Read nande 2 Emyatsi yʼEmigulu 4 Bible Online

2 Emyatsi yʼEmigulu 4 - nande bible

2 Emyatsi yʼEmigulu 4

¹Kandi mwakokotya ekiherero kyʼomulinga, obuli bwakyo ni metere 9.20, nʼobugali bwakyo bwabya metere 9.20. Nʼobuli bwʼerĩlolya endata bwabya metere 4.60.

²Nibya mwakwika engetsi ĩnũnĩrye yʼesyometere 4.60 erĩlũa oko mũnywa wayo nʼerĩhĩka oko gundi mũnywa wayo, ĩyĩyĩtĩmbĩreko. Nʼobuli bwʼendata bwayo bwabya metere 2.30. Nʼobuli bwʼerĩtĩmba bwayo bwabya metere 13.80.

³Nʼomo ndĩna syayo mwabya ekĩsosekanĩo kyʼesyonde, ĩsĩtĩmbĩre kuyo, ĩkũmĩ omo kuboko, ĩsĩtĩmbĩre oko mbande syosĩ syʼengetsi. Esyonde esyabya omo milondo ĩbĩrĩ, syanũnĩbawa omo kitswe kiguma.

⁴Moyayiteka oko syonde syʼobulume erĩkũmĩ nʼesĩbĩrĩ, esĩsatu ĩsĩlolĩre elutambi lwʼendata, nʼesĩsatu ĩsĩlolĩre eyĩkwa nʼesĩsatu ĩsĩlolĩre elutambi lwʼeyĩkwa, nʼesĩsatu ĩsĩlolĩre eyo eryuba likasira; nʼengetsi yabya yĩtekĩre endata kusyo, nʼamatako wasyo ĩnĩalolĩre emwisi.

⁵Nʼobunene bwayo bwabya ngʼobugali bwʼekiganza; nʼomũnywa wayo abya ĩnĩakolĩre ngʼomũnywa wʼolũtehĩ, ngʼomusanga wʼeyũngĩ; imukaya amalega wʼamagetsi elfu ĩsatu (3,000).

⁶Mwakokotya nibya ebĩrĩba ĩkũmĩ byʼerinabiramo, mwahĩra ebitanu oko luhande lwʼebyala byʼamali, nʼebitanu oko malembe; mobererya mubyo ebindu byʼamahere wʼerĩokererya; nĩkwa engetsi eyo yabya busana nʼabahererĩ erinabiramo.

⁷Kandi mwakokotya omo syamagetsi ebĩhambĩrĩrĩ ĩkũmĩ byʼesyotala ngoko byahamulawa; neryo mwahĩrabyo omo Hekalũ, ebitanu oko luhande lwʼebyala byʼamali, nʼebitanu oko malembe.

⁸Nibya mwakokotya esyomesa ĩkũmĩ, mwahĩrasyo omo Hekalũ, esĩtanu oko luhande lwʼamali nʼesĩtanu oko luhande lwʼamalembe. Kandi mwakokotya ebibindi byʼesyamagetsi erĩgana.

⁹Kandi mwakokotya ekibuga kyʼabahererĩ, nʼekibuga kinene, nʼesyonyũyĩ busana nʼekibuga, nʼeribamba esyonyũyĩ syakyo omo mulinga.

¹⁰Nʼengetsi mwahĩrayo oko luhande lwʼamali eyo eryuba likasira, erĩlolya elutambi lwʼeyĩkwa.

¹¹Na Hĩramũ mwakokotya esyonyungu, nʼemyũko, nʼebibindi. Neryo Hĩramũ mwabuga erikola omũbĩrĩ oyo, ogo akolera omwami Solomono omo nyũmba ya Nyamuhanga.

¹²Esyondũyĩ ĩbĩrĩ, nʼebibindi, nʼesyombĩta ĩbĩrĩ esyabya endata oko ndũyĩ, nʼebĩlũkĩre bibiri ebikaswika ebibindi bibiri byʼesyombĩta esyabya endata oko syondũyĩ,

¹³nʼamakomamanga magana ani busana nʼebĩlũkĩre bibiri; nʼemilondo ĩbĩrĩ yʼamakomamanga busana nʼobuli mũlũkĩryo, eriswika ebibindi bibiri byʼesyombĩta esyabya oko syondũyĩ.

¹⁴Neryo mwakokotya esyondĩna, kandi mwakokotya ebĩrĩba endata oko syondĩna;

¹⁵engetsi nguma nʼesyonde ĩkũmĩ nʼesĩbĩrĩ oko ndĩna yayo.

¹⁶Nʼesyonyungu, nʼemyũko, nʼesyokanya syʼesĩswĩ, nʼebindu byosĩ byayo, Hĩramũ-abĩ mwakokotyabyo omo mulinga ahenĩrye busana nʼomwami Solomono, na busana nʼenyũmba yʼOmwami Mukulu.

¹⁷Neryo omwami mwanũnĩabyo omo bwerere bwʼeYorodanĩ omo kitaka kyʼeribumba omo katĩkatĩ kʼeSũkotĩ nʼeSereda.

¹⁸Neryo Solomono kwʼakokotaya atya ebindu byosĩ ebĩ, ebingi kutsibu; kusangwa obũlĩto bʼomulinga oyo mobutatoka eriminywa.

¹⁹Solomono nibya mwakokotya ebindu byosĩ ebyabya omo nyũmba ya Nyamuhanga; ekiherero kyʼesyamagetsi, nʼesyomes esyabya kwʼamandu Wʼerĩkanganĩa,

²⁰ebĩhambĩrĩrĩ byʼetala haguma nʼesyotala syabyo syʼesyamagetsi sĩtũkwĩre, eriaka embere wʼahabũyĩrĩre hʼomwisi omo mibere eyahamulawa;

²¹omusanga, esyotala, nʼoluhugo lwʼesyamagetsi, esyamagetsi esĩtũkwĩre;

²²nʼemĩrĩmĩryo, nʼebibindi, nʼemyũko, nʼesyongyo syʼomuliro syʼesyamagetsi esĩtũkwĩre; nʼahʼeriingira omo nyũmba, esyonyũyĩ syʼomwisi busana nʼahabũyĩrĩre kutsibu, nʼesyonyũyĩ syʼenyũmba, kye kyumba kyʼembere wʼeHekalũ, ebyosĩ omo syamagetsi.