Read nande Nehemĩa 7 Bible Online

Nehemĩa 7 - nande bible

Nehemĩa 7

¹Neryo omugulu olũhĩmbo lwamabĩhĩmbwa, inabirisingika esyonyũyĩ, nʼabateya bʼesyongyo nʼabĩmbĩ nʼAbalawĩ ĩbamabĩhĩrwaho,

²monahamula mugala wetu Hananĩ, na Hanania omũtabalĩ wʼahakongotere nyiti babye bakulu bʼeYerũsalema; kusangwa Hananta abya mundu uteregula, nʼoyukakenga Nyamuhanga kwilaba bangi.

³Monabwirabo nyiti, Esyongyo syʼeYerũsalema sisikingulawe eryuba lite ryakala; nʼomugulu bakategaya, bakinge esyonyũyĩ, bahĩre kwʼesyongomo; bahĩre abateya bʼoko syondũlanĩ syʼeYerũsalema, obuli mundu oko bũteya buwe nʼobuli mundu embere wʼenyũmba yiwe.

⁴Nĩkwa omũyĩ abya mugali kandi ini munene, nĩkwa abandu babyamo babya bake, nʼesyonyũmba ĩsĩsyesyahĩmbwa.

⁵Neryo Nyamuhanga wage mwahĩra omo mutima wage erĩhĩndanĩa abakulu nʼabatabalĩ, nʼabandu, baganzawe omo syondengo syabo. Kandi moneya ekitabu kyʼesyondengo syʼabandu abatsũka eriasa, moneya ekĩsakĩre kiti,

⁶Aba ba bana bʼekihugo abahetuka bakalũa omo bunyegwa bwabo abahũngawa, abo mwami wʼeBabelĩ ye Nebũkadeneza aheka, abasuba eYerũsalema nʼeYũda, obuli mundu oko mũyĩ wuwe,

⁷abasa haguma na Zerũbabelĩ, na Yesũa, Nehemĩa, Azalĩa, Ramĩa, Nahamanĩ, Mordekayĩ, Bĩlsanĩ, Mĩzĩperetĩ, Bĩgwayĩ, Nehũmũ; na Bana. Emiganzo yʼabandu ba Ĩsraelĩ yeyĩ!

⁸Abana ba Parosĩ, elfu ĩbĩrĩ nʼerĩgana nʼamakũmĩ alinda nʼababiri (2,172).

⁹Abana ba Sefatĩa, amagana asatu nʼamakũmĩ alinda nʼababiri (372).

¹⁰Abana ba Ara, amagana ndatu nʼamakũmĩ atanu nʼababiri (652).

¹¹Abana ba Pahatĩ-moabũ, ba bana ba Yesũa na Yoabũ, elfu ĩbĩrĩ nʼamagana munani nʼerĩkũmĩ nʼomunani (2,818).

¹²Abana ba Elamũ, elfu nguma nʼamagana abiri nʼamakũmĩ atanu nʼabani (1,254).

¹³Abana ba Zatũ, amagana munani nʼamakũmĩ ani nʼabatanu (845).

¹⁴Nʼabana ba Zekayĩ, amagana alinda nʼamakũmĩ ndatu (760).

¹⁵Nʼabana ba Bĩnũĩ, amagana ndatu nʼamakũmĩ ani nʼomunani (648).

¹⁶Abana ba Bebayĩ, amagana ndatu nʼamakũmĩ abiri nʼomunani (628).

¹⁷Abana ba Azgadĩ, elfu ĩbĩrĩ nʼamagana asatu nʼamakũmĩ abiri nʼababiri (2,322).

¹⁸Nʼabana ba Adonĩkamũ, amagana ndatu nʼamakũmĩ ndatu nʼabalinda (667).

¹⁹Abana ba Bĩgwayĩ, elfu ĩbĩrĩ nʼamakũmĩ ndatu nʼabalinda (2,067).

²⁰Abana ba Adĩnĩ, amagana ndatu nʼamakũmĩ atanu nʼabatanu (655).

²¹Nʼabana ba Aterĩ, aba Hezekĩa, amakũmĩ mwenda nʼomunani (98).

²²Abana ba Hasũmũ, amagana asatu nʼamakũmĩ abiri nʼomunani (328).

²³Abana ba Besayĩ, amagana asatu nʼamakũmĩ abiri nʼabani (324).

²⁴Abana ba Harĩfũ, erĩgana nʼerĩkũmĩ nʼababiri (112).

