Read nande Yobũ 16 Bible Online

Yobũ 16 - nande bible

Yobũ 16

¹Neryo Yobũ mwasũbĩrya mwabũga ati,

²Nabĩrĩowa emyatsi mingi eyiri ngʼeyĩ; Ĩnywe bosĩ muli basĩbĩkya abakatsahaya.

³Ebĩnywa byʼerihunga byasyabya nʼendũlĩ kwehĩ? Kutse nĩkĩ kyo kĩkakũkũna uti ũkasũbĩraya kwehĩ?

⁴Nage nibya nanganabũga nga nywe; Kumbe indi omo mwanya wenyũ, Nangahĩndanĩa ebĩnywa ũkwʼĩnywe, Nʼerĩbatsĩngĩrya omutwe wage.

⁵Nĩkwa nanganabahĩrĩre mwʼamaka omo buno bwage, Nʼerĩsĩbĩkya lyʼemĩnywa yage lyangakehĩrye obũlĩge bwenyũ.

⁶Nomo nangabũga, obũlĩge bwage sĩbũkehĩre; Nomo nangayĩyĩnĩa, namabanakĩ kwehĩ?

⁷Nĩkwa lino abĩrĩndũhya; Wabĩrĩhwerekererya endeko yage yosĩ.

⁸Wabirinyitsundamira kutsibu, nĩ ʼtũlago busana nage. Nʼeribonda lyage lyamanyihanganirako, Lĩkatũlago omo bũsũ bwage.

⁹Abĩrĩnyĩsatangya omwʼihitana liwe, nʼerĩnyagalya; Abirinyikeregetera ameno wuwe; Nʼenzĩgũ yage yabirinyihagurira ameso.

¹⁰Babirinyitandira obuno bwabo; Babĩrĩnyĩswĩrangya okwʼĩtema nʼerinyitsuma; Babĩrĩhĩndana nʼerilwa nage.

¹¹Nyamuhanga akambĩra oko bandu batya-batya, Nʼerinyigusa omo byala byʼababi.

¹²Nabya nʼerĩyĩsyandira, naye mwanyĩbũnanga; Ega, abirinyiwata oko bĩkya, nʼerinyikunguta mo biyingo biyingo; Abirinyisingika eribya kindu kyʼerilasa.

¹³Abalasĩ bʼemisoha yiwe bakanyĩtĩmbako; Akatula esyombĩko syage, butsira eriganyira; Akũta ahisi endulu yage.

¹⁴Akanyĩbũnanga kandi nʼakandi; Akanyitibitako ngʼembangĩ.

¹⁵Nabirilandira emisarandwe oko ngoba yage Abĩrĩnyĩhĩra ahisi omo lũtũtũ.

¹⁶Obũsũ bwage bwamahenĩa ngʼengula omo kiriro, Nʼoko ngohe syage muli omwĩrĩmya;

¹⁷Nomo hate mwaga omo byala byage, Nʼerisaba lyage ni ribuya.

¹⁸Uwe kihugo, sũkũnĩngĩre omusasi wage, Nʼekiriro kyage sikibane mwanya.

¹⁹Kutse na lino, lebaya, erĩtũlago lyage liri elubula, Nʼoyukanyimira ali endata.

²⁰Abĩra bage bakanyiseka; Erĩso lyage lĩkatogaya emĩsonĩa uku Nyamuhanga.

²¹Kumbe omundu angatoka erĩbũga na Nyamuhanga, Ngoko mundu akabũga na mũlĩkyabo!

²²Kusangwa omugulu emyaka mike yamabilaba, Nasyagenda omo nzira eyo ndendisyasubulamo.