Read nande Yobũ 17 Bible Online

Yobũ 17 - nande bible

Yobũ 17

¹Ekĩrĩmũ kyage kyamabũnĩka, ebiro byage byamalĩma, Eyisinda ĩyĩtegekĩre busana nage.

²Kwenene abakasekereraya bali haguma nage, Nʼerĩso lyage likalola oko erĩendererya lyabo.

³Hĩra lino omutsimbo, omutsimbo busana nage ukʼuwe; Nindi Wasyabya mũhanganĩrĩ wage kwehĩ?

⁴Kusangwa wabĩrĩkakĩrya omutima wabo okwʼiminya; Busana nʼekyo sĩwendĩsyahamyabo.

⁵Oyukagana ahĩra buwe busana nʼerĩgabo, Ameso wʼabana buwe asyalĩbana.

⁶Nĩkwa abirinyiyira mo mũsyo wʼabandu; Abandu bakanyĩtwĩra kwʼebitande.

⁷Erĩso lyage nibya lĩkalĩba-lĩbana busana nʼobũlĩge, Nʼebĩtsũko byage byosĩ biri ngʼekyũtsũtsũ.

⁸Abandu batunganene basyasweka busana nʼekĩ, Nʼoyute ko musango asyayĩbũkya erilwa nʼabate na Nyamuhanga.

⁹Nĩkwa omutunganene asyawatĩrĩrya oko nzira yiwe, Nʼoyuwite ebyala byerĩre asyakanyirira nʼamaka.

¹⁰Nĩkwa ĩnywe bosĩ, mwasĩ kandi rino; Nage sindibana mundu wʼamenge omo katĩkatĩ kenyũ.

¹¹Ebiro byage bĩlabĩre, erĩsũnzĩkanĩa lyage lyabĩrĩbũnangika, Go malengekanĩa wʼomutima wage.

¹²Bakahindula ekiro eribya musibo; bati, Ekyakakala kiri hakũhĩ omo mwĩrĩmya.

¹³Namasondya eKũlĩmũ eribya nyũmba yage; Namasesa engyingo yage yʼomo mwĩrĩmya;

¹⁴Namabya nabiribwira ekyũna nyiti, Uli tata wage; Namabwira omuhuka nyiti, Uli koyo wage, na mwali wetu;

¹⁵Neryo amaha wage ali hahi kwehĩ? Nʼamaha wage, nindi wasyalola kugo kwehĩ?

¹⁶Asyandagalira omo Kũlĩmũ haguma nage kwehĩ? Twasyandagalira haguma omo lũtũtũ kwehĩ?