Read nande 2 Emyatsi yʼEmigulu 27 Bible Online

2 Emyatsi yʼEmigulu 27 - nande bible

2 Emyatsi yʼEmigulu 27

¹Yotamũ abya wʼemyaka makũmĩ abiri nʼeyĩtanu omugulu atsũka eribya mwami, neryo mwatabala eYerũsalema emyaka ĩkũmĩ nʼendatu; nʼerĩna lya koyo wuwe lyabya Yerũsa mwali wa Zadokĩ.

²Naye mwakola ekitunganene omo meso wʼOmwami Mukulu, ngʼebyosĩ tata wuwe Ũzĩa akola; nĩkwa mwatingira omo Hekalũ yʼOmwami Mukulu. Nʼabandu babya ibakinakola ebibi.

³Yotamũ mwahĩmba olũkyo olwʼendata olwʼenyũmba yʼOmwami Mukulu, kandi mwahĩmba bingi oko lũhĩmbo lwa Ofelĩ.

⁴Kandi mwahĩmba emĩyĩ omo kihugo kyʼebitwa kya Yũda, nʼomo mĩsĩtũ yʼehitwa mwahĩmba manyũmba, awakongotere nʼamanyũmba awasũngũlĩkĩre.

⁵Nibya mwalwa nʼomwami wʼabana ba Amonĩ, mwakĩndabo. Nʼabana ba Amonĩ mobamuha oko mwaka oyo esyotalanta syʼebĩtsĩpa erĩgana, nʼesyondengĩ syʼengano elfu ĩkũmĩ (10,000), nʼesyondengĩ elfu ĩkũmĩ (10,000) syʼekisusu. Abana ba Amonĩ mobamuhabyo batya, nʼomo mwaka wʼakabiri, nibya nʼowʼakasatu.

⁶Neryo Yotamũ mwayira amaka, kusangwa mwatondekanĩa esyonzira siwe embere syʼOmwami Mukulu Nyamuhanga wuwe.

⁷Neryo eyindi mĩbĩrĩ ya Yotamũ, nʼamalwa wuwe gosĩ, nʼemibere yiwe, lebaya ĩsakĩre omo kitabu kyʼabami bʼAbaĩsraelĩ nʼabʼAbayũda.

⁸Abya wʼemyaka makũmĩ abiri nʼeyĩtanu omugulu atsũka eribya mwami, neryo mwatabala emyaka ĩkũmĩ na ndatu eYerũsalema.

⁹Na Yotamũ mweya abotata-kulu buwe, mobamuta omo mũyĩ wa Dawĩdĩ; na Ahazĩ mugala wuwe mwabya mwami omo mwanya wuwe.