Read nande Esyonyimbo 103 Bible Online

Esyonyimbo 103 - nande bible

Esyonyimbo 103

¹Olwimbo lwa Dawĩdĩ. Uwe mutima wage, upipe Omwami Mukulu! Ebyosĩ ebiri omwisi wage bipipe erĩna liwe lĩbũyĩrĩre!

²Omutima wage, upipe Omwami Mukulu! Wibuke obubuya buwe.

³Akabuyira ebibi byage byosĩ, Akalamaya amakonĩ wage gosĩ;

⁴Akanyĩlamaya okwʼisinda, Akanyitsumula omo lwanzo nʼeriganyira.

⁵Akamba emyatsi mibuya omwʼibyaho lyage ryosĩ, Kyikaleka inabya mulere nʼowʼamaka ngʼerĩsamba.

⁶Omwami Mukulu akowanaya emyatsi yʼabandu abakanũbĩbawa, Akahabo erĩbanza litunganene.

⁷Kandi mwabwira Musa yʼerĩyĩsũnza liwe, Kandi mwaleka abandu ba Ĩsraelĩ erilangira emĩbĩrĩ yiwe ĩkalĩre.

⁸Omwami Mukulu ni wʼeriganyira nʼowʼolwanzo, Sialihitana lũba, kandi ni wʼolwanzo olutyusa.

⁹Sialihaya ebiro byosĩ; Sialihitana ebiro byosĩ.

¹⁰Sialitusuyira ngoko litolere, Kutse erituliha ngoko ebibi byetu nʼamalolo wetu bitolere.

¹¹Ngoko ekyanya kiri endata oko kihugo, Litya olwanzo luwe ni lunene busana nʼabandu abakamubaha.

¹²Ngoko endata iri hali kwʼeyĩkwa, Abĩrĩlũsya ebibi byetu byo hali kwĩtwe atya.

¹³Ngoko ĩse wʼabana akaganyirabo, Litya Omwami Mukulu akaganyira abandu abakamubaha.

¹⁴Kusangwa anasĩ emibiri yetu, Akibuka ngoko tuli lũtũtũ.

¹⁵Nĩkwa abandu, engebe yabo iri ngʼebiti; Akatũndũkala nʼerikula ngʼomusanga wʼomolĩ.

¹⁶Neryo erihunga likabuhirira kugo, nago akahwa, Isihali omundu ukaswalola kugo.

¹⁷Nĩkwa olwanzo lwʼOmwami Mukulu busana nʼabandu abakamũsĩkaya, lukabyaho ebiro byosĩ, Nʼobubuya buwe bukabyaho busana nʼesyondengo syosĩ.

¹⁸Ni busana nʼabandu abakakwama endagane yiwe, Nʼeritindalegula nʼerikenga ebihano biwe.

¹⁹Omwami Mukulu abĩrĩhanganĩa ekĩtũmbĩ kiwe kyʼobwami elubula; Kandi iye ni Mwami oko byosĩ.

²⁰Mupipe Omwami Mukulu, ĩnywe bamalaĩka bʼamaka nʼobũtokĩ, Abakakenga amahano wuwe, Abakahulikirira ebyo akabũga!

²¹Mupipe Omwami Mukulu, ĩnywe milondo yiwe, Ĩnywe bagombe buwe, abakakola ebyo anzĩre!

²²Mupipe Omwami Mukulu, ĩnywe bihangikwa biwe, Ehosĩ akatabala, Uwe mutima wage, upipe Omwami Mukulu!