²⁵Nʼabana ba Gĩbeonĩ, amakũmĩ mwenda nʼabatanu (95).

²⁶Nʼabandu bʼeBetelehemũ nʼeNetofa, erĩgana nʼamakũmĩ munani nʼomunani (188).

²⁷Abandu ba Anatotĩ, erĩgana nʼamakũmĩ abiri nʼomunani (128).

²⁸Abandu ba Betĩ-asĩmawetĩ, amakũmĩ ani nʼababiri (42).

²⁹Abandu bʼeKĩrĩatĩ-yearĩmũ, Kefĩra, na Berotĩ, amagana alinda nʼamakũmĩ ani nʼabasatu (743).

³⁰Abandu bʼeRama nʼeGeba, amagana ndatu nʼamakũmĩ abiri nʼomuguma (621).

³¹Abandu bʼeMĩkĩmasĩ, erĩgana nʼamakũmĩ abiri nʼababiri (122).

³²Abandu bʼeBetelĩ nʼeAĩ, erĩgana nʼamakũmĩ abiri nʼabasatu (123).

³³Abandu bʼogundi Nebo, amakũmĩ atanu nʼababiri (52).

³⁴Abana bʼogundi Elamũ, elfu nguma nʼamagana abiri nʼamakũmĩ atanu nʼabani (1,254).

³⁵Abana ba Harĩmũ, amagana asatu nʼamakũmĩ abiri (320).

³⁶Abana bʼeYerĩko, amagana asatu nʼamakũmĩ ani nʼabatanu (345).

³⁷Abana bʼeLodĩ, na Hadĩdĩ, na Ono, amagana alinda nʼamakũmĩ abiri nʼomuguma (721).

³⁸Abana bʼeSena, elfu ĩsatu nʼamagana mwenda nʼamakũmĩ asatu (3,930).

³⁹Abahererĩ: abana ba Yedaya, abʼekĩtũnga kya Yesũa, amagana mwenda nʼamakũmĩ alinda nʼabasatu (973).

⁴⁰Abana ba Ĩmerĩ, elfu nguma nʼamakũmĩ atanu nʼababiri (1,952).

⁴¹Abana ba Pasũrĩ, elfu nguma nʼamagana abiri nʼamakũmĩ ani nʼabalinda (1,247).

⁴²Abana ba Harĩmũ, elfu nguma nʼerĩkũmĩ nʼabalinda (1,017).

⁴³Abalawĩ: Abana ba Yesũa, aba Kadĩmĩelĩ, ba bana ba Hodeba, amakũmĩ alinda nʼabani (74).

⁴⁴Abĩmbĩ: abandu ba Asafũ erĩgana nʼamakũmĩ ani nʼomunani (148).

⁴⁵Abateya bʼesyongyo: abana ba Salumu, abana ba Aterĩ, abana ba Talmonĩ, abana ba Akũbũ, abana ba Hatĩta, abana ba Sobayĩ, erĩgana nʼamakũmĩ asatu nʼomunani (138).

⁴⁶Abagombe bʼeHekalũ: abana ba Sĩha, abana ba Hasũfa, abana ba Tabaotĩ.

⁴⁷Abana ba Kerosĩ, abana ba Sĩa, abana ba Padonĩ,

⁴⁸abana ba Lebana, abana ba Hagaba, abana ba Salmayĩ,

⁴⁹abana ba Hananĩ, abana ba Gĩdelĩ, abana ba Gaharĩ,

⁵⁰abana ba Reaya, abana ba Resĩnĩ, abana ba Nekoda,

⁵¹abana ba Gazamũ, abana ba Ũza, abana ba Pasea,

⁵²abana ba Besayĩ, abana ba Mũnĩmũ, abana ba Nefũsesĩmũ,

⁵³abana ba Bakĩbũkĩ, abana ba Hakũfa, abana ba Harĩhũrĩ,

⁵⁴abana ba Basĩlĩtĩ, abana ba Mehĩda, abana ba Harsa,

⁵⁵abana ba Bakosĩ, abana ba Sĩsera, abana ba Tema,

⁵⁶abana ba Nezĩa, abana ba Hatĩfa.

⁵⁷Abana bʼabagombe ba Solomono: abana ba Sĩtayĩ, abana ba Soferetĩ, abana ba Perĩda,

⁵⁸abana ba Yala, abana ba Darkonĩ, abana ba Gĩdelĩ,

⁵⁹abana ba Sefatĩa, abana ba Hatĩlĩ, abana ba Pokeretĩ-hazebaĩmũ, abana ba Amonĩ.

⁶⁰Abagombe bosĩ bʼeHekalũ, nʼabana bʼabagombe ba Solomono babya magana asatu nʼamakũmĩ mwenda nʼababiri (392).

⁶¹Aba bo bahetuka bakalũa eTelĩmela, nʼeTelĩ-harsa, nʼeKerũbĩ, nʼeAdonĩ, nʼeĨmerĩ; nĩkwa mobatatoka erĩkangya ebĩtũnga bya tata wabo kutse abana babo nga babya ba Ĩsraelĩ:

⁶²abana ba Delaya, nʼabana ba Tobĩa, abana ba Nekoda, amagana ndatu nʼamakũmĩ ani nʼababiri (642).

⁶³Nʼoko bahererĩ: abana ba Hobaya, abana ba Hakosĩ, abana ba Barzĩlayĩ, oyo wahĩkaya oko bali ba Barzĩlayĩ Omũgĩleadĩ, kandi mwalukwa omo lĩna lyabo.

⁶⁴Aba mobasonda-sonda etsapa yabo omo katĩkatĩ kabo, abaganzawa omo syondengo syʼabotata wabo, nĩkwa moyitetabanika: busana nʼekyo mobaganzwa ngʼabatsandĩrya nʼerihigwa omo bũhererĩ.

⁶⁵Nʼomũtabalĩ mwabwirabo ati, sibalye oko bindu bĩbũyĩrĩre kutsibu erĩhĩka aho mũhererĩ asyahanganira oyuli na Ũrĩmũ na Tũmĩmũ.

⁶⁶Endeko yosĩ haguma babya elfu makũmĩ ani nʼĩbĩrĩ nʼamagana asatu nʼamakũmĩ ndatu (42,360).

⁶⁷Abagombe bʼobulume nʼabagombe bʼobũkalĩ mobataganzwa haguma nabo, nabo babya elfu irinda nʼamagana asatu nʼamakũmĩ asatu nʼabalinda (7,337); kandi babya nʼabĩmbĩ bʼobulume nʼabʼobũkalĩ amagana abiri nʼamakũmĩ ani nʼabatanu (245).

⁶⁸Esyosabayĩri syabo syabya magana alinda nʼamakũmĩ asatu nʼendatu (736); nʼesyonyumbu syabo syabya magana abiri nʼamakũmĩ ani nʼesĩtanu (245);

⁶⁹esyongamia syabo, amagana ani nʼamakũmĩ asatu nʼesĩtanu (435); esyopunda syabo elfu ndatu nʼamagana alinda nʼamakũmĩ abiri (6,720).

⁷⁰Nʼabandi bʼoko bakulu bʼebĩtũnga byʼabotata-kulu mobahĩtya esyonzũnzo busana nʼomũbĩrĩ. Nʼomũtabalĩ mukulu mwaha oko mbĩso yʼebindu ebitswe byʼesyamagetsi ebikahulawa mo esyodalĩkĩ syʼesyamagetsi elfu nguma (1,000), nʼebibindi makũmĩ atanu (50), nʼesyongimba syʼabahererĩ amagana atanu nʼamakũmĩ asatu (530).

⁷¹Nʼabandi bʼoko bakulu bʼebĩtũnga byʼabotata-kulu mobaha omo mbĩso yʼomũbĩrĩ ebitswe byʼesyamagetsi ebikahula wa mo esyodalĩkĩ syʼesyamagetsi elfu makũmĩ abiri (20,000), nʼesyomane syʼebĩtsĩpa ebitswe elfu ĩbĩrĩ nʼamagana abiri (2,200).

⁷²Nʼebyo abandi bandu bahĩtaya byabya ebitswe byʼesyamagetsi ebikahulawa mo esyodalĩkĩ syʼesyamagetsi elfu makũmĩ abiri (20,000) nʼamane wʼebĩtsĩpa ebitswe elfu ĩbĩrĩ (2,000), nʼesyongimba syʼabahererĩ amakũmĩ ndatu nʼesirinda (67).

⁷³Litya abahererĩ, nʼAbalawĩ, nʼabateya bʼesyongyo, nʼabĩmbĩ, nʼabandi bʼoko bandu, nʼabagombe bʼeHekalũ, nʼAbaĩsraelĩ bosĩ, mobĩkala omo mĩyĩ yabo. Nʼomugulu omukera wʼakalinda ahĩka, abana ba Ĩsraelĩ babya omo mĩyĩ yabo.