Read KIMERU BIBLE PROTESTANT EDITION Kûg 5 Bible Online

Kûg 5 - KIMERU BIBLE PROTESTANT EDITION bible

Kûg 5

¹ Ningî ndîroona njareene ya ûrîo ya ûu wakarîrîte rûriga kûrî na yuku rîaandîki nteere cio-ijîîrî. Narîo rîakunîki na rîathingwa na mûûra jûkinyi na mîûûri mûgwanja.

²Ndîracoka ndîroona mûraîka ûrî na inya mwîrî agîtûmagîîria na kajû gakanene akiugaga, “Nûû wagîrîte gûkunûra yuku na kûthingûra mîûûri îrîa îrîthingîte?”

³Gûtî we woonora kûu îgûrû kana nthîgûrû kana rungu rwa nthîgûrû wa kûûmba gûkûnjûra kana kûraithîîria ûrîa yuku rîu rîakari ndeene.

⁴Naani ndîrarîra mono tontû gûtî we woonora wagîrîte wa gûkunûra yuku rîu kana arîtega ndeene.

⁵ Rîu ûmwe wa akûrû bau mîrongo îîrî na bana arauga, “Tiga kûrîra! Atîrî, Ngatûnyi ya kuuma mwîrîga jwa Juda, wa rûrîîjo rwa Daudi, nî ombanîte. We nîwe oomba kûthingûra mîûûri mûgwanja na agakunûra yuku.”

⁶ Ningî ndîroona Gatûrûme karûngi o gakari teeka kooragi. Kaarî au gatîgatîîne ka rûriga na kathiûrûkîri nî biûmbe biu birî mwoyo bina, amwe na akûrû bau mîrongo îîrî na bana. Gatûrûme kau nî kaarî na ngoji mûgwanja na meetho mûgwanja nacio nî roho mûgwanja irîa ikaraga mbere ya Mûrungu igîtûmagwa nthîgûrûûne yonthe.

⁷Gatûrûme kareeta na karajûkia yuku kuuma njareene ya ûrîo ya ûrîa wakarîrîte rûriga rwa ûnene.

⁸ Rîrîa kaajûkîrie yuku, biûmbe birîa birî mwoyo bina na akûrû barîa mîrongo îîrî na bana baraigwîthia nthî mbere ya Gatûrûme. O ûmwe waao nî aagwete kînanda na mpakûri yathithîtue na thaabu. Mpakûri îîu yûjûri ubaani, nayo nî maromba ja atheru.

⁹ Nabo baraina rwîmbo rûrwerû rûkuuga, “Gwe nîgwe wagîrîte kûjûkia yuku na ûthingûre mîûûri îîu, tontû nîgwe wooragîrwe, nayo tharike yaaku îrakûûra antû baraa ba Mûrungu. Antû kuuma mîîrîga yonthe na nthiomi cionthe, na kuuma kîrî kîrîndî kîonthe na mîgongo yonthe.

¹⁰ Naagwe nî ûbaeethetie ba ûnene na baa athînjîri-Mûrungu weetû, na bakathanaga gûkû nthîgûrû.”

¹¹ Ningî ndîraraithîîria kaîrî na ndîraigua kajû ka araîka milioni na milioni inyingî. Araîka bau bathiûrûkîrîte rûriga na biûmbe birîa birî mwoyo na akûrû.

¹²Nabo bainaga rwîmbo rûrwerû bakiugaga, “Gatûrûme karîa kooragîrwe nîko kagîrîte kûjûkia inya na ûtonga, 2 na ûûme na ûûmbani na gîtîîo na ûkumio o na kîtharimo!”

¹³Rîu ndîracoka ndîraigua biûmbe bionthe birîa birî îgûrû na birîa birî nthî înjûmo na rungu rwa nthî o na birîa birî îrieene, na bionthe birîa bitwîre nthîgûrû yonthe, bikiinaga bikiugaga, “Kîrî gwe ûrîa ûkarîrîte rûriga rwa ûnene na kîrî Gatûrûme, 2 kûrokaraga na kîtharimo na gîtîîo na ûkumio o na inya kenya na kenya!”

¹⁴Nabio biûmbe bina birîa birî mwoyo birauga, “Amen!” Nabo akûrû barîa mîrongo îîrî na bana baragwa nthî barathaathayia.