Read nande 1 Emyatsi yʼEmigulu 9 Bible Online

1 Emyatsi yʼEmigulu 9 - nande bible

1 Emyatsi yʼEmigulu 9

¹Neryo Abaĩsraelĩ bosĩ mobasakwa omo syondengo; neryo, lebaya abasakĩre omo kitabu kyʼabami kyʼAbaĩsraelĩ. NʼAbayũda mobahekwa mo banyegwa ngʼabasayĩ eBabelĩ busana nʼamalolo wabo.

²Nĩkwa esyondũlanĩ syʼerĩmbere abĩkala omo syonzĩgalya syabo omo mĩyĩ yabo babya Baĩsraelĩ, abahererĩ, Abalawĩ, nʼabagombe bʼeHekalũ.

³Nʼabandi bʼoko bana ba Yũda, nʼoko bana ba Benyamĩna, nʼoko bana ba Efũraĩmũ, nʼaba Manase mobĩkala eYerũsalema:

⁴ye Ũtaĩ, mugala wa Amĩhũdĩ, mugala wa Omũrĩ, mugala wa Ĩmũrĩ, mugala wa Banĩ, ba bana ba Peresĩ, mugala wa Yũda.

⁵Nʼabʼoko Basĩlonĩ: ye Asaya akambere, nʼabagala buwe.

⁶Nʼabʼoko bagala ba Zera: Yũelĩ, nʼabagala babo, amagana ndatu nʼamakũmĩ mwenda (690).

⁷Nʼabʼoko bagala ba Benyamĩna: Salũ, mugala wa Mesũlamũ, mugala wa Hodawĩa, mugala wa Hasenũa,

⁸na Ĩbũneĩ mugala wa Yerohamũ, na Ela mugala wa Ũzĩ, mugala wa Mĩkĩrĩ, na Mesũlamũ, mugala wa Sefatĩa, mugala wa Reũelĩ, mugala wa Ĩbũnĩa;

⁹nʼabagala babo ngʼesyondengo syabo, amagana mwenda nʼamakũmĩ atanu nʼendatu (956). Abandu bosĩ aba babya bakulu bʼebĩtũnga byʼabotata omo bĩtũnga byʼabotata wabo.

¹⁰Nʼoko bahererĩ habya Yedaya, na Yoyarĩbũ, na Yakĩnĩ,

¹¹na Azaria mugala wa Hĩlkĩa, mugala wa Mesũlamũ, mugala wa Zadokĩ, mugala wa Merayotĩ, mugala wa Ahĩtũbũ, omũtabalĩ wʼenyũmba ya Nyamuhanga;

¹²na Adaya mugala wa Yerohamũ, mugala wa Pasũrĩ, mugala wa Malkĩa na Maasaĩ, mugala wa Adĩelĩ, mugala wa Yezera, mugala wa Mesũlamũ, mugala wa Nesĩlemĩtĩ, mugala wa Ĩmerĩ;

¹³nʼabagala babo, abakulu bʼebĩtũnga byʼabotata wabo, elfu nguma nʼamagana alinda nʼamakũmĩ ndatu (1,760); abandu bʼamaka busana nʼomũbĩrĩ wʼerikolera enyũmba ya Nyamuhanga.

¹⁴Nʼoko Balawĩ habya Semaya, mugala wa Hasũbũ, mugala wa Azĩrĩkamũ, mugala wa Hasabĩa, mugala wa Merarĩ;

¹⁵na Bakĩbakarĩ, na Heresĩ, na Galalĩ, na Matanĩa mugala wa Mĩka, mugala wa Sĩkĩrĩ, mugala wa Asafũ;

¹⁶na Obadĩa mugala wa Semaya, mugala wa Galalĩ, mugala wa Yedũtũnĩ, na Berekĩa mugala wa Asa, mugala wa Elekana, abĩkala omo hĩyĩ hyʼAbanetofatĩ.

¹⁷Nĩkwa abateya bʼesyongyo babya Salumu, na Akũbũ, na Talũmonĩ, na Ahĩmanĩ, nʼabagala babo Salumu oyo wabya mukulu,

¹⁸oyo wabya omo lũkyo lʼOmwami ebwanga bwʼendata. Aba babya bateya busana nʼekilaliriro kyʼabana bʼAbalawĩ.

¹⁹Na Salumu mugala wa Kore, mugala wa Ebĩasafĩ, mugala wa Kora, nʼabagala babo, bʼekĩtũnga kya tata wuwe, Abakora, mobabya bakahamula omũbĩrĩ wʼerikolera, abateya bʼolũkyo lwʼeHema; nʼabotata wabo babya bakahamula ekilaliriro kyʼOmwami Mukulu, abateya bʼolũkyo lwʼeriingiramo.

²⁰Na Fĩnehasĩ mugala wa Eleazarĩ abya mũtabalĩ wabo oko mugulu owalaba, nʼOmwami Mukulu abya haguma naye.

²¹Na Zekarĩa mugala wa Meselemĩa abya mũteya wʼolũyĩ lwʼeHema yʼerĩhĩndanamo.

