Read nande Esyonyimbo 77 Bible Online

Esyonyimbo 77 - nande bible

Esyonyimbo 77

¹Oko mwĩmbĩrĩrĩ mukulu. Omũsĩndo wa Yedũtũnĩ. Olwimbo lwa Asafũ. Ngalakira Nyamuhanga, Ngalaka kutsibu, naye akanyowa.

²Oko mugulu wʼobũlĩge ngasaba Omukama; Omo kiro kyosĩ ngasumba ebyala byage nʼerisaba, Nĩkwa sindibana erĩkĩranĩbwa.

³Ngaganĩraya Nyamuhanga, neryo ngahumulikana, Ngalengekanaya, neryo omutima akalũa omo nda.

⁴Sialireka ngagotsera; Amaganĩryo akaleka inataluka ko ngagotsera.

⁵Ngaganĩraya emyatsi yʼebiro ebyalaba, Kandi ngibuka emyaka ya kera.

⁶Bukakya ngaganĩrya omo mutima wage omo kiro; Ngalengekanaya, neryo ngayĩbũlaya, nyiti,

⁷Omukama asyanyigana ebiro byosĩ kwehĩ? Siendisyaswanyitsemera kwehĩ?

⁸Abĩrĩũmbya erinyanza kwehĩ? Nʼerilaga liwe lyamahwa kwehĩ?

⁹Nyamuhanga abiribirirwa eriganyira kwehĩ? Erihitana lyabĩrĩlũsya olukogo luwe kwehĩ?

¹⁰Neryo monabũga nyiti, Obũ nĩ bũlĩge bwage, Ko bũtokĩ bʼOwendata Kutsibu bwabiribinduka?

¹¹Nasyibuka emĩbĩrĩ minene-minene yʼOmwami Mukulu. Kandi nasyibuka ebyʼeriswekera ebyo wakola erĩmbere.

¹²Ngandibuka ebyosĩ wabirikola, Ngandĩrengekanĩa emĩbĩrĩ yawe yosĩ.

¹³Uwe Nyamuhanga, ebyosĩ ebyo ukakola bĩbũyĩrĩre! Sihali nyamuhanga omukulu nga we.

¹⁴Uwe uli Nyamuhanga oyukakola ebitiko-tiko; Wabĩrĩmĩnyĩsya Obũtokĩ bwawe omo katĩkatĩ kʼebihanda.

¹⁵Wabĩrĩtongolya abandu bawe omo bũtokĩ bwawe, Ba bana ba Yakobo na Yosefũ.

¹⁶Omugulu amagetsi akulolako uwe Nyamuhanga, Omugulu amagetsi akulolako, amagetsi ayo mubaha, Nʼemirindi nayo moyatitimana.

¹⁷Ebĩtũ mobyatsũrũrũkya embũla, Nʼobũtũkũ mobwalũma, Nʼerĩpalya molyalaba ehosĩ.

¹⁸Omulenge wʼomũlũmo wawe mwalaba, Nʼerĩpalya molyakolerya ekihugo kyosĩ; Ekihugo mokyatitimana nʼerĩsũkana.

¹⁹Mowalaba omo ngetsi, Kandi mowasoka omo ngetsi nene-nene. Nĩkwa olugobe lwawe molutalolwako.

²⁰Mowasondola abandu bawe ngʼomũlĩsya wʼekihangulo, Omo byala bya Musa na Harũnĩ. Nyamuhanga nʼabandu buwe Olwimbo lwa Asafũ lwʼamenge.