Read nande Enzũko 36 Bible Online

Enzũko 36 - nande bible

Enzũko 36

¹Nĩkwa aba ba bana ba Esaũ (ye Edomũ).

²Esaũ mwayĩhĩkĩrya abakalĩ buwe oko bali bʼeKanana: Ada mwali wa Elonĩ Omũhĩtĩ, na Oholĩbama mwali wa Ana, mwitsikulu wa Sĩbeonĩ Omũhĩvĩ;

³na Basematĩ nibya, mwali wa Ĩsmaelĩ, mwali wabo Nebayotĩ.

⁴Na Ada mwabutira Esaũ yo Elĩfasĩ; na Basematĩ mwabuta Rũelĩ;

⁵na Oholĩbama mwabuta Yeũsĩ, na Yalama, na Kora: aba ni bagala ba Esaũ, abo abutira omo kihugo kyʼeKanana.

⁶Na Esaũ mwĩmya abakalĩ buwe, nʼabagala buwe, nʼabandu bosĩ bʼenyũmba yiwe, nʼesyonde siwe, nʼesyonyama siwe syosĩ, nʼobũsokĩ buwe bosĩ, ebyo atunda omo kihugo kyʼeKanana; mwagenda omo kihugo ekiri hali uku mugala wabo ye Yakobo.

⁷Kusangwa ebindu byabo byabya bingi isibangatoka erĩĩkala haguma. Ekihugo babungiramo mokitatolerabo busana nʼebihangulo byabo.

⁸Na Esaũ mwĩkala omo kitwa kyʼeSeĩrĩ: Esaũ nĩ Edomũ.

⁹Aba ba bana ba Esaũ tata wʼAbanya Edomũ oko kitwa kyʼeSeĩrĩ.

¹⁰Aya wa mena wʼabagala ba Esaũ: Elĩfasĩ mugala wa Ada muka Esaũ, Rũelĩ mugala wa Basematĩ muka Esaũ.

¹¹Nʼabagala ba Elĩfasĩ babya Temanĩ, Omarĩ, Zefo, na Gatamũ, na Kenasĩ.

¹²Na Tĩmũna abya mũhwekĩ wa Elĩfasĩ mugala wa Esaũ, neryo mwabutira Elĩfasĩ yo Amalekĩ; aba ba bagala ba Ada, muka Esaũ.

¹³Nʼaba ba bagala ba Rũelĩ: Nahatĩ, na Zera, Sama, na Mĩza; aba ba bagala ba Basematĩ muka Esaũ.

¹⁴Nʼaba ba bagala ba Oholĩbama mwali wa Ana, mwali wa Sĩbeonĩ muka Esaũ; mwabutira Esaũ yo Yeũsĩ, na Yalama, na Kora.

¹⁵Aba ba bakama bʼabagala ba Esaũ: abagala ba Elĩfasĩ akambere ka Esaũ; omukama Temanĩ, nʼomukama Omarĩ, omukama Zefo, omukama Kenasĩ,

¹⁶omukama Kora, omukama Gatamũ, omukama Amalekĩ; aba ba bakama abo Elĩfasĩ abuta, omo kihugo kyʼeEdomũ; aba ba bagala ba Ada.

¹⁷Nʼaba nabo ba bagala ba Rũelĩ, mugala wa Esaũ: omukama Nahatĩ, omukama Zera, omukama Sama, omukama Mĩza; aba ba bakama abo Rũelĩ abuta omo kihugo kyʼeEdomũ; aba ba bagala ba Basematĩ, muka Esaũ.

¹⁸Nʼaba ba bagala ba Oholĩbama, muka Esaũ: omukama Yeũsĩ, omukama Yalamũ, omukama Kora; aba ba bakama ababutawa na Oholĩbama, mwali wa Ana, muka Esaũ.

¹⁹Aba ba bagala ba Esaũ, nʼaba ba bakama babo; iye nĩ Edomũ.

