Read nande Nehemĩa 10 Bible Online

Nehemĩa 10 - nande bible

Nehemĩa 10

¹Neryo oko barua eyo eyahĩrawa kwʼekĩmĩnyĩsyo: habya amena aya: Nehemĩa omũtabalĩ mukulu, mugala wa Hakalĩa, na Zedekĩa,

²Seraya, Azaria, Yeremĩa,

³Pasũrĩ, Amarĩa, Malkĩya,

⁴Hatũsĩ, Sebanĩa, Malũkũ,

⁵Harĩmũ, Meremotĩ, Obadĩa,

⁶Danĩelĩ, Gĩnetonĩ, Barũkũ,

⁷Mesũlamũ, Abĩa, Mĩyamĩnũ,

⁸Mazĩya, Bĩlgayĩ, Semaya. Aba babya bahererĩ.

⁹NʼAbalawĩ baba: Yesũa mugala wa Azanĩa, Bĩnũyĩ wʼoko bagala ba Henadadĩ, Kadĩmĩelĩ;

¹⁰nʼabagala babo, Sebanĩa, Hodĩa, Kelĩta, Pelaya, Hananĩ,

¹¹Mĩka, Rehobũ, Hasabĩya,

¹²Zakũrĩ, Serebĩya, Sebanĩa,

¹³Holĩya, Banĩ, Benenũ.

¹⁴Abakulu bʼabandu baba: Parosĩ, Pahatĩ-moabũ, Elamũ, Zatũ, Banĩ,

¹⁵Bũnĩ, Azgadĩ, Bebayĩ,

¹⁶Adonĩya, Bĩgwayĩ, Adĩnĩ,

¹⁷Aterĩ, Hezekĩa, Azũrĩ,

¹⁸Hodĩya, Hasũmũ, Bezayĩ,

¹⁹Harĩfũ, Anatotĩ, Nobayĩ,

²⁰Magĩpĩasĩ, Mesũlamũ, Hesĩrĩ,

²¹Mesezabelĩ, Zadokĩ, Yadũa,

²²Pelatĩya, Hananĩ, Anaya,

²³Hoseya, Hanania, Hasũbũ,

²⁴Halehesĩ, Pĩleha, Sobekĩ,

²⁵Rehũmũ, Hasabũna, Maseya,

²⁶na Ahĩya, Hananĩ, Ananĩ,

²⁷Malũkũ, Harĩmũ, Bana.

²⁸Nĩkwa abandi bandu, abahererĩ, Abalawĩ, abateya bʼesyongyo, nʼabĩmbĩ, nʼabagombe bʼeHekalũ, nʼabosĩ abayisolola oko bihanda byʼebihugo busana nʼemigambo ya Nyamuhanga, abakalĩ babo, nʼabana babo, nʼabana-bato babo, obuli mundu oyo wabya awite amenge nʼeriminya;

²⁹mobamakirira abagala babo, nʼabakulu babo, mobingira omwʼitakira, nʼomwʼĩlahĩrya, bati bakalendera omo migambo ya Nyamuhanga eyahabawa Musa omugombe wa Nyamuhanga, nʼerikunata nʼerikola amahano gosĩ wʼOmwami Mukulu, Omukama wetu, nʼesyonzwere siwe nʼemigambo yiwe;

³⁰kandi tuti sitwendisyaha, abana-bato betu oko bihanda byʼekihugo, kutse sitwendĩsyahĩkĩrya, abana-bato babo bʼabagala betu twabuta.

³¹Nʼebihanda byʼekihugo bamaleta ebindu byʼerĩgũlya kutse akalyo kahi oko kiro kyʼeSabato erĩgũlyako, isitwendigula kuko omo Sabato, kutse omo kiro kĩbũyĩrĩre; kandi tuti tukandisyaleka amalima omo mwaka wʼakalinda nʼerĩtũhya obuli mwĩnda.

³²Kandi motwalĩga eririha, obuli mwaka embindi nguma yʼakasatu yʼesekelĩ busana nʼomũbĩrĩ wʼenyũmba ya Nyamuhanga wetu;

³³busana nʼamandu wʼerĩkanganĩa, na busana nʼobuhere bwʼeyĩsyano obwʼemigulu yosĩ, na busana nʼobuhere bwʼerĩokererya, na busana nʼesyo Sabato na busana nʼemikera mihya-mihya, na busana nʼebiro bikulu ebĩkahĩrawa, na busana nʼebindu bĩbũyĩrĩre, na busana nʼamahere wʼamalolo eririhira Ĩsraelĩ, na busana nʼomũbĩrĩ gosĩ wʼenyũmba ya Nyamuhanga wetu.

³⁴Kandi motwagereka, busana nʼabahererĩ, Abalawĩ, nʼabandu, busana nʼeribana esyongwĩ, eriretasyo omo nyũmba ya Nyamuhanga wetu, omo bĩtũnga byʼabotata wetu, oko migulu yahĩrawa, oko buli mwaka nʼoko buli mũtũta erĩhĩsyasyo oko kiherero kyʼOmwami Mukulu Nyamuhanga wetu, ngoko kĩsakĩre omo migambo.

³⁵Kandi batoke erireta Obuyilula bwʼekitaka kyetu, Obuyilula bwʼebĩgũma byosĩ byʼemĩsĩndo yosĩ yʼemiti obuli mwaka, oko nyũmba yʼOmwami Mukulu.

³⁶Kandi tuti tulete ehimbere hyʼabana betu, nʼehyʼesyonde syetu nʼehyʼebihangulo byetu ngoko emigambo ĩkabũga, eriretahyo omo nyũmba ya Nyamuhanga wetu; busana nʼabahererĩ abakakolera omo nyũmba ya Nyamuhanga wetu.

³⁷Kandi twangaleta Obuyilula bwʼeyisyano yetu nʼamahere wetu wʼerisumbwa, nʼebĩgũma byʼemiti yʼemĩsĩndo yosĩ, ebĩnyũ bihya-bihya nʼamagũta, oko bahererĩ, oko syongonde syʼenyũmba ya Nyamuhanga wetu; nʼekiguma kyʼerĩkũmĩ kyʼekitaka kyetu oko Balawĩ; kusangwa Abalawĩ bakangirira ekiguma kyʼerĩkũmĩ omo mĩyĩ yosĩ yetu yʼokolĩ.

³⁸Nʼomũhererĩ mugala wa Harũnĩ asyabya haguma nʼAbalawĩ omugulu Abalawĩ bakaheka ekiguma kyʼerĩkũmĩ; nʼAbalawĩ basyaleta ekiguma kyʼerĩkũmĩ kyʼebiguma byʼerĩkũmĩ omo nyũmba ya Nyamuhanga wetu, omo byumba byʼesyombĩso.

³⁹Kusangwa abana ba Ĩsraelĩ nʼabana ba Lawĩ basyaleta obuhere bwʼerisumba obwʼengano, nʼobwʼebĩnyũ bihya-bihya, nʼobwʼamagũta, omo syongonde, aho ebibindi byʼahabũyĩrĩre biri, nʼabahererĩ abakakola, nʼabateya bʼesyongyo, nʼabĩmbĩ. Litya sĩtwendĩsyasĩganĩa enyũmba ya Nyamuhanga wetu.