Read nande Esyonyimbo 7 Bible Online

Esyonyimbo 7 - nande bible

Esyonyimbo 7

¹Olwimbo Dawĩdĩ imba busana na Kũsĩ Omũbenyamĩna. Uwe Mwami Mukulu, Nyamuhanga wage, uwe ngasayirako; Ũnyĩlamaye oko bosĩ abakanyitibitako, ũndamaye,

²Bakasyanyitulanga ngʼendale, Erĩnyĩsatangya mo bitswe-bitswe, isihali oyo wanganyĩlamya.

³Uwe Mwami Mukulu, Nyamuhanga wage, namabya nabirikola ebĩ: Namabya nabirilola mundu yo nabi,

⁴Namabya nabirihotera omwĩra wage, Kutse nabĩrĩhandĩkĩrĩrya enzĩgũ hate ekikaleka,

⁵Neryo enzĩgũ yage inyikwame nʼerimbamba, Ega, iryatangirire engebe yage yʼahisi oko kitaka, Nʼerĩhĩra erĩsĩkya lyage omo lũtũtũ.

⁶Uwe Mwami Mukulu, uhangane omwʼihitana lyawe, Unyihanganire okwʼikarama lyʼesyonzĩgũ syage! Ubuke, ũnyĩwatĩkaye; kusangwa ukasonda erĩbanza litunganene.

⁷Ũhĩndanaye endeko yosĩ yʼabandu, ĩkũtĩmbeko, Kandi utabale kubo inune endata.

⁸Omwami Mukulu nĩ mũtswerĩ wʼabandu bosĩ. Uwe Mwami Mukulu unyitswere ndeke, Kusangwa Sindi ko musango, kandi nyitunganene.

⁹Ũkakĩraye ebibi byʼabandu babi, Nĩkwa nyiti, ũhanganaye abatunganene. Kusangwa Nyamuhanga oyutunganene akatswera amalengekanĩa nʼemitima yʼabandu.

¹⁰Nyamuhanga nĩ mũhanganĩrĩ wage Akalamaya abandu abawite omutima atunganene,

¹¹Nyamuhanga nĩ mũtswerĩ oyutunganene, Ega, Nyamuhanga akahĩra omusango oko babi.

¹²Omundu amatindabindula omutima wuwe erireka ebibi, Nyamuhanga asyatyalya omũyalĩ wuwe, Akakangika obuta buwe nʼerĩtegekanĩabo.

¹³Akategekanaya ebĩkĩta byʼoluholo, Nʼeritangirira emisoha yiwe yʼomuliro.

¹⁴Lebaya, ngoko mundu mubi akaganĩraya ebibi, Kandi, akategekanaya omwaga, nʼeriteba.

¹⁵Kandi abiritakula obuhya buli, Kandi abiritogera omo buhya atakula!

¹⁶Ebibi biwe bikamusuyira. Nʼomwaga wuwe akamwĩta.

¹⁷Ngandiha Omwami Mukulu ewasĩngya busana nʼeritunganene liwe, Nasyimbira erĩna lyʼOmwami Mukulu, Owendata Kutsibu, erimupipa.