Read nande Emĩsyo 16 Bible Online

Emĩsyo 16 - nande bible

Emĩsyo 16

¹Eritondeka lyʼomutima ni mwatsi wʼabandu; Nĩkwa erĩsũbĩrya lyʼolulimi lĩkalũa oko Mwami Mukulu.

²Esyonzira syosĩ syʼomundu syerĩre omo meso wuwe-wuwe; Nĩkwa Omwami Mukulu yukalenga ebĩrĩmũ.

³Ũhĩre emĩbĩrĩ yawe oko Mwami Mukulu, Neryo erĩyĩsũnza lyawe lyasyahanganĩbwa.

⁴Omwami Mukulu abirihangika obuli kindu busana nʼerĩtegekanĩa lyakyo; Ega, abirihangika ababi busana nʼekiro kyʼobũlĩge nʼerihera.

⁵Obuli mundu oyukayipipa omo mutima ni nye oko Mwami Mukulu; Nomo banganahambana omo byala sibendisyabya butsira erisuyirwa.

⁶Busana nʼolukogo nʼekwenene ebibi bikalihirawa embanulo; Kandi busana nʼeriubaha lyʼOmwami Mukulu abandu bakayisolola oko kibi.

⁷Omugulu esyonzira syʼomundu sĩkatsemesaya Omwami Mukulu, Akayira esyonzĩgũ siwe mo bĩra buwe.

⁸Ebike haguma nʼeritunganene byowene, Kwilaba endũndĩ nene haguma nʼerĩbanza lĩhengemĩre.

⁹Omutima wʼomundu akahimbika enzira yiwe; Nĩkwa Omwami Mukulu akasondola eribasula liwe.

¹⁰Erĩtwa olubanza lutunganene liri omo mĩnywa yʼOmwami; Obuno buwe sibwendĩsyahalya omwʼitswera.

¹¹Ebikalingirirana nʼekĩlo ni byʼOmwami Mukulu; Ehĩrengĩ hyosĩ omo ngunza nĩ mĩbĩrĩ yiwe.

¹²Ni nye busana nʼabami erikola ebibi; Kusangwa ekĩtũmbĩ kyʼobwami kĩkahanganĩbawa omo litunganene.

¹³Emĩnywa itunganene ni butseme bwʼabami; Kandi banzĩre oyũkabũga ebĩhĩkene.

¹⁴Erihitana lyʼOmwami liri ngʼabakwenda bʼoluholo; Nĩkwa omundu wʼamenge akabonderayalyo.

¹⁵Omo bubuya bwʼobũsũ bwʼomwami muli engebe; Nʼeriganyira liwe liri ngʼekĩtũ ekyʼembũla yʼendũlĩ.

¹⁶Eribana amenge lĩlabĩre eribana esyamagetsi syo kutsibu; Ega, eribana amenge lyangayisogwa kwilaba ebĩtsĩpa.

¹⁷Embalu yʼabatunganene nĩ ʼlũa oko bibi; Oyũkategaya enzira yiwe akategaya ekĩrĩmũ kiwe.

¹⁸Eriyanza lĩkatsũka erihera; Nʼekĩrĩmũ kyʼeriyipipa kĩkatsũka eriwa.

¹⁹Ekĩrĩmũ kyʼeriyibombeka haguma nʼabera, kyowene, Kwilaba erigaba ebyahũngawa haguma nʼabakayipipa.

²⁰Oyukakenga ekĩnywa asyabana ebibuya; Nʼoyukayiketera Omwami Mukulu, ali nʼobutseme.

²¹Owʼomutima wʼamenge asyahulwa mo wʼobũgerekanĩa; Nʼerĩbũga lĩsĩhĩre lĩkakanyaya amenge.

²²Obowĩka nĩ ngũnũnũko yʼengebe oko yuwitebo; Nĩkwa erihabula eryʼabakĩrũ nĩ bũkĩrũ bwabo.

²³Omutima wʼowʼamenge akakangĩrĩraya obuno buwe, Nʼeritomeka eriiga lyʼemĩnywa yiwe.

²⁴Ebĩnywa byʼerĩtsemesya biri ngʼekisese kyʼobuki, Bĩsĩhĩre omo kĩrĩmũ, nʼeritendera oko makũha.

²⁵Hali enzira eyikasosa ngʼitunganene oko mundu, Nĩkwa endũlĩ yayo ni nzira yʼoluholo.

²⁶Enzala yʼomũkolĩ wʼomũbĩrĩ ikamukolera; Kusangwa obuno buwe bũkamũkũna.

²⁷Omundu oyutegasakĩ akatakula omwaga; Nʼomo mĩnywa yiwe muli omuliro owakatogotaya.

²⁸Omundu oyũhengemĩre akatũlaganaya omwaga; Nʼowʼebwe-bwe-bwe akagabula abĩra bʼekihango.

²⁹Omundu Ũkalĩre akateba mũlĩkyabo; Akamusondola omo nzira ĩtowene.

