Read nande 1 Emyatsi yʼEmigulu 4 Bible Online

1 Emyatsi yʼEmigulu 4 - nande bible

1 Emyatsi yʼEmigulu 4

¹Abagala ba Yũda babya Peresĩ, na Hezronĩ, na Karmĩ, na Hũrĩ, na Sobalĩ.

²Na Raya mugala wa Sobalĩ mwabuta Yahatĩ; na Yahatĩ mwabuta Ahũmaĩ na Lahadĩ. Ebĩ bye bĩtũnga byʼAbasoratĩ.

³Kandi aba babya bagala ba tata wa Etamũ: Yezreelĩ, na Ĩsĩma, na Idũbasĩ; nʼerĩna lyʼomwali wabo lyabya Hasĩlelponĩ;

⁴na Penũelĩ abya tata wa Gedorĩ, na Ezerĩ abya tata wa Hũsa. Aba ba bagala ba Hũrĩ, akambere ka Efurata, tata wa Betelehemũ.

⁵Na Asũrĩ tata wa Tekoa mwahĩkya abakalĩ babiri, Hela, na Nara.

⁶Kandi Nara mwamubutira Aũzamũ na Heferĩ, na Temenĩ, na Ahastarĩ. Aba babya abagala ba Nara.

⁷Nʼabagala ba Hela babya Zeretĩ, na Ĩzĩharĩ, na Etĩnanĩ.

⁸Na Hakozĩ mwabuta Anũbũ, na Zobeba, nʼebĩtũnga bya Aharhelĩ mugala wa Harũmũ.

⁹Neryo Yabesĩ mwabya mwenge kwilaba abagala babo; na koyo wuwe mwamwahula mo Yabesĩ ati, kusangwa namubuta omo bũlĩge.

¹⁰Na Yabesĩ mwasaba Nyamuhanga wa Ĩsraelĩ, ati, Kumbe wanganyitsumula kwenene, nʼerĩkanyĩrĩrya emitano yage, kandi kumbe ebyala byawe byangabya haguma nage, kandi kumbe wanganyĩkakĩrya kwʼebibi, sibibye bikanyiretera obũlĩge! Na Nyamuhanga mwamuha ebyo asaba.

¹¹Na Kelũbĩ mugala wabo Sũha mwabuta Mehĩrĩ, oyo wabya tata wa Estonĩ.

¹²Na Estonĩ mwabuta Betĩ-rafa, na Pasea, na Tehĩna, tata wa Ĩrĩ-nahasĩ.

¹³Nʼabagala ba Kenasĩ babya Otĩnĩelĩ, na Seraya. Nʼomugala wa Otĩnĩeli abya Hatatĩ.

¹⁴Na Meonotaĩ mwabuta Ofũra; na Seraya mwabuta Yoabũ tata wa Geharasĩmũ; kusangwa babya banyima.

¹⁵Nʼabagala ba Kalebũ mugala wa Yefũne babya Ĩrũ, na Ela, na Nama; nʼomugala wa Ela abya Kenasĩ.

¹⁶Nʼabagala ba Yehalelĩ babya Zĩfũ, na Sĩfa, na Tĩrĩa, na Asarelĩ.

¹⁷Abagala ba Ezra babya Yeterĩ, na Meredĩ, na Eferĩ, na Yalonĩ. [Aba ba bagala ba Bĩtĩa mwali wa Farao oyo Meredĩ ahĩkaya] mwaheka obukule naye mwabuta Mĩrĩamũ, na Samaĩ, Ĩsĩba, Tata wa Estemoa.

¹⁸Nʼomũkalĩ wuwe Omũyũda mwabuta Yeredĩ tata wa Gedorĩ, na Heberĩ, tata wa Soko, na Yekũtĩelĩ tata wa Zanoa.

¹⁹Nʼabagala bʼomũkalĩ wa Hodĩa, mwali wabo Nehamũ babya abotata ba Keĩla Omũgarmĩ, na Estemoa Omũmakatĩ.

²⁰Nʼabagala ba Sĩmonĩ babya Amũnonĩ, na Rena, na Benĩhananĩ, na Tĩlonĩ. Nʼabagala ba Ĩsĩ babya Zohetĩ, na Benĩ-zohetĩ.

²¹Nʼabagala ba Sela mugala wa Yũda babya Erĩ tata wa Leka, na Lada, tata wa Maresa, nʼebĩtũnga byʼekihanda kyabo, bo baluka ekĩtanĩ kyowene eAshĩbea;

²²na Yokĩmũ, nʼabandu ba Koseba, Yoasĩ, na Sarafũ, oyo watabala eMoabũ nʼeYasũbĩ-lehemũ. Nʼemyatsi eyĩ ni ya kera.

