Read nande 1 Emyatsi yʼEmigulu 6 Bible Online

1 Emyatsi yʼEmigulu 6 - nande bible

1 Emyatsi yʼEmigulu 6

¹Abagala ba Lawĩ babya Gersonĩ, na Kohatĩ, na Merarĩ.

²Abagala ba Kohatĩ babya Amũramũ, na Ĩzĩharĩ, na Hebũronĩ, na Ũsĩelĩ.

³Nʼabagala ba Amũramũ babya Harũnĩ na Musa, na Mĩrĩamũ. Nʼabagala ba Harũnĩ babya Nadabũ, na Abĩhũ, na Elĩazarĩ, na Ĩtamarĩ.

⁴Eleazarĩ mwabuta Fĩnehasĩ; na Fĩnehasĩ mwabuta Abĩsũa;

⁵Abĩsũa mwabuta Bũkĩ; na Bũkĩ mwabuta Ũsĩ;

⁶na Ũsĩ mwabuta Zerahĩa; na Zerahĩa mwabuta Merayotĩ;

⁷na Merayotĩ mwabuta Amarĩa, na Amarĩa mwabuta Ahĩtũbũ;

⁸na Ahĩtũbũ mwabuta Sadokĩ; na Sadokĩ mwabuta Ahĩmasĩ;

⁹na Ahĩmasĩ mwabuta Azaria; na Azaria mwabuta Yohana;

¹⁰na Yohana mwabuta Azaria (oyo wakola omũbĩrĩ ngʼomũhererĩ omo nyũmba eyo Solomono ahĩmba eYerũsalema);

¹¹na Azaria mwabuta Amarĩa, na Amarĩa mwabuta Ahĩtũbũ;

¹²na Ahĩtũbũ mwabuta Sadokĩ; na Sadokĩ mwabuta Salumu;

¹³na Salumu mwabuta Hĩlkĩa, na Hĩlkĩa mwabuta Azaria;

¹⁴na Azaria mwabuta Seraya; na Seraya mwabuta Yozadakĩ;

¹⁵na Yozadakĩ mwagenda omo bunyegwa, omugulu Omwami Mukulu atwala Yũda nʼeYerũsalema omo byala bya Nebũkadeneza.

¹⁶Abagala ba Lawĩ babya Gersonĩ, na Kohatĩ, na Merarĩ.

¹⁷Neryo aya wa mena wʼabagala ba Gersonĩ: Lĩbũnĩ, na Sĩmeĩ.

¹⁸Abagala ba Kohatĩ babya Amũramũ, na Ezĩharĩ, na Hebũronĩ, na Ũsĩelĩ.

¹⁹Abagala ba Merarĩ babya Malĩ, na Mũsĩ. Ebĩ bye bĩtũnga byʼAbalawĩ ngʼebĩtũnga byʼabotata wabo.

²⁰Oko Bagersonĩ: Lĩbũnĩ mugala wuwe: Yahatĩ mugala wuwe, Zĩma mugala wuwe,

²¹Yoa mugala wuwe, Ĩdo mugala wuwe, Zera mugala wuwe, Yateraĩ mugala wuwe.

²²Abagala ba Kohatĩ babya Amĩnadabũ mugala wuwe, Kora mugala wuwe, Aĩsĩrĩ mugala wuwe,

²³Elekana mugala wuwe, Ebĩasafĩ mugala wuwe, Asĩrĩ mugala wuwe,

²⁴Tahatĩ mugala wuwe, Ũrĩelĩ mugala wuwe, Ũzĩa mugala wuwe, na Saũlĩ mugala wuwe.

²⁵Abagala ba Elekana babya Amasaĩ na Ahĩmotĩ.

²⁶Nĩkwa busana na Elekana, abagala ba Elekana babya Zofaĩ mugala wuwe, Nahatĩ mugala wuwe,

²⁷Elĩabũ mugala wuwe; Yoramũ mugala wuwe, Elekana mugala wuwe.

²⁸Nʼabagala ba Samwelĩ babya Yoelĩ akambere kuwe, nʼowʼakabiri Abĩa.

²⁹Abagala ba Merarĩ babya Malĩ, na Lĩbũnĩ mugala wuwe, Sĩmeĩ mugala wuwe, na Ũza mugala wuwe;

³⁰Sĩmea mugala wuwe, na Hagĩya mugala wuwe, na Asaya mugala wuwe.

³¹Aba bʼabo Dawĩdĩ ahĩra oko mũbĩrĩ wʼeriimbira omo nyũmba yʼOmwami Mukulu, erĩsandũko lyabĩkalamo.

³²Nabo mobakola omo syonyimbo embere wʼenyũmba yʼeHema yʼerĩhĩndanamo, erĩhĩka aho Solomono ahĩmba enyũmba yʼOmwami Mukulu eYerũsalema; kandi mobakola omũbĩrĩ wabo omwʼĩgerekanĩa lyabo.

