria kîrîmeene kîa Baala gwîta mwanka Jabuneeli, naju jûkathirîra îrieene rîa Mediterania.

¹²Naju mwanka jwa rûteere rwa rûgûrû jwaarî Îria rîa Mediterania. Îîu nîyo yaarî mîanka ya nthîgûrû ya antû ba mwîrîga jwa Juda.

¹³ Joshua nî aeere Kalebu, mûtaana wa Jefune, gîchunchî kîmwe kîa nthîgûrû ya Juda kûringana na ûrîa MWATHANI augîîte. Joshua aramwaa Heburoni, ntûûra ya Kiriathiaraba. Ariba nîwe waarî îthe wa Anaki.

¹⁴Kalebu areenga nchiarwa cia ataana bathatû ba Anaki kuuma ntûûreene îîu. Nabo nî Sheshai na Ahimani na Talimai.

¹⁵Kuuma au Joshua araithûkîra antû ba Debiri. Debiri mbereene yeetagwa Kiriathi-seferi.

¹⁶Kalebu arauga ûjû, “Muntû ûrîa ûkoomba kûrwaa na Kiriathi-seferi na amîtae, nkamwaa mwarî waakwa Akisa ae mwekûrû waawe.”

¹⁷Othinieli, mûtaana wa Kenazi mûtaana wa ng'ina wa Kalebu, aramîtaa. Tontû bûû, Kalebu aramwaa Akisa.

¹⁸Ntukû îrîa Akisa eejîre, Othinieli aramwîra arombe îthe muunda. Akisa arauma îgûrû rîa ntigiri arakinya nthî. Kalebu aramûûria, “Nîmbi ûkwenda?”

¹⁹Akisa aramûcokeria atîrî, “Mpa kîtharimo, nîûntû nthîgûrû ya rûteere rwa ûmotho îrîa ûmpeete nî rwanda; nandî mpaa kinya ithima bia rûûjî.” Kalebu aramwaa ithima birîa biaarî akuî na ntûûra ya Heburoni bwa rûgûrû na bwa gaiti.

²⁰Rûrû nîru rûgai rwa mwîrîga jwa Juda kûringana na mîciî yaaju.

²¹Ntûûra ciaao irîa ciaarî akuî na mwanka jwa Edomu mûthieene buru rûteere rwa ûmotho nî Kabuzeeli, na Ederi, na Jaguri,

²²na Kina, na Dimona, na Adada,

²³na Kedeshi, na Hazori, na Ithinani,

²⁴na Zifu, na Telemu, na Bealothi,

²⁵na Hazori-hadata, na Keriothi-hezironi. Keriothi-hezroni nîyo Hazori.

²⁶Ningî ntûûra ingî ciaarî Amamu, na Shema, na Molada,

²⁷na Hazari-gada, na Heshimoni, na Bethipeleti,

²⁸na Hazari-shuali, na Beerisheba, na Biziothia,

²⁹na Baala, na Iimu, na Ezemu,

³⁰na Elitoladi, na Kesili, na Horima,

³¹na Zikilagi, na Madimana, na Sansana,

³²na Lebaothi, na Shilihimu, na Aini, na Rimoni. Cionthe ciaarî ntûûra mîrongo îîrî na kenda na tûtûûra twaacio.

³³Ntûûra irîa ciaarî mûgwanthîîne nacio ni; Eshitaoli, na Zora, na Ashina,

³⁴na Zanoa, na Eganimu, na Tapua, na Enamu,

³⁵na Jaramuthi, na Adulamu, na Sokoh, na Azeka,

³⁶na Sharaimu, na Adithaimu, na Gedera, na Gederothaimu. Cionthe ciaarî ntûûra îkûmi na inya na tûtûûra twaacio.

³⁷Ntûûra ingî nî, Zenani, na Hadasha, na Migidaligadi,

³⁸na Dilani, na Mizipe, na Jokitheeli,

³⁹na Lakishi, na Bozikathi, na Egiloni,

⁴⁰na Kaboni, na Lahimamu, na Kitilishi,

⁴¹na Gederothi, na Bethidagoni, na Naama, na Makeda. Cionthe, ntûûra îkûmi na ithanthatû na tûtûûra twaacio.

⁴²Ningî nî kwaarî na Libuna, na Etheri, na Ashani,

⁴³na Ifuta, na Ashina, na Nezibu,

⁴⁴na Keila, na Akizibu, na Maresha; Cionthe ntûûra kenda na tûtûûra twaacio.

⁴⁵Ningî nî kwaarî na Ekironi na ntûûra ciaayo,

⁴⁶na ntûûra inene na inini irîa ciaarî gatîgatî ka Ekironi na îria rîa Mediterania akuî Ashidodi.

⁴⁷Ningî nî kwaarî na Ashidodi na Gaza amwe na ntûûra ciaacio irîa nene na nini, gwîta mwanka karûûjî karîa karî mwankeene jwa Misri na îria rîa Mediterania.

⁴⁸Ngîrîîne naku nî kwaarî Shamiri, na Jatiri, na Sokoh,

⁴⁹na Dana, na Kiriathi-sana. Kiriathi-sana nîyo Debiri.

⁵⁰Ningî nî kwaarî na Anaba, na Eshitemo, na Animu,

⁵¹na Gosheni, na Holoni, na Gilo; cionthe ntûûra îkûmi na îmwe na tûtûûra twaacio.

⁵²Nî kwaarî na Arabu, na Duma, na Eshani,

⁵³na Janimi, na Bethitapua, na Afeka,

⁵⁴na Hamuta, na Heburoni, na Ziori; cionthe ntûûra kenda amwe na tûtûûra twaacio.

⁵⁵Nî kwaarî na Maoni, na Karimeli, na Zifu, na Juta,

⁵⁶na Jezereeli, na Jokideamu, na Zanoa,

⁵⁷na Keni, na Gibea, na Timuna; cionthe ntûûra îkumî na tûtûûra twaacio.

⁵⁸Ningî nî kwaarî na Halihuli, na Bethizuri, na Gedori,

⁵⁹na Maarathi, na Bethianothi na Elitekoni; cionthe ntûûra ithanthatû amwe na tûtûûra twaacio.

⁶⁰Nî kwaarî na Kiriathi-baali. Kiriathi-baali nîyo Kiriathi-jearimu. Ningî kinya nî kwaarî na Raba; ntûûra ijîîrî na tûtûûra twaacio.

⁶¹Rwanda naku nî kwaarî na Bethiaraba, na Midini, na Sekaka,

⁶²na Nibushani, na Ntûûra ya Chumbî, na Enigedi; cionthe ntûûra ithanthatû amwe na tûtûûra twaacio.

⁶³ Îndî antû ba Juda batoomba kwînga Ajebusi barîa baatûûraga Jerusalemu. Tontû bûû, Ajebusi batwîre Jerusalemu amwe na antû ba Juda mwanka naarua tûrî.