Read nande Nehemĩa 11 Bible Online

Nehemĩa 11 - nande bible

Nehemĩa 11

¹Nĩkwa abasondolĩ bʼabandu mobĩkala eYerũsalema; nʼabandi bandu mobagusa omugereko, erireta omuguma wʼerĩkũmĩ erĩĩkala eYerũsalema omũyĩ owabũyĩrĩre, nʼabandi mwenda ĩbĩkala omo yindi mĩyĩ.

²Nʼabandu mobatsumula bandu bosĩ abalĩga erĩĩkala eYerũsalema.

³Neryo aba bo bakulu bʼebihugo abĩkala eYerũsalema; nĩkwa omo mĩyĩ yʼeYũda obuli mundu mwĩkala oko kitaka kiwe omo mĩyĩ yabo, Abaĩsraelĩ, nʼabahererĩ, nʼAbalawĩ, nʼabagombe bʼeHekalũ, nʼabana bʼabagombe ba Solomono.

⁴NʼeYerũsalema abandi bʼabana Bayũda mobĩkalaho, nʼoko bana ba Benyamĩna. Oko bana ba Yũda: Ataya mugala wa Ũzĩya, mugala wa Zakarĩa, mugala wa Amarĩa, mugala wa Sefatĩa, mugala wa Mahalalelĩ, oko bana ba Peresĩ;

⁵na Maseya mugala wa Barũkĩ, mugala wa Kolĩhose, mugala wa Hazaya, mugala wa Adaya, mugala wa Yoyarĩbũ, mugala wa Zakarĩa, mugala wa Mũsĩlonĩ.

⁶Abagala bosĩ ba Peresĩa abĩkala eYerũsalema babya esyombangĩ magana ani nʼamakũmĩ ndatu nʼomunani (468).

⁷Aba nabo ni bagala ba Benyamĩna: Salũ mugala wa Mesũlamũ, mugala wa Yoedĩ, mugala wa Pedaya, mugala wa Kolaya, mugala wa Masaya, mugala wa Ĩtĩelĩ, mugala wa Ĩsaya.

⁸Nʼenyũma wuwe Gabayĩ, Salayĩ, amagana mwenda nʼamakũmĩ abiri nʼomunani (928).

⁹Na Yoelĩ mugala wa Sikiri abya mũlangĩrĩ wabo; na Yũda mugala wa Hasenũa abya mũlangĩrĩ wʼakabiri oko mũyĩ.

¹⁰Oko bahererĩ: Yedaya, mugala wa Yoyarĩbũ, Yakĩnĩ,

¹¹Saraya mugala wa Hĩlkĩa, mugala wa Mesũlamũ, mugala wa Zadokĩ, mugala wa Merayotĩ, mugala wa Ahĩtũbũ omũsondolĩ wʼenyũmba ya Nyamuhanga,

¹²Nʼabagala babo abakola omũbĩrĩ wʼenyũmba, amagana munani nʼamakũmĩ abiri nʼababiri (822); na Adaya mugala wa Yerohamũ, mugala wa Pelalĩa, mugala wa Amũsĩ, mugala wa Zakarĩa, mugala wa Pasũrĩ, mugala wa Malkĩa,

¹³nʼabagala babo abakulu bʼebĩtũnga byʼabotata-kulu, amagana abiri nʼamakũmĩ ani nʼababiri (242); na Amasayĩ mugala wa Mesũmerotĩ, mugala wa Ĩmerĩ,

¹⁴nʼabagala babo esyombangĩ erĩgana nʼamakũmĩ abiri nʼomunani (128). Nʼomũlangĩrĩ wabo abya Zabdĩelĩ, mugala wa Hagedolĩmũ.