³³Aba bo bahangana omo mũbĩrĩ, haguma nʼabagala. Oko bagala bʼAbakohatĩ babya Hemanĩ omwĩmbĩ, mugala wa Yoelĩ, mugala wa Samwelĩ,

³⁴mugala wa Elekana, mugala wa Yoramũ, mugala wa Elĩelĩ, mugala wa Toa,

³⁵mugala wa Zũfĩ, mugala wa Elekana, mugala wa Mahatĩ, mugala wa Amasaĩ,

³⁶mugala wa Elekana, mugala wa Yoelĩ, mugala wa Azaria. Mugala wa Sefanĩa,

³⁷mugala wa Tahatĩ, mugala wa Asĩrĩ, mugala wa Ebĩasatĩ, mugala wa Kora,

³⁸mugala wa Ĩzĩharĩ, mugala wa Kohatĩ, mugala wa Lawĩ, mugala wa Ĩsraelĩ.

³⁹Nʼomugala wabo Asafũ oyo wimana oko byala biwe byʼamali, ye Asafũ mugala wa Berekĩa, mugala wa Sĩmea,

⁴⁰mugala wa Mĩkaĩlĩ, mugala wa Baseya, mugala wa Malkĩa,

⁴¹mugala wa Etĩnĩ, mugala wa Zera, mugala wa Adaya,

⁴²mugala wa Etanĩ, mugala wa Sĩma, mugala wa Sĩmeĩ,

⁴³mugala wa Yahatĩ, mugala wa Gersonĩ, mugala wa Lawĩ.

⁴⁴Nʼoko byala byʼamalembe abagala babo, bagala ba Merarĩ, ye Etanĩ mugala wa Kĩsĩ, mugala wa Abũdĩ, mugala wa Malũkũ,

⁴⁵mugala wa Hasabĩa, mugala wa Amazĩa, mugala wa Helkĩa,

⁴⁶mugala wa Amũsĩ, mugala wa Banĩ, mugala wa Semerĩ,

⁴⁷mugala wa Malĩ, mugala wa Mũsĩ, mugala wa Merarĩ, mugala wa Lawĩ.

⁴⁸Nʼabagala babo Abalawĩ mobahĩrwa busana nʼomũbĩrĩ gosĩ wʼeHema yʼenyũmba ya Nyamuhanga.

⁴⁹Nĩkwa Harũnĩ nʼabagala buwe mobaherera oko kiherero kyʼobuhere bwʼerĩokererya, nʼoko kiherero kyʼobukwa, busana nʼomũbĩrĩ wʼahabũyĩrĩre kutsibu, nʼeririha embanulo busana na Ĩsraelĩ, ngʼebyosĩ byo Musa omugombe wa Nyamuhanga ahana.

⁵⁰Neryo abagala ba Harũnĩ baba: Eleazarĩ mugala wuwe, na Fĩnehasĩ mugala wuwe, na Abisũya mugala wuwe,

⁵¹Bũkĩ mugala wuwe, na Ũsĩ mugala wuwe, Serahĩa mugala wuwe,

⁵²na Merarotĩ mugala wuwe, Amarĩa mugala wuwe, Ahĩtũbũ mugala wuwe,

⁵³Zadokĩ mugala wuwe, Ahĩmasĩ mugala wuwe. Emĩyĩ yʼAbalawĩ

⁵⁴Neryo aho ho bwĩkalo bwabo ngʼebilaliriro byabo omo mitano yabo: Busana nʼabagala ba Harũnĩ, bye bĩtũnga byʼAbakohatĩ (kusangwa akawira kabo kabya kʼerĩmbere),

⁵⁵mobahabo eHebũronĩ omo kihugo kyʼeYũda, nʼehĩyĩ hyako ehĩtĩmbĩreko;

⁵⁶nĩkwa amalima wʼomũyĩ, nʼehĩyĩ hyako, mobahabyo uku Kalebũ mugala wa Yefũne.

⁵⁷Kandi mobaha abagala ba Harũnĩ bʼemĩyĩ yʼerisagirako, eHebũronĩ, nʼeLĩbũna, nʼehĩyĩ hyako, nʼeYatĩrĩ, nʼeEstamoa haguma nʼehĩyĩ hyako,

⁵⁸nʼeHĩlenĩ haguma nʼehĩyĩ hyako, nʼeDebĩrĩ haguma nʼehĩyĩ hyako,

⁵⁹nʼeAsanĩ haguma nʼehĩyĩ hyako, nʼeBetĩ-semesĩ haguma nʼehĩyĩ hyako;

⁶⁰nʼomo kihanda kya Benyamĩna, eGeba haguma nʼehĩyĩ hyako, nʼeAlĩmetĩ haguma nʼehĩyĩ hyago, nʼeAnatotĩ haguma nʼehĩyĩ hyago. Emĩyĩ yosĩ omo katĩkatĩ kʼebĩtũnga byabo yabya mĩyĩ ĩkũmĩ nʼĩsatu (13).

