Read KIMERU BIBLE PROTESTANT EDITION 2Tim 2 Bible Online

2Tim 2 - KIMERU BIBLE PROTESTANT EDITION bible

2Tim 2

¹Tontû bûû, gwe mûtaana waakwa, gîîjaga inya kuumania na ûtugi bwa Mûrungu bûrîa tweei ndeene ya Kristû Jesû.

²Ûritani bûrîa waaigîrue nkîritana mbere ya akûûjî babaingî, bûritanage kîrî antû barîa barî eetîkua nîkenda nabo bakaritana bangî.

³Kinya gwe nî ûbuîri kûgwatanîra naatuî mîthangîkoone ta asikarî ûmwega wa Kristû Jesû.

⁴Asikarî ûrîa ûrî ngûgîîne eendaga kûgwîria mûnene waawe na tontû bûu atiitonyithanagia na ngûgî cia antû barîa batî asikarî.

⁵Muntû ûrîa ûgûcindana rwîroone atîeejagwa kîewa tiga akoogîa kûringana na mawaatho jarîa jeeki.

⁶Mûrîmi ûrîa ûritaga ngûgî yaawe na wîru nîwe ûbuîri kwona maketha ja mbere.

⁷Thûgaanagia mantû jau nkuuga, tontû Mwathani agakûûmbithia gûciûkîrwa nî mantû jonthe.

⁸Ririkanaga Jesû Kristû, ûrîa wariûkîrue kuuma kîrî akuû, nawe aaumîte rûrîîjoone rwa Daudi, na ûu nîu ntûmagîîria ûtûmîîrieene bwa Nteto Injega.

⁹Tontû bwa ûrîa ntûmagîîria cio, nîkîo gîtûmi nkûthangîka na kinya mbîkîri nyororo ja muntû uunîte Waatho. Îndî rûteto rwa Mûrungu rûtîthaîki.

¹⁰Tontû bûû, kîu nîkîo gîtûmaga mpûmîîria jonthe nîkenda antû barîa bathuuri nî Mûrungu kinya bo bakoonokua na wonokio bûrîa buumanîtie na Kristû Jesû amwe na mwago jwa kenya na kenya jûrîa jwîjanagia nabu.

¹¹Ûu kuugagwa nî mma atî: Tûkëeja kwîthîrwa nî tûkuîte amwe na Kristû, o ûu nou tûgatûûra amwe nawe.

¹² Twoomîîria mîthangîko, tûkaathana amwe nawe; twamûkaana, kinya we agatûkaana.

¹³Twëethîrwa tûtî eetîkua, we atûûraga arî mwîtîkua, nîûntû gûtî rîo oomba gwikaana wengwa.

¹⁴Baririkanagie ûntû bûû na ûbakaanagie ûrî mbere ya Mûrungu batiganage na kûringanagîra nkaanja mantûûne ja biugo. Nkaanja ta iu itîgunaga îndî nî kûthûûkia ithûûkagia barîa baciigagua.

¹⁵Ciûmagie nîkenda ûkaa muntû wîtîkîrîkîte mbere ya Mûrungu na ûrî mûriti ngûgî ûrîa ûtî na nthao ngûgîîne yaawe na ûrîa ûtarîrîîtie kîrî kûritana ûûma bwa rûteto rwa Mûrungu.

¹⁶Ebanaga na ndwaria cia waa irîa itûmaga antû beeta kûraaja na Mûrungu nkûrûki.

¹⁷Ndwaria iu ciaao ikari ta kîronda gîa nkûûjî kîrîa kîrîjaga mwîrî. Bamwe ba antû barîa baritanaga mantû jau nî Humeneo na Fileto,

¹⁸barîa bathirîtie kuuma meene nabo nî batumîte antû bakara na nkaanja wîtîkioone bwaao tontû bwa ûrîa baugaga atî tuî nî tûthirîtie kûriûkua na tûtîcoka gûkua kaîrî.

¹⁹ Îndî Mûrungu nî athirîtie kwînjîra mûsingi jûmûriku jûrîa jûtîûmba kwagîîthua na îgûrû rîaaju kwaandîki ûjû, “Mwathani nî aijî antû barîa barî baawe,” na “O muntû ûrîa ugaga atî nî wa Mwathani, nî atiganage na ûthûûku.”

²⁰Nyombeene înene, gûtîthagîrwa kûrî na into bia thaabu na bia fetha akî. Nîkwîthagîrwa kinya kûrî na into bithithîtue na mbaaû na bia yûmba. Into bimwe bitumagîrwa îgiita rîa biatho akî îndî bingi bitumagîrwa îgiita rîonthe.

²¹Muntû ûrîa ûkaitheria na aciathûrane na mantû jamathûûku jonthe, agatumîrwa ngûgîîne cia gîtîîo tontû eethagîrwa atheretue na athuurwa nî mwathi waawe nîkenda agatumîrwa ngûgîîne irîa njega cionthe.

²²Tontû bûû, ebanaga na mairîrîîria ja mwîrî ja wîîthî. Mworoto jwaaku nî jwîthîrwe jûrî gûcwaa kwaa ûmwagîru na kwîthîrwa ûrî na wîtîkio na wendo na thîîrî bûrî amwe na antû bangî barîa barombaga Mwathani barî na nkoro intheru.

²³Reganaga na nkarari cia waa na irîa itî gîtûmi. Gwe nî ûkûmenya atî nkarari iu irigagia na mateta.

²⁴Nthûûmba ya Mwathani nayo îtîbuîri kwîthîrwa îrî muntû wa gûtetaga îndî îbuîri kwîthîrwa îrî na kîaao kîrî antû bonthe na îrî mûritani ûmwega na muntû mûmîîria.

²⁵Ningî îthîrwe îkîûmbaga kwoneeria barîa batîgwîtîkania nayo mantûûne îtî na marûrû. Mûrungu oomba gûtûma bakairira na bakamenya ûûma na

²⁶bakauma mûtegoone jwa Nkoma ûrîa ûtûûraga abagwete kenda bathithagia ûrîa akwenda.