¹⁵Nʼoko Balawĩ: Samaya mugala wa Hasũbũ, mugala wa Azĩrĩkamũ, mugala wa Hasabĩa, mugala wa Bũnĩ;

¹⁶na Sebetayĩ na Yozabadĩ, bʼabakulu bʼAbalawĩ, ababya bahanganĩrĩ bʼomũbĩrĩ wʼeyĩhya wʼenyũmba ya Nyamuhanga;

¹⁷na Matanĩa mugala wa Mĩka, mugala wa Zabũbĩ, mugala wa Asafũ, oyo wabya mũsondolĩ wʼeriha ewasĩngya omwʼisaba, na Bakũbũkĩa, owʼakabiri omo katĩkatĩ kʼabagala babo; na Abũda, mugala wa Samũa, mugala wa Galalĩ, mugala wa Yedũtũnĩ.

¹⁸Abalawĩ bosĩ omo mũyĩ abũyĩrĩre babya bandu magana abiri nʼamakũmĩ munani nʼabani (284).

¹⁹Kandi abateya bʼesyongyo, Akũbũ, Talmonĩ, nʼabagala babo abategaya obũteya oko syongyo babya erĩgana nʼamakũmĩ alinda nʼababiri (172).

²⁰Nʼabandi ba Ĩsraelĩ, oko bahererĩ, nʼoko Balawĩ, ababya omo mĩyĩ yosĩ ya Yũda, obuli mundu omo kitaka kiwe.

²¹Nĩkwa abagombe bʼeHekalũ mobĩkala eOfelĩ: nʼeZĩha, nʼeGĩsĩpa babya bahanganĩrĩ bʼabagombe bʼeHekalũ.

²²Nʼomũhanganĩrĩ wʼAbalawĩ eYerũsalema abya Ũzĩ, mugala wa Banĩ, mugala wa Hasabĩa, mugala wa Matanĩa, mugala wa Mĩka oko bagala ba Asafũ, nʼabĩmbĩ, oko mũbĩrĩ wʼenyũmba ya Nyamuhanga.

²³Kusangwa omwami mwahamula busana nabo nʼoluhembo olutolerebo busana nʼobuli kiro.

²⁴Na Petaya mugala wa Mesezabelĩ, oko bana ba Zera mugala wa Yũda, abya oko luhande lwʼebyala byʼOmwami omo myatsi yosĩ busana nʼabandu.

²⁵Kandi busana nʼehĩyĩ haguma nʼamalima wabo abandi bʼoko bana ba Yũda mobĩkala eKĩrĩatĩ-arba nʼemĩyĩ yako, nʼeDĩbonĩ nʼemĩyĩ yako, nʼeYekabũselĩ, nʼehĩyĩ hyako,

²⁶nʼeYesũa, nʼeMũlada, nʼeBetĩ-peletĩ,

²⁷nʼeHazarĩ-sũalĩ, nʼeBerĩ-seba, nʼomo hĩyĩ hyako,

²⁸nʼeZĩklagĩ, nʼeMekona, nʼomo hĩyĩ hyako,

²⁹nʼeEnĩ-romonĩ, nʼeZora nʼeYaramũtĩ,

³⁰nʼeZanoa, nʼeAdũlamũ, nʼehĩyĩ hyako, Lakĩsĩ nʼamalima wako, Azeka nʼehĩyĩ hyako. Litya mobalalira erĩtsũka eBerĩseba erĩhĩka oko musya wʼeHĩnomũ.

³¹Abana ba Benyamĩna nibya mobĩkala erĩtsũka eGeba erĩlolya embere, eMĩkĩmasĩ nʼeAya, nʼeBetelĩ, nʼehĩyĩ hyako,

³²NʼeAnatotĩ, nʼeNobũ, nʼeAnania,

³³nʼeHazorĩ, nʼeRama, nʼeGĩtaĩmũ,

³⁴nʼeHadĩdĩ, nʼeZebũĩmũ, nʼeNebalatĩ,

³⁵nʼeLodĩ, nʼeOno, omusya wʼabanyima.

³⁶Nʼoko Balawĩ, ebindi bihanda mobyamakirira uku Benyamĩna.