Read KIMERU BIBLE PROTESTANT EDITION Kûg 15 Bible Online

Kûg 15 - KIMERU BIBLE PROTESTANT EDITION bible

Kûg 15

¹Rîu ndîroona gîûntû kîngî gîa kûrigaria kûu îgûrû. Nî kwaarî na araîka mûgwanja barîa baarî na ikanûkia mûgwanja bia mûthia tontû nîbio biaarî bia kûthirîkîîria mûthûûro jwa Mûrungu.

²Rîu ndîroona gîntû gîakari ta îria rîa kîoo riungenue na mwanki. Ndîroona barîa baarûîte na boomba nyomoo amwe na mûng'uanano jwaayo o na ntari ya riîtwa rîaayo barûngi rûteere rwa îria rîu rîa kîoo. Antû bau baagwete kînanda kîrîa Mûrungu aabanenkerete.

³ Nabo nî bainaga rwîmbo rwa Musa, nthûûmba ya Mûrungu, na kinya rwîmbo rwa Gatûrûme bakiugaga, “Îgwe Mwathani Mûrungu Mweneinya yonthe, mathithio jaaku nî jamanene na ja kûrigaria! Îgwe mûnene wa nthukî cionthe! Mathithio jaaku nî ja mma na nî jaagîrîte,

⁴ Îgwe Mwathani, nûû ûtîkîra na akumia riîtwa rîaaku? Tontû nîgwe gwenka ûrî ûmûtheru. Mîgongo yonthe îkeeja na îkûthaathayie, tontû bonthe nî boonete mathithio jaaku ja îota.”

⁵ Nyuma ya ûu, ndîroona kîûrû kîa Mûrungu kîrîa kîrî kûu îgûrû na ndeene ndîroona îema rîa gûtirimanîra rîarugûka.

⁶Araîka mûgwanja barîa baarî na ikanûkia mûgwanja barauma kîûrûûne kîu bekîrîte nguû injerû cwee na baciogeete mîcibi ya thaabu ibara biaao.

⁷Îgiita rîu kîumbe kîmwe kîa biûmbe bina birîa birî mwoyo kîranenkera araîka bau mûgwanja mpakûri mûgwanja ciûjûri mûthûûro jwa Mûrungu ûrîa ûtûûraga mwoyo kenya na kenya.

⁸ Nakîo kîûrû kîroojûra toogi kuumania na mwago na inya ya Mûrungu. Gûtî we wombîre gûtonya kîûrûûne mwanka rîrîa ikanûkia birîa mûgwanja biareti nî araîka mûgwanja biakinyîre mûthia.