Read nande 2 Emyatsi yʼEmigulu 8 Bible Online

2 Emyatsi yʼEmigulu 8 - nande bible

2 Emyatsi yʼEmigulu 8

¹Neryo enyũma wʼemyaka makũmĩ abiri eyo, Solomono abĩhĩmba enyũmba yʼOmwami Mukulu, nʼenyũmba yiwe,

²Neryo mwahĩmba emĩyĩ eyo Hĩramũ amuha, neryo mwĩkalyamo abana ba Ĩsraelĩ.

³Neryo Solomono mwaya eHamatĩSoba, mwakĩndago.

⁴Kandi mwahĩmba eTadĩmorĩ omo mbwarara, nʼemĩyĩ yosĩ yʼesyombĩso, eyo ahĩmba eHamatĩ.

⁵Kandi mwahĩmba Betĩ-horoni owʼendata, nʼeBetĩ-horonĩ wʼeyĩkwa, emĩyĩ eyikongotere, haguma nʼesyombĩmbo, nʼesyongyo, nʼemĩkangĩ;

⁶nʼeBalatĩ, nʼemĩyĩ yosĩ yʼesyombĩso eyo Solomono abya awite, nʼemĩyĩ yosĩ yʼesyogalĩ siwe, nʼemĩyĩ yosĩ busana nʼabandu buwe abali oko syosabayĩrĩ nʼebyosĩ, Solomono asonda erĩhĩmba busana nʼerĩyĩtsemesya eYerũsalema, nʼeLebanonĩ, nʼomo kihugo kyosĩ kyʼobutabale buwe.

⁷Nʼabandu bosĩ abasaka oko Bahĩtĩ, nʼoko Baamorĩ, nʼoko Baperezĩ, nʼoko Bahĩvĩ, nʼoko Bayebũsĩ, abatabya Baĩsraelĩ;

⁸oko bana babo abasĩgalira omo kihugo enyũma syabo, abo bana ba Ĩsraelĩ babya butsira eritinda; abo Solomono mwakolesyabo obukobe erĩhĩka mũnabwĩre.

⁹Nĩkwa omo bana ba Ĩsraelĩ Solomono mwatayirabo mo bakobe busana nʼomũbĩrĩ wuwe; nĩkwa babya bandu bʼamalwa, nʼabakulu bʼabasondolĩ buwe, nʼabasondolĩ bʼesyogalĩ siwe nʼabakagenda oko syosabayĩrĩ siwe.

¹⁰Aba bo babya bakulu bʼabasondolĩ bʼomwami Solomono, abandu magana abiri nʼamakũmĩ atanu, abatabala oko bandu.

¹¹Na Solomono mwaleta mwali wa Farao erĩlũa omo mũyĩ wa Dawĩdĩ erĩhĩka omo nyũmba eyo amũhĩmbĩra; kusangwa abũga ati, Omũkalĩ wage sĩendĩsyĩkala omo nyũmba ya Dawĩdĩ omwami wa Ĩsraelĩ, kusangwa habũyĩrĩre, aho erĩsandũko luʼOmwami Mukulu lyahĩka.

¹²Neryo Solomono mwahongera Omwami Mukulu amahere wʼerĩokererya oko kiherero kyʼOmwami Mukulu, ekyo ahĩmba embere wʼekĩsekũ;

¹³ngʼomũbĩrĩ wʼobuli kiro kwʼahĩrawa, eriherago ngʼekihano kya Musa, oko syoSabato, nʼemikera mihya-mihya, nʼoko biro bikulu ebyahĩrawa, ngendo kasatu oko buli mwaka, oko biro bikulu byʼamandu awate mwʼekĩhamya, nʼoko biro bikulu byʼamayenga, nʼoko biro bikulu byʼebitalikirire.

¹⁴Neryo ngʼekilayiro kya tata wuwe Dawĩdĩ, Solomono mwahamula erigabana lyʼabahererĩ busana nʼemĩbĩrĩ yabo, nʼAbalawĩ oko mĩbĩrĩ yabo yʼeripipa, nʼerikola embere syʼabahererĩ, ngʼomũbĩrĩ wʼobuli kiro kwʼali; abateya bʼolũyĩ omo milondo yabo oko buli lũkyo; kusangwa Dawĩdĩ omundu wa Nyamuhanga ahana atya.

¹⁵Kandi abahererĩ nʼAbalawĩ mobataleka erihana lyʼOmwami busana nʼomwatsi nʼomuguma, kutse busana nʼesyombĩso syʼebindu.

¹⁶Neryo omũbĩrĩ gosĩ wa Solomono mwakoleka, erĩlũa oko kiro kyʼerĩtsũka ekibanza kyʼenyũmba yʼOmwami Mukulu, erĩhĩka aho yabugirawa. Litya enyũmba yʼOmwami Mukulu moyahwa ndeke.

¹⁷Neryo Solomono mwaya eEzĩonĩ-geberĩ, nʼeElotĩ, oko mũsĩke wʼengetsi omo kihugo kyʼeEdomũ.

¹⁸Neryo Hĩramũ mwamutuma amato omo byala byʼabagombe buwe, nʼabagombe ababya basĩ engetsĩ; neryo mobahĩka eOfĩrĩ haguma nʼabagombe ba Solomono eriendayo esyotalanta magana ani nʼamakũmĩ atanu syʼesyamagetsi, mobaleterasyo omwami Solomono.