⁶¹Nʼoko bagala ba Kohatĩ abasĩgala mobahabwa emĩyĩ ĩkũmĩ omo mugereko omo kĩtũnga kyʼekihanda, omo kitswe kyʼekihanda kya Manase.

⁶²Nʼoko bagala ba Gersonĩ, ngʼebĩtũnga byabo, omo kihanda kya Ĩsakarĩ, nʼomo kihanda kya Aserĩ, nʼomo kihanda kya Nafũtalĩ, nʼomo kihanda kya Manase eBasanĩ, emĩyĩ ĩkũmĩ nʼeyĩsatu.

⁶³Nʼoko bagala ba Merarĩ mobahabwa omo mugereko, emĩyĩ erĩkũmĩ nʼeyĩbĩrĩ, ngʼebĩtũnga byabo, omo kihanda kya Rũbenĩ, nʼomo kihanda kya Gadĩ, nʼomo kihanda kya Zebũlũnĩ.

⁶⁴Kandi abana ba Ĩsraelĩ mobaha Abalawĩ bʼemĩyĩ nʼamalĩsĩryo wako.

⁶⁵Neryo mobaha omo mugereko emĩyĩ eyĩ eyabiriahulwa omo mena, omo kihanda kyʼabana ba Yũda, nʼomo kihanda kya Sĩmeonĩ, nʼomo kihanda kya Benyamĩna.

⁶⁶Nʼebindi bĩtũnga byʼabagala ba Kohatĩ mobabya nʼemĩyĩ yʼemitano yabo omo kihanda kya Efũraĩmũ,

⁶⁷Mobahabo emĩyĩ yʼerisagirako: eSekemũ omo kihugo kyʼebitwa kya Efũraĩmũ haguma nʼamalĩsĩryo wago; Geserĩ nibya haguma nʼamalĩsĩryo wago,

⁶⁸nʼeYokĩmeamũ haguma nʼamalĩsĩryo wago, nʼeBetĩ-horonĩ haguma nʼamalĩsĩryo wago,

⁶⁹nʼeAyalonĩ haguma nʼamalĩsĩryo wago, nʼeGatĩ-rĩmonĩ haguma nʼamalĩsĩryo wago,

⁷⁰nʼomo kitswe kyʼekihanda kya Manase, eAnerĩ haguma nʼamalĩsĩryo wago, nʼeBĩleamũ haguma nʼamalĩsĩryo wago, busana nʼabasĩgalira bʼekĩtũnga kyʼabagala ba Kohatĩ.

⁷¹Nʼoko bagala ba Gersonĩ, mobahabwa omo kitswe kyʼekihanda kya Manase eGolanĩ yʼeBasanĩ, haguma nʼehĩyĩ hyago, nʼeAstarotĩ haguma nʼehĩyĩ hyago;

⁷²nʼomo kihanda kya Ĩsakarĩ, eKedesĩ haguma nʼehĩyĩ hyago, nʼeDaberatĩ haguma nʼehĩyĩ hyago,

⁷³nʼeRamotĩ haguma nʼehĩyĩ hyago, nʼeAnemũ haguma nʼehĩyĩ hyago;

⁷⁴nʼomo kihanda kya Aserĩ: Masalĩ haguma nʼehĩyĩ hyago, nʼeAbũdonĩ haguma nʼehĩyĩ hyago,

⁷⁵nʼeHũkokĩ haguma nʼehĩyĩ hyago, nʼeRehobũ haguma nʼehĩyĩ hyago;

⁷⁶nʼomo kihanda kya Nafũtalĩ: eKedesĩ eGalĩlaya, haguma nʼehĩyĩ hyago, nʼeHamonĩ haguma nʼehĩyĩ hyago, nʼeKĩrĩataĩmũ haguma nʼehĩyĩ hyago.

⁷⁷Nʼoko bandi Balawĩ, abagala ba Merarĩ, mobahabwa omo kihanda kya Zebũlonĩ: eRĩmonĩ haguma nʼamalĩsĩryo wago, nʼeTaborĩ haguma nʼamalĩsĩryo wago.

⁷⁸Nʼeyisirya wʼeYorodanĩ eYerĩko, oko luhande lwʼendata lwʼeYorodanĩ, mobahabwa omo kihanda kya Rũbenĩ: eBezerĩ omo mbwarara haguma nʼamalĩsĩryo wago, nʼeYaza haguma nʼamalĩsĩryo wago,

⁷⁹nʼeKedemotĩ haguma nʼamalĩsĩryo wago, nʼeMefatĩ haguma nʼamalĩsĩryo wago;

⁸⁰nʼomo kihanda kya Gadĩ: eRamotĩ yʼeGĩleadĩ, haguma nʼamalĩsĩryo wago, nʼeMahanaĩmũ haguma nʼamalĩsĩryo wago;

⁸¹nʼeHesĩboni haguma nʼamalĩsĩryo wago, nʼeYazerĩ haguma nʼamalĩsĩryo wago.