Read nande 1 Emyatsi yʼEmigulu 5 Bible Online

1 Emyatsi yʼEmigulu 5 - nande bible

1 Emyatsi yʼEmigulu 5

¹Nʼabagala ba Rũbenĩ akambere ka Israelĩ; kusangwa abya kambere; nĩkwa kusangwa atsandaya engyingo ya tata wuwe, omwandu wuwe mwahabwa oko bagala ba Yosefũ mugala wa Ĩsraelĩ; kusangwa olulengo luwe sĩlũganzĩrwe busana nʼomwandu.

²Nomo Yũda anasĩnga bagala babo, nʼomũsondolĩ mwalũa ukwʼiye; nĩkwa omwandu mwabya wa Yosefũ,

³abagala ba Rũbenĩ akambere ka Ĩsraelĩ babya Hanokĩ, na Palũ, na Hese-ronĩ, na Karmĩ.

⁴Nʼabagala ba Yoelĩ babya Semaya mugala wuwe, Gogo mugala wuwe, Sĩmeĩ mugala wuwe,

⁵Mĩka mugala wuwe, Raya mugala wuwe, Balĩ mugala wuwe;

⁶Bera mugala wuwe, oyo mwami wʼeAsũrĩa Tĩgĩlatĩ-pĩleserĩ aheka mo munyegwa; abya mũsondolĩ wʼAbarũbenĩ.

⁷Nʼabagala babo omo bĩtũnga byabo, omwʼiganza lyʼesyondengo syabo babya omukulu Yeĩlĩ, neryo Zakarĩa,

⁸na Bela, mugala wa Azazĩ, mugala wa Sema, mugala wa Yoelĩ, oyo wabya ĩkere eAroerĩ, erĩhĩka eNebo nʼeBaalĩ-meonĩ.

⁹Naye mwĩkala ebwanga bwʼendata erĩhĩka oko mutano wʼembwarara erĩtsũka oko lũsĩ Efurata, kusangwa ebihangulo byabya ibyabirikanya omo kihugo kyʼeGĩleadĩ.

¹⁰Nʼoko biro bya Saũlo, mobalwa nʼAbahagarĩ abakwa omo byala byabo; neryo mobĩkala omo mahema wabo omo kihugo kyosĩ endata oko Gĩleadĩ.

¹¹Nʼabagala ba Gadĩ mobĩkala eyisirya kubo omo kihugo kyʼeBasanĩ erĩhĩka eSaleka.

¹²Yoelĩ abya omukulu na Safamũ owʼakabiri, na Yanaĩ, na Safatĩ eBasanĩ.

¹³Nʼabagala babo bʼebĩtũnga byʼabotata wabo babya Mĩkaĩlĩ, na Mesũlamũ, na Seba, na Yoraĩ, na Yakanĩ, na Zĩa, na Eberĩ, abandu balinda.

¹⁴Aba babya bagala ba Abĩhaĩlĩ mugala wa Hũrĩ, mugala wa Gĩleadĩ, mugala wa Mĩkaĩlĩ, mugala wa Yesĩsaĩ, mugala wa Yado, mugala wa Bũzĩ;

¹⁵Ahĩ mugala wa Abũdĩelĩ, mugala wa Gũnĩ, omukulu wʼebĩtũnga byʼabotata wabo.

¹⁶Nabo mobĩkala eGĩleadĩ, eBasanĩ, nʼomo mĩyĩ yako, nʼomo malĩsĩryo gosĩ wʼeSaronĩ erĩhĩka oko mitano yabo.

¹⁷Abosĩ aba mobaganzwa omo syondengo omo biro bya Yotamũ omwami wa Yũda, nʼomo biro bya Yeroboamũ omwami wa Ĩsraelĩ.

¹⁸Abagala ba Rũbenĩ, nʼAbagadĩ, nʼoluhande lwʼekihanda kya Manase, esyombangĩ, abandu abakatoka eriambala engabo nʼomũyalĩ, nʼerilasa omo buta, nʼabanyima omo malwa, babya elfu makũmĩ ani nʼĩnĩ nʼamagana alinda nʼamakũmĩ ndatu (44,760) abatoka eriyalwa.

¹⁹Mobalwa nʼAbahagarĩ, na Yetũrĩ na Nafĩsĩ, na Nodabũ.

²⁰Kandi mobawatĩkĩbwa erilwa nabo, nʼAbahagarĩ mobahĩrwa omo byala byabo, nʼabosĩ ababya haguma nabo; kusangwa balakira Nyamuhanga omo malwa, naye mwalĩgĩrabo, kusangwa bayiketera ye.

²¹Neryo mobahũnga ebihangulo byabo; esyongamia elfu makũmĩ atanu (50,000), nʼesyombũlĩ elfu magana abiri nʼamakũmĩ atanu (250,000), nʼesyopunda elfu ĩbĩrĩ (2,000), nʼabandu elfu ĩgana (100,000).

²²Kusangwa abangi mobawa nʼerihola, kusangwa amalwa abya wa Nyamuhanga. Neryo mobĩkala omo kihugo kyabo erĩhĩka oko mugulu bahũngawa mobanyegwa.

²³Nʼabana bʼekitswe kyʼekihanda kya Manase mobĩkala omo kihugo: Mobakanyirira erĩtsũka eBasanĩ erĩhĩka eBaalĩ-hermonĩ, nʼeSenĩrĩ, nʼekitwa kyʼeHermonĩ.

²⁴Aba bo babya bakulu byʼebĩtũnga byʼabotata wabo: ye Eferĩ, na Ĩsĩ, na Elĩelĩ, na Azrĩelĩ, na Yeremĩa, na Hodabĩa, na Yadĩelĩ, esyombangĩ; abandu bʼengulu yʼeriminyikala, abakulu bʼebĩtũnga byʼabotata wabo.

²⁵Nabo mobahalya uku Nyamuhanga wʼabotata wabo, mobasĩngĩra nʼerikwama esyonyamuhanga syʼabandu bʼekihugo abo Nyamuhanga aheraya embere syabo.

²⁶Na Nyamuhanga wa Ĩsraelĩ mwatsũmbũkya omutima wa Pũlĩ, omwami wʼeAsũrĩa, ye Tĩgĩlatĩ-pĩleserĩ, omwami wʼeAsũrĩa, naye mwahũngabo, mo banyegwa Abarũbenĩ nʼAbagadĩ, nʼekitswe kyʼekihanda kya Manase, mwaletabo eHala, nʼeHaborĩ, nʼeHara, nʼoko lũsĩ lwʼeGozanĩ, erĩhĩka mũnabwĩre.