Read nande Yobũ 23 Bible Online

Yobũ 23 - nande bible

Yobũ 23

¹Neryo Yobũ mwasũbĩrya mwabũga ati,

²Na mũnabwĩre erilaka lyage ni ʼhona, Ebyala biwe bĩrĩtohĩre omwʼĩsĩmba lyage.

³Kumbe nangamĩnyĩre aho nangamweya! Ĩnahĩka aho ali!

⁴Nangatondekĩre omwatsi wage embere siwe, Nʼerĩũsũlya obuno bwage omo buhaka.

⁵Nangamĩnyĩre ebĩnywa ebyo anganyĩsũbĩrye, Nʼeriminya ngʼasyambwirakĩ.

⁶Angalwa nage omo bukulu bwʼamaka wuwe kwehĩ? Ĩyehe; anganyĩhũlĩkĩrĩre.

⁷Aho abatunganene bangakanĩrye naye; Litya nangalamĩbwa kera na kera oko Mũtswerĩ wage.

⁸Lebaya, ngaya embere, nĩkwa sialiyo; Ngasuba enyũma, nĩkwa sinditoka erimulolako;

⁹Omugulu akakola omũbĩrĩ oko malembe, sinditoka erimulolako; Akabinduka oko byala byʼamali, isiangatoka erimulolako.

¹⁰Nĩkwa anasĩ enzira ngayamo; Omugulu amabinyirengako, nasyahuluka ngʼesyamagetsi.

¹¹Ekisando kyage kĩkwamĩre kutsibu enzira yiwe; Nabirikwama enzira yiwe, sinditakitira emũsĩke.

¹²Sinditasuba enyũma okwʼihana lyʼemĩnywa yiwe; Nabiribika ebĩnywa byʼobuno buwe kwilaba akalyo kage akatolere.

¹³Nĩkwa ni muguma musa, nindi wangamubindula kwehĩ? Nʼekyo omutima wuwe akasonda akakolakyo.

¹⁴Kusangwa akaberereraya ekyahamulawa busana nage. Nʼeyindi myatsi mingi ngʼeyĩ iri haguma naye.

¹⁵Busana nʼekyo ngubaha kutsibu embere siwe; Omugulu ngaganĩraya, ngamubaha.

¹⁶Ni Nyamuhanga oyũkalemberaya omutima wage, Omũtokĩ Wʼebyosĩ abĩrĩnyũbahya;

¹⁷Nĩkwa sindihuna omo mwĩrĩmya, Kutse omo mwĩrĩmya wʼomũhĩndanĩa owakanyĩkũnĩngĩra.