Read nande Nehemĩa 12 Bible Online

Nehemĩa 12 - nande bible

Nehemĩa 12

¹Neryo aba ba baherĩ nʼAbalawĩ abahetuka haguma na Zerũbabelĩ mugala wa Saltĩelĩ, na Yesũa: Seraya, Yeremĩa, Ezera,

²Amarĩa, Malũkũ, Hatũsĩ,

³Sekanĩa, Rehũmũ, Meremotĩ,

⁴Ĩdo-gĩnetonĩ, Abĩya,

⁵Mĩamĩnũ, Madĩa, Bĩlga,

⁶Semaya, na Yoyarĩbũ, Yedaya,

⁷Salũ, Amokĩ, Hĩlkĩa, Yedaya. Aba ba bakulu bʼabahererĩ nʼabagala babo omo biro bya Yesũa.

⁸Kandi Abalawĩ babya: Yesũa, Bĩnũĩ, Kadĩmĩelĩ, Serebĩya, Yũda, na Matanĩa, oyo wabya mũsondolĩ wʼeriha ewasĩngya, iye nʼabagala babo.

⁹Nibya Bakũbũkĩa, na Ono, abagala babo mobalolya oko luhande lwabo ngʼemĩbĩrĩ yabo.

¹⁰Neryo Yesũa mwabuta Yoyakĩmũ, na Yoyakĩmũ mwabuta Elĩasĩbũ, Elĩasĩbũ mwabuta Yoyada,

¹¹Yoyada mwabuta Yonatana, Yonatana mwabuta Yadũa.

¹²Nʼoko biro bya Yoyakĩmũ mohabya abahererĩ bakulu bʼebĩtũnga byʼabotata-kulu: uku Seraya ye Meraya; uku Yeremĩa, Hanania;

¹³uku Ezera, Mesũlamũ; uku Amarĩa, Yehohananĩ;

¹⁴uku Malũkĩ, Yonatana; uku Sabanĩa, Yosefũ;

¹⁵nʼuku Harĩmũ, Adĩna; uku Merayotĩ, Helkayĩ;

¹⁶uku Ĩdo, Zakarĩa; nʼuku Gĩnatonĩ, Mesũlamũ;

¹⁷uku Abĩya, Zĩkĩrĩ; uku Mĩnĩamĩnũ, uku Moadĩa, Pĩltayĩ;

¹⁸uku Bĩlga, Samũa; uku Semaya, Yehonatana;

¹⁹nʼuku Yoyarĩbũ, Matanayĩ; uku Yedaya, Ũzĩ;

²⁰uku Salayĩ, Kalayĩ; uku Amokĩ, Eberĩ;

²¹uku Hĩlkĩa, Hasabĩa; uku Yedaya, Netanelĩ.

²²Nĩkwa busana nʼAbalawĩ, omo biro bya Elĩasĩbũ, Yoyadĩ na Yehohananĩ, na Yadũa, aho mohasakwa abakulu bʼebihanda byʼabotata-kulu; nʼabahererĩ nibya, omwʼitabala lya Darĩo Omũpersĩa.

²³Abagala ba Lawĩ, abakulu bʼebĩtũnga byʼabotata-kulu, mobasakwa omo kitabu kyʼemyatsi, erĩhĩka oko biro bya Yohana mugala wa Elĩasĩbũ.

²⁴Nʼabakulu bʼAbalawĩ: Hasabĩa, Serebĩa, na Yesũa, mugala wa Kadĩmĩelĩ, haguma nʼabagala babo eyisirya kubo, eripipa nʼeriha ewasĩngya, ngʼerihana lya Dawĩdĩ omundu wa Nyamuhanga, ekihanda eyisirya oko kihanda omũteya.

²⁵Matanĩa na Bakũbũkĩa, Obadĩa, Mesũlamũ, Talmonĩ, Akũbũ, babya bateya abakategaya obũteya bwʼesyombĩso syʼesyongyo.

²⁶Aba babya omo biro bya Yoyakĩmũ mugala wa Yosũa, mugala wa Yozadakĩ, omo biro bya Nehemĩa, omũtabalĩ mukulu, nʼebya Ezera omũhererĩ nʼomũhandĩkĩ.

²⁷Neryo oko mugulu wʼeriha Nyamuhanga olũhĩmbo lwʼeYerũsalema mobasondya Abalawĩ ewabo ehosĩ, eriretabo eYerũsalema, bayire eriha eryo uku Nyamuhanga nʼobutseme, haguma nʼeriha ewasĩngya, nʼeriimba, omo masengo, nʼomo nzenze, nʼomo nanga.

²⁸Nʼabagala bʼabĩmbĩ mobayĩhĩndanĩa bakalũa omo bwerere obũtĩmbĩre eYerũsalema nʼerĩlũa omo hĩyĩ hyʼAbanetofatĩ;

²⁹nibya mobalũa eBetĩ-gĩlgalĩ, nʼomo bihugo byʼeGeba nʼeAzĩmawetĩ; kusangwa abĩmbĩ babya ĩbabĩrĩyĩhĩmbĩra ehĩyĩ erĩtĩmba eYerũsalema.

³⁰Neryo abahererĩ nʼAbalawĩ mobayihigula; mobahigula abandu, nʼesyongyo, nʼolũhĩmbo.

