Read nande Emĩsyo 12 Bible Online

Emĩsyo 12 - nande bible

Emĩsyo 12

¹Oyukanza erihabulwa akanza eriminya; Nĩkwa Oyukapona erikungwa ali ngʼenyama.

²Omundu mubuya asyabana erĩsĩmwa nʼOmwami Mukulu; Nĩkwa asyatswera lubi omundu wʼamahano mabi.

³Omundu sĩendĩsyasĩkĩbwa busana nʼebibi; Nĩkwa omũlĩhĩ wʼabatunganene siendĩsyatũndwa.

⁴Omũkalĩ mugenge nĩ kakĩra kʼĩba wuwe; Nĩkwa oyukahemula ali ngʼerihonda omo makũha wuwe.

⁵Amalengekanĩa wʼabatunganene atunganene; Nĩkwa amahano wʼababi ni matebo.

⁶Ebĩnywa byʼababi bĩkalĩmbaya busana nʼomusasi; Nĩkwa obuno bwʼabatunganene bwasyalamyabo.

⁷Ababi bakatogotĩbawa, isibakiriho; Nĩkwa enyũmba yʼomutunganene yasyahangana.

⁸Omundu asyasĩkĩbwa ngʼamenge wuwe kwʼali; Nĩkwa owʼomutima wʼepono asyagananwa.

⁹Oyũkasĩmawa hake nĩkwa awite omugombe, alengĩre Oyukayipipa, isiawite kalyo.

¹⁰Omundu utunganene akatsomana engebe yʼenyama yiwe; Nĩkwa eriganyira lyʼomubi ni busindwa.

¹¹Oyukalima eririma liwe akabana ebyalya binene; Nĩkwa oyukakwama emyatsi itawite mugaso siawite obowĩka.

¹²Ababi bakayĩtsũtsa ebinyegwa byʼabandu babi; Nĩkwa omũlĩhĩ wʼabatunganene akeraya ebĩgũma.

¹³Omwʼĩhalya lyʼemĩnywa hali kitego oko mundu mubi; Nĩkwa omutunganene asyalũa omo bũlĩge.

¹⁴Omundu asyũgũtĩbwa omo bubuya busana nʼebĩgũma byʼobuno buwe; Nʼemĩbĩrĩ yʼebyala byʼomundu yasyamũsũbũlĩrĩbwa.

¹⁵Enzira yʼomũkĩrũ itunganene omo meso wuwe ĩyowene; Nĩkwa owʼamenge akahulikirira erihanwa.

¹⁶Obuhitane bwʼomũkĩrũ bukaminyikala lũba; Nĩkwa omũgerekanĩa akabĩsa esĩsonĩ.

¹⁷Oyũkabũga kwenene akakangaya ebitunganene; Nĩkwa omũlangĩrĩ wʼamabehĩ akatũlaganaya eriteba.

¹⁸Hali oyũkabũga bũtalengekanĩa ngʼeritsimita lyʼomũyalĩ; Nĩkwa olulimi lwʼabʼamenge nĩ ʼlamya.

¹⁹Omũnywa wa kwenene asyahanganĩbwa kera na kera; Nĩkwa olulimi lwʼeribiha nĩ lwʼakatambĩ kake.

²⁰Eriteba liri omo mutima wʼabakahimbika ebibi; Nĩkwa abahanĩ bʼobuholo kubo ni butseme.

²¹Omwaga siendĩsyahĩka oko batunganene; Nĩkwa ababi basyũsũlĩbwa nʼebibi.

²²Emĩnywa yʼeribiha ni nye oko Mwami Mukulu; Nĩkwa abakakola nʼekwenene bo butseme buwe.

²³Omũgerekanĩa akabĩsa eriminya; Nĩkwa emitima yʼabakĩrũ ĩkatũlaganaya obũkĩrũ.

²⁴Ebyala byʼowʼomũhwa byasyatabala; Nĩkwa omugata asyakolesĩbwa omũbĩrĩ wʼobũsũbĩ.

²⁵Erĩrĩtoha lyʼomutima wʼomundu lĩkamũkondomaya; Nĩkwa ekĩnywa kibuya kĩkatsemesayago.

²⁶Omutunganene nĩ mũsondolĩ wa mũlĩkyabo; Nĩkwa enzira yʼababi ĩkatalayabo.

²⁷Omundu wʼobugata sĩalĩokaya obuhiyi buwe; Nʼebindu byʼomundu wʼomũhwa nĩ byʼobũgũlĩ bunene.

²⁸Omo nzira yʼeritunganene muli engebe; Kandi omo nzira yalyo Simuli luholo.