Read nande Yobũ 3 Bible Online

Yobũ 3 - nande bible

Yobũ 3

¹Enyũma wʼaho, Yobũ mwakũmbũla obuno buwe, neryo mwatakira ekiro abutawamo.

²Neryo Yobũ mwabũga ati,

³Nyamuhanga atakire ekiro ekyo nabutawamo, Kandi atakire ekiro ekyo koyo aheka mʼobukule.

⁴Ekiro ekyo kibye mwĩrĩmya; Nyamuhanga syibukekyo, Kutse ekyakakala sĩkĩkoleraye kukyo.

⁵Omwĩrĩmya nʼekyũtsũtsũ kyʼomũhĩndanĩa bihambekyo, Ekĩtũ kiswikekyo; Nʼomwĩrĩmya wʼomusibo ũbahayekyo.

⁶Nĩkwa ekiro ekyo, omwĩrĩmya alĩmayekyo, Sikitseme omo biro byʼomwaka, Kutse eriganzwa omo mikera.

⁷Lebaya, ekiro ekyo kibye kigumba; Omulenge wʼobutseme sĩahĩkemo.

⁸Abakatakira omusibo batakirekyo, Abasĩkĩre erĩbũkya enziramira.

⁹Esyongũnũnũ syʼerĩgolo-golo lyakyo sihumbere; Ekiro ekyo sikilangire erikya.

¹⁰Kusangwa mokĩtakakĩrya enda ya koyo erinyibuta, Kutse erĩbĩsa obũlĩge oko meso wage.

¹¹Busana nakĩ mondaholera omwʼibutwa kwehĩ? Busana nakĩ mondalekula omugulu koyo anyibuta kwehĩ?

¹²Busana nakĩ koyo mwanyangirira oko marwĩ wuwe kwehĩ? Kutse amabere ati nangalyago kwehĩ?

¹³Kumbe nabirigotsera ahisi nʼeribya bũkũtũ, Nangayĩre tũgotserĩ; nangalũhũkĩre,

¹⁴Haguma nʼabami nʼabahanĩ bʼekihugo, Abayĩhĩmbĩra ebikali;

¹⁵Kumbe nabiriyato ngʼabanya-mwami, Abũsũlaya amanyũmba wabo mwʼesyamagetsi nʼebĩtsĩpa.

¹⁶Kutse ngʼerĩtesya erikagusawa, isinyiriho, Ngʼesyomekeke esikabutawa butsira erilangira ekyakakala.

¹⁷Eyo ababi bakũmbaya erihaya, Nʼabandu abalũhĩre bakaluhuka.

¹⁸Eyo abandu bʼomũlĩkĩ bakaluhuka haguma; Sĩbalĩowa omulenge wʼoyũkanũbaya.

¹⁹Abake-bake nʼabakulu abosĩ bane eyo, Nʼomugombe akayĩgenderaya, ali bwĩranda oko mukama wuwe.

²⁰Busana nakĩ ekyakakala kikahabawa oko yukagalawa? Nʼengebe oko yuli omo bũlĩge bwʼomutima kwehĩ?

²¹Bakalinda oluholo, nĩkwa siluliho, Bakatakuliralo kwilaba obuteke.

²²Abakatsema kutsibu, bakatsema omugulu bakabana eyisinda.

²³Busana nakĩ ekyakakala kikahabawa oko mundu nʼenzira yiwe ĩbĩsamĩre, Oyo Nyamuhanga abĩrĩkakĩrya omo mbande syosĩ.

²⁴Kusangwa erĩsĩmba lyage rĩkahĩka omugulu ngalangira akalyo kage, Nʼerilaka lyage lĩkũtĩka ngʼamagetsi.

²⁵Kusangwa ekindu ekyo ngubaha kĩkambĩkako, Nʼekyo ekĩkanyũbahaya kĩkambĩkako.

²⁶Sĩnyĩkere ndeke, kandi Sindi nʼobuholo; Kutse sindiluhuka, nĩkwa obũlĩge bo bukasa.