Read nande 1 Emyatsi yʼEmigulu 25 Bible Online

1 Emyatsi yʼEmigulu 25 - nande bible

1 Emyatsi yʼEmigulu 25

¹Kandi Dawĩdĩ nʼabakulu bʼomulondo mobasombola busana nʼomũbĩrĩ abandi bʼabagala ba Asafũ, nʼaba Hemanĩ, nʼaba Yedũtũnĩ, abangaminyerera omo syonanga nʼesyonzenze, nʼomo masengo; nʼeriganza lyʼabo bakola ngʼemĩbĩrĩ yabo ko yabya:

²oko bagala ba Asafũ: Zakũrĩ, na Yosefũ, na Netanĩa, na Asarela, bo bagala ba Asafũ; ibakasondolawa na Asafũ, oyo waminyerera omwʼihamula lyʼOmwami.

³Abayedũtũnĩ, abagala ba Yedũtũnĩ: ye Gedelĩa, na Zerĩ, na Ĩsaya, na Hasabĩa, na Matatĩa, endatu, ibakasondolawa na tata wabo Yedũtũnĩ haguma nʼesyonanga, abaminyerera eriha ewasĩngya nʼeripipa Omwami Mukulu.

⁴Nʼowa Hemanĩ, abagala ba Hemanĩ: ye Bũkĩa, na Matanĩa, na Ũsĩelĩ, na Sebũelĩ, na Yerĩmotĩ, na Hananĩa, na Hananĩ, na Elĩata, na Gĩdaltĩ, na Romamũtĩ-ezerĩ, na Yosĩbekasa, na Malotĩ, na Hotĩrĩ, na Mahasĩotĩ.

⁵Abosĩ aba babya bagala ba Hemanĩ omũlangĩrĩ wʼOmwami omo bĩnywa bya Nyamuhanga erĩmũhamya, kusangwa Nyamuhanga mwaha Hemanĩ abagala ĩkũmĩ nʼabani nʼabali basatu.

⁶Abosi aba, basondolawa na tata wabo busana nʼeriimbira omo nyũmba yʼOmwami Mukulu, omo masengo, nʼomo syonzenze, nʼomo syonanga, busana nʼomũbĩrĩ wʼenyũmba ya Nyamuhanga; Asafũ, na Yedũtũnĩ, na Hemanĩ ibakahamulawa nʼomwami.

⁷Nʼeriganza lyabo, haguma nʼabagala babo abakangĩrĩrĩbawa eriimbira Omwami Mukulu, abosĩ ababya banyima-nyima, babya magana abiri nʼamakũmĩ munani nʼomunani (288).

⁸Mobagusa emigereko busana nʼemĩbĩrĩ yabo, abosĩ ibalingirirene, abakebake nʼabakulu bakulu, omũkangĩrĩrya nʼomwiga nibya.

⁹Neryo omugereko wʼerĩtsũka busana na Asafũ mwatogera Yosefũ; owʼakabiri uku Gedalĩa; iye nʼabagala babo nʼabagala buwe babya erĩkũmĩ nʼababiri.

¹⁰Nʼowʼakasatu uku Zakũrĩ, abagala buwe nʼabagala babo erĩkũmĩ nʼababiri.

¹¹Nʼowʼakani uku Ĩsĩrĩ, abagala buwe nʼabagala babo erĩkũmĩ nʼababiri;

¹²nʼowʼakatanu uku Netanĩa, abagala buwe nʼabagala babo, erĩkũmĩ nʼababiri.

¹³Nʼowʼendatu uku Bũkĩa, abagala buwe nʼabagala babo, erĩkũmĩ nʼababiri;

¹⁴nʼowʼakalinda uku Yasarela, nʼabagala buwe nʼabagala babo, erĩkũmĩ nʼababiri;

¹⁵nʼowʼomunani uku Ĩsaya, nʼabagala buwe, nʼabagala babo erĩkũmĩ nʼababiri.

¹⁶Nʼowʼomwenda uku Matanĩa, abagala buwe nʼabagala babo, erĩkũmĩ nʼababiri.

¹⁷Nʼowʼerĩkũmĩ uku Sĩmeĩ, nʼabagala buwe nʼabagala babo, erĩkũmĩ nʼababiri.

¹⁸Nʼowʼerĩkũmĩ nʼomuguma uku Azarelĩ, nʼabagala buwe, nʼabagala babo erĩkũmĩ nʼababiri.

¹⁹Nʼowʼerĩkũmĩ nʼababiri uku Hasabĩya, nʼabagala buwe, nʼabagala babo, erĩkũmĩ nʼababiri.

²⁰Nʼowʼerĩkũmĩ nʼabasatu uku Sũbaelĩ. Abagala buwe, nʼabagala babo, erĩkũmĩ nʼababiri.

²¹Nʼowʼerĩkũmĩ nʼabani uku Matatĩa, nʼabagala buwe nʼabagala babo erĩkũmĩ nʼababiri.

²²Nʼowʼerĩkũmĩ nʼabatanu uku Yeremotĩ, nʼabagala buwe nʼabagala babo, erĩkũmĩ nʼababiri.

²³Nʼowʼerĩkũmĩ nʼendatu uku Hanania, abagala buwe, nʼabagala babo, erĩkũmĩ nʼababiri.

²⁴Nʼowʼerĩkũmĩ nʼabalinda uku Yosĩbekasa, abagala buwe nʼabagala babo erĩkũmĩ nʼababiri,

²⁵nʼowʼerĩkũmĩ nʼomunani uku Hananĩ, abagala buwe nʼabagala babo erĩkũmĩ nʼababiri.

²⁶Nʼowʼerĩkũmĩ nʼomwenda uku Malotĩ, abagala buwe nʼabagala babo, erĩkũmĩ nʼababiri.

²⁷Nʼowʼamakũmĩ abiri uku Elĩata, nʼabagala buwe nʼabagala babo, erĩkũmĩ nʼababiri.

²⁸Nʼowʼamakũmĩ abiri nʼomuguma uku Tũhotĩrĩ, abagala buwe nʼabagala babo, erĩkũmĩ nʼababiri.

²⁹Nʼowʼamakũmĩ abiri nʼababiri uku Gĩdaltĩ, nʼabagala buwe nʼabagala babo, erĩkũmĩ nʼababiri.

³⁰Nʼowʼamakũmĩ abiri nʼabasatu, Mahasĩotĩ, nʼabagala buwe, nʼabagala babo, erĩkũmĩ nʼababiri.

³¹Nʼowʼamakũmĩ abiri nʼabani, uku Romamũtĩ-Ezerĩ, abagala buwe nʼabagala babo, erĩkũmĩ nʼababiri.