³¹Neryo monahetũkya abasondolĩ ba Yũda oko lũhĩmbo, kandi monasobolekanĩa emilondo ĩbĩrĩ yʼabĩmbĩ abaha ewasĩngya nʼerigenda omo mulondo; omuguma mwalaba oko byala byʼamali oko lũhĩmbo erĩlolya oko Lũkyo lwʼEkyabũ.

³²Neryo nʼenyũma kubo, Hosaya mwakwamabo nʼoluhande lwʼabakulu ba Yũda,

³³haguma na Azaria, Ezera, na Mesũlamũ,

³⁴na Yũda, na Benyamĩna, na Semaya, na Yeremĩa,

³⁵haguma nʼabandi bʼoko bagala bʼabahererĩ nʼesyongubi; na Zakarĩa, mugala wa Yonatana, mugala wa Semaya, mugala wa Matanĩa, mugala wa Mĩkaya, mugala wa Zakũrĩ, mugala wa Asafũ;

³⁶nʼabagala babo, Semaya, na Azarelĩ, Mĩlalaĩ, Gĩlalĩa, Maaĩ, Netanelĩ, na Yũda, na Hananĩ, haguma nʼebindu ebikimba bya Dawĩdĩ omundu wa Nyamuhanga; na Ezera omũhandĩkĩ abya embere syabo.

³⁷Neryo hakũhĩ nʼolũkyo lwʼEngũnũnũko, nʼembere syabo, mobahetuka oko bisambiro byʼomũyĩ wa Dawĩdĩ, oko bwiruka bwʼolũhĩmbo, endata oko nyũmba ya Dawĩdĩ, erĩhĩka oko Lũkyo lwʼAmagetsi oko luhande lwʼendata.

³⁸Omulondo wʼakabiri wʼabĩmbĩ abakaha ewasĩngya mobayahĩndana nabo, nage monakwamabo, enyũma, haguma nʼoluhande lwʼabandu oko lũhĩmbo, endata oko Nyũmba Nyiri Eyĩsũngũlĩkĩre, erĩhĩka oko Lũhĩmbo Lũgalĩhĩre,

³⁹nʼendata oko Lũkyo lwa Efũraĩmũ, nʼoko Lũkyo lwa Kera, nʼoko Lũkyo lwʼAmahere, nʼoko Nyũmba Nyiri-nyiri Eyĩsũngũlĩkĩre ya Hananelĩ, nʼeNyũmba Nyiri-nyiri Eyĩyĩsũngũlĩkĩre yʼErĩgana, erĩhĩka oko Lũkyo lwʼEsyombũlĩ; kandi mobahangana oko Lũkyo lwʼAbateya.

⁴⁰Litya emilondo ĩbĩrĩ yʼabĩmbĩ moyahangana omo nyũmba ya Nyamuhanga, nage nibya nʼekihande kyʼabatabalĩ haguma nage;

⁴¹nʼabahererĩ Elĩakĩmũ, Maseya, Mĩnĩamĩnĩ, Mĩkaya, Eleonaĩ, Zekarĩa, na Hanania haguma nʼesyongubi;

⁴²na Maseya, na Semaya, na Eleazarĩ, na Ũzĩ, na Yehohananĩ, na Malkĩa, na Elamũ, na Ezerĩ. Nʼabĩmbĩ mobimba nʼomulenge munene, haguma na Yezerahĩa Omũhanganĩrĩ wabo.

⁴³Nabo mobahonga esyohongo nene ekiro ekyo, mobatsema; kusangwa Nyamuhanga ĩnĩabĩrĩtsemesyabo nʼobutseme bunene; nʼabakalĩ nibya nʼabana mobatsema; litya obutseme bwʼeYerũsalema obo mobowĩbwa ehali.

⁴⁴Nʼoko kiro ekyo abandu mobahĩrwa mo bahanganĩrĩ oko byumba byʼesyombĩso, na busana nʼesyonzũnzo, na busana nʼamayilula, na busana nʼekiguma kyʼerĩkũmĩ, erikuma-kumabyo omo malima wʼemĩyĩ, amagabo awahamulawa omo migambo busana nʼabahererĩ nʼAbalawĩ; kusangwa Yũda mobatsemera abahererĩ nʼAbalawĩ abahangana omo mũbĩrĩ.

⁴⁵Neryo mobateya obũteya bwa Nyamuhanga wabo, nʼobũteya bwʼeriera, nʼabĩmbĩ mobakola batya nʼabateya bʼesyongyo, ngʼerihana lya Dawĩdĩ, nʼerya Solomono mugala wuwe.

⁴⁶Kusangwa omo biro bya Dawĩdĩ na Asafũ oko mugulu wa kera, habya omukulu wʼabĩmbĩ, nʼesyonyimbo syʼeripipa nʼesyʼeriha ewasĩngya uku Nyamuhanga.

⁴⁷NʼAbaĩsraelĩ bosĩ omo biro bya Zerũbabelĩ, nʼomo biro bya Nehemĩa, mobaha amagabo awakahabawa abĩmbĩ, nʼawʼabateya bʼesyongyo, obuli kiro ngoko babya basondĩre; kandi mobahigula erĩgabo busana nʼAbalawĩ; nʼAbalawĩ mobahigulira erĩgabo busana nʼabagala ba Harũnĩ.