²²Abosĩ aba abayisogawa eribya bateya omo syongyo babya magana abiri nʼerĩkũmĩ nʼababiri (212). Aba baganzawa omo syondengo syabo omo hĩyĩ hyabo, abo Dawĩdĩ na Samwelĩ omũlangĩrĩ bahĩra omo mũbĩrĩ wabo abayiketerawa.

²³Neryo abo nʼabagala babo mobateya esyongyo syʼenyũmba yʼOmwami Mukulu, ye nyũmba yʼeHema, ngʼabateya.

²⁴Abateya mobabya oko mbande ĩnĩ, ebwanga bwʼendata, nʼeyĩkwa, nʼelutambi lwʼendata nʼelutambi lwʼeyĩkwa.

²⁵Nʼabagala babo omo hĩyĩ hyabo, mobahamulwa eriasa obuli kiro kyʼebirinda oko mugulu nʼomugulu erĩbya haguma nabo.

²⁶Kusangwa abateya bakulu bani ababya Balawĩ, babya omo mũbĩrĩ wʼabagere-gere, ĩbakategaya esyongonde nʼerĩteya esyombĩso syʼebindu omo nyũmba ya Nyamuhanga.

²⁷Mobagotsera omo mbande syosĩ syʼenyũmba ya Nyamuhanga, kusangwa omũbĩrĩ wʼerĩteya abya wabo; nʼomũbĩrĩ wʼerikingulamo abya wabo obuli ngyakya.

²⁸Nʼabandi ba kubo babya nʼomũbĩrĩ wʼebindu nʼebyuma byʼomũbĩrĩ; kusangwa byalũsĩbawamo omwʼiganza, nʼerĩswahĩra byomo, mobyaganzwa.

²⁹Nʼabandi ba kubo mobahĩrwa erĩrebya ebindu, nʼerĩteya ebyuma byosĩ byʼahabũyĩrĩre, nʼerĩteya eyĩsyano eyiswere, nʼebĩnyũ, nʼamagũta, nʼoũbanĩ, nʼamanũkato.

³⁰Nʼabandi bʼabagala bʼabahererĩ mobakokotya erĩtũlũngana lyʼamanũkato.

³¹Na Matatĩa, omuguma wʼoko Balawĩ akambere ka Salumu Omukora, abya nʼomũbĩrĩ wʼerikalanga oko luyo.

³²Nʼabandi bagala babo, abagala bʼAbakohatĩ, mobabya oko mũbĩrĩ wʼobundu bwʼerĩkanganĩa erĩlũmanĩabo obuli Sabato.

³³Neryo aba nabo nĩ bĩmbĩ, abakulu bʼebĩtũnga byʼabotata bʼAbalawĩ, abĩkere omo byumba isibawite gundi mũbĩrĩ; kusangwa bakola omũbĩrĩ wabo omo musibo nʼomo kiro.

³⁴Aba babya bakulu bʼebĩtũnga byʼabotata bʼAbalawĩ, omo syondengo syabo syosĩ, abandu bakulu; abĩkala eYerũsalema.

³⁵Neryo eGĩbeonĩ, Yeĩelĩ, ĩse wa Gĩbeonĩ, mwĩkalayo, nʼerĩna lyʼomũkalĩ wuwe lyabya Maka;

³⁶nʼakambere kuwe kabya Abũdonĩ, neryo Zũrĩ, na Kĩsĩ, na Balĩ, na Nerĩ, na Nadabũ,

³⁷na Gedorĩ, na Ahĩo, na Zekarĩa na Mĩkĩlotĩ.

³⁸Na Mĩkĩlotĩ mwabuta Sĩmea. Nabo mobĩkala haguma nʼabagala babo eYerũsalema eyisirya oko bagala babo.

³⁹Na Nerĩ mwabuta Kĩsĩ; na Kĩsĩ mwabuta Saũlo; na Saũlo mwabuta Yonatana, na Malkĩ-sũa, na Abĩnadabũ, na Esĩbalĩ.

⁴⁰Na mugala wa Yonatana abya Merĩbũ-balĩ; na Merĩbũ-balĩ mwabuta Mĩka.

⁴¹Abagala ba Mĩka babya Pĩtanĩ, na Melekĩ, na Tarea, na Ahazĩ.

⁴²Na Ahazĩ mwabuta Yara, na Yara mwabuta Alũmetĩ, na Azĩmawetĩ na Zĩmũrĩ; Na Zĩmũrĩ mwabuta Moza;

⁴³na Moza mwabuta Bĩneya; na Rafaya abya mugala wuwe, nʼomugala wuwe Eleasa, na Azelĩ mugala wuwe.

⁴⁴Na Azelĩ mwabya nʼabagala ndatu, nʼamena wabo waya: Azĩrĩkamũ, na Bokerũ, na Ĩsĩmaelĩ, na Saharĩa, na Obadĩa, na Hananĩ. Aba babya bagala ba Azelĩ.