²³Aba babya babũmbĩ, nʼesyondũlanĩ syʼeNetaĩmũ nʼeGedera; mobĩkala eyo nʼomwami na busana nʼomũbĩrĩ wuwe.

²⁴Abagala ba Sĩmeonĩ: Nemũelĩ, na Yamĩna, na Yarĩbũ, Zera, na Saũlĩ;

²⁵Salumu mugala wuwe, Mĩbũsamũ mugala wuwe, Mĩsama mugala wuwe.

²⁶Nʼabagala ba Mĩsama; Hamũelĩ mugala wuwe, Zakũrĩ mugala wuwe, Sĩmeĩ mugala wuwe.

²⁷Na Sĩmeĩ abya nʼabagala ĩkũmĩ na ndatu nʼabali ndatu; nĩkwa abagala babo mobatabya nʼabana bangi, kutse ekĩtũnga kyabo kyosĩ mokitetakanyirira ngʼabagala ba Yũda.

²⁸Nabo mobĩkala eBerĩ-seba, nʼeMolada, nʼeHasarĩ-Sũalĩ;

²⁹nʼeBĩlĩha, nʼeEzemĩ, nʼeToladĩ,

³⁰nʼeBetũelĩ, nʼeHorma, nʼeZĩklagĩ,

³¹nʼeBetĩ-makabotĩ, nʼeHasarĩ-sũsĩmũ, nʼeBetĩ-bĩrĩ, nʼeSarayĩmũ. Eyĩ yabya mĩyĩ yabo erĩhĩka okwʼitabala lya Dawĩdĩ.

³²Nʼehĩyĩ hyabo hyabya Etamũ, nʼeAĩnĩ, nʼeRĩmonĩ, nʼeTokenĩ, nʼeAsanĩ, emĩyĩ ĩtanu;

³³nʼehĩyĩ hyosĩ hyabo ehyatĩmba oko mĩyĩ eyo erĩhĩka eBalĩ. Eyĩ yabya aho babya bĩkere, nayo yabya iyiwite ndengo yayo.

³⁴Na Mesobabũ, na Yamũlekĩ, na Yosa mugala wa Amazĩa,

³⁵na Yoelĩ, na Yehũ, mugala wa Yosĩbĩa, mugala wa Seraya, mugala wa Asĩelĩ;

³⁶Na Elĩyoenaĩ, na Yakoba, na Yesohaya, na Asaya, na Adĩelĩ, na Yesĩmĩelĩ, na Benaya,

³⁷na Zĩza mugala wa Sĩfĩ, mugala wa Alonĩ, mugala wa Yedaya, mugala wa Sĩmũlĩ, mugala wa Semaya.

³⁸Aba abakahulawa omo mena babya basondolĩ omo bĩtũnga byabo; nʼebĩtũnga byʼabotata wabo mobyakanyirira kutsibu.

³⁹Neryo mobagenda erĩhĩka oko lũkyo lwʼeGedorĩ, nʼerĩhĩka oko bwanga bwʼendata bwʼomusya, erisonda-sondya obũlĩsĩryo busana nʼebihangulo byabo.

⁴⁰Neryo mobabana obũlĩsĩryo bowene obwʼerĩnenehya, nʼekihugo mokyabya kyʼobugalĩ, ĩhatũlere nʼobuholo; kusangwa ababyaho erĩmbere babya Abahamũ.

⁴¹Kandi aba abasakawa omo mena mobasa omo biro bya Hezekĩa omwami wʼeYũda, mobaherya amahema wabo, nʼAbameũnĩmũ ababanika eyo, mobaheryabo kutsibu nʼerĩhĩka mũnabwĩre, mobĩkala omo mwanya wabo; kusangwa habya obũlĩsĩryo eyo busana nʼebihangulo byabo.

⁴²Nʼabandi ba kubo, abagala ba Sĩmeonĩ, abandu magana atanu, mobaya oko kitwa kyʼeSeĩrĩ, ibawite abasondolĩ babo, Pelatĩa, na Nearĩa, na Refaya, na Ũsĩelĩ, abagala ba Ĩsĩ.

⁴³Mobĩta abasĩgalira bʼAbamalekĩ ababala, neryo babĩrĩkalaho erĩhĩka mũnabwĩre.