²⁰Aba ba bagala ba Seĩrĩ Omũhorĩ, esyondũlanĩ syʼekihugo ekyo: Lotanĩ, na Sobalĩ, na Sĩbeonĩ, na Ana,

²¹na Dĩsonĩ, na Ezerĩ, na Dĩsanĩ, aba ba bakama abalũa oko Bahorĩ, abana ba Seĩrĩ omo kĩhugo kyʼeEdomũ.

²²Nʼabana ba Lotanĩ babya: Horĩ na Hemamũ; na mwali wabo Lotanĩ abya Tĩmũna.

²³Aba ba bana ba Sobalĩ: Alwanĩ, na Manahatĩ, na Ebalĩ, Sefo, na Onamũ.

²⁴Aba ba bana ba Sĩbeonĩ: Aya na Ana; oyũ ni Ana oyo wabana eyĩsoko yʼamagetsi awahũhĩre omo mbwarara, omugulu abya akalĩsya esyopunda sya Sĩbeonĩ tata wuwe.

²⁵Nʼaba ba bana ba Ana: Dĩsonĩ, na Oholĩbama, mwali wa Ana.

²⁶Aba ba bana ba Dĩsonĩ: Hemũdanĩ, na Esĩbanĩ, Ĩtĩranĩ, na Keranĩ.

²⁷Aba ba bana ba Ezerĩ: Bĩlhanĩ, na Zawanĩ, na Akana.

²⁸Aba ba bana ba Dĩsanĩ: Ũzĩ na Aranĩ.

²⁹Aba ba bakama abalũa oko Bahorĩ: omukama Lotanĩ, omukama Sobalĩ, omukama Sĩbeonĩ, omukama Ana,

³⁰omukama Dĩsanĩ; aba ba bakama abalũa oko Bahorĩ, ngoko babya bakama babo omo kihugo kyʼeSeĩrĩ.

³¹Nʼaba ba bami abatabala omo kihugo kyʼeEdomũ, isihehatatabala mwami oko bana ba Ĩsraelĩ.

³²Na Bela mugala wa Beorĩ mwatabala eEdomũ. Erĩna lyʼomũyĩ wuwe lyabya Dĩnahaba.

³³Neryo Bela mwahola, na Yobabũ mugala wa Zera wʼeBosĩra mwatabala omo mwanya wuwe.

³⁴Neryo Yobabũ mwahola, na Hũsamũ owʼekihugo kyʼAbanya Temanĩ mwatabala omo mwanya wuwe.

³⁵Na Hũsamũ mwahola, na Hadadĩ mugala wa Bedadĩ, oyo wĩtĩra Mĩdĩanĩ yʼomwʼirima lya Moabũ, mwatabala aho wuwe. Erĩna lyʼomũyĩ wuwe lyabya Awĩtĩ.

³⁶Neryo Hadadĩ mwahola, na Samũla wa Masĩreka mwatabala omo mwanya wuwe.

³⁷Na Samũla mwahola, na Saũlĩ wʼeRehobotĩ oyuli oko Lũsĩ mwatabala omo mwanya wuwe.

³⁸Na Saũlĩ mwahola, na Balĩ-hananĩ mugala wa Akĩborĩ mwatabala omo mwanya wuwe.

³⁹Na Balĩ-hananĩ mugala wa Akĩborĩ mwahola, na Hadarĩ mwatabala omo mwanya wuwe. Erĩna lyʼomũyĩ wuwe lyabya Paũ. Erĩna lyʼomũkalĩ wuwe lyabya Mehetabalĩ, mwali wa Matĩredĩ, mwali wa Me-zahaba.

⁴⁰Aya wa mena wʼabakama abalũa uku Esaũ, omo bĩtũnga byabo, nʼewabobo, omo mena wabo: omukama Tĩmũna, omukama Alwa, omukama Yetetĩ,

⁴¹omukama Oholĩbama, omukama Ela, omukama Pĩnonĩ,

⁴²omukama Kenasĩ, omukama Temanĩ, omukama Mĩbũsarĩ,

⁴³omukama Magdĩelĩ, omukama Ĩrama. Aba ba bakama bʼeEdomũ, ngoko babya bĩkere omo kihugo kyʼobũsokĩ bwabo. Oyũ nĩ Esaũ, ĩse wʼAbanya Edomũ.