Read nande Yobũ 11 Bible Online

Yobũ 11 - nande bible

Yobũ 11

¹Neryo Zofarĩ Omũnamatĩ mwasũbĩrya, mwabũga ati,

²Kwʼebĩnywa bingi byangasũbĩrĩbwa kwehĩ? Nʼomundu ũkabũga-bũga angatswerwa litunganene kwehĩ?

³Eriyipipa lyawe lyangahũnerya bandu kwehĩ? Nʼomugulu ũkasekereraya, isihali mundu oyo wangakukunga kwehĩ?

⁴Kusangwa ũkabũga uti, Erĩkangĩrĩrya lyage ni ribuya, Nage nyerĩre omo meso wawe.

⁵Nĩkwa kumbe Nyamuhanga angatabũga, Nʼerĩkũmbũla emĩnywa yiwe ukʼuwe,

⁶Nʼerĩkũkangĩrĩrya ebĩbĩsĩre byʼamenge! Kusangwa amenge awite mbande ĩbĩrĩ. Neryo Uminye ko Nyamuhanga akibirirawa embindi yʼebibi byawe.

⁷Wanganabana emirindi ya Nyamuhanga kwehĩ? Wanganabana emitano yʼOmũtokĩ Wʼebyosĩ kwehĩ?

⁸Ni ndata ngʼekyanya; wangakolakĩ kwehĩ? Eyĩkwa kwilaba Ekũlĩmũ, wangaminyakĩ kwehĩ?

⁹Olulengo luwe lũlengĩre ekihugo kyʼobuli, Nʼobugali ni bungi kwilaba engetsi.

¹⁰Amalaba nʼerikingabyo, Kutse akabirikira eritswera, neryo nindi wangamũkakĩrya kwehĩ?

¹¹Kusangwa anasĩ abandu batya-batya. Akalangira ebibi nomo atanahĩrĩreyo amaha,

¹²Nĩkwa omundu kĩkĩrũ siawite amenge, Omugulu ekyana kyʼepunda yʼomolĩ kikabutawa mʼomundu.

¹³Wamatũngananĩa omutima wawe, Nʼerimusumbira ebyala byawe;

¹⁴Wamabya nʼebibi omo byala byawe, ũhĩrebyo hali, Kandi Suleke ebitatunganene bĩkĩkala omo mahema wawe.

¹⁵Neryo kwenene Wasyabana erisumba obũsũ bwawe butsira akatĩngũ kʼebibi, Ega wasyasĩka isiwendisyubaha.

¹⁶Kusangwa wasyibirirwa obũlĩge bwawe; Wasyibukabo ngʼamagetsi awakatwangana.

¹⁷Nʼengebe yawe yasyakangabasanĩa kwilaba eritungi; Nʼomwĩrĩmya asyabya ngʼengyakya-ngyakya.

¹⁸Nawe Wasyĩkala nʼeriyiketera, kusangwa hali amaha; Ega, iwasamalira ebyosĩ, nʼeriluhuka omo buholo.

¹⁹Nibya wasyagotsera ahisi, isihali oyo wasyakũbahya; Ega, abangi basyasondya obwĩra bwawe.

²⁰Nĩkwa ameso wʼababi asyabulirana, Isibendisyabana nzira yʼobusayiro; Nʼamaha wabo asyabya ini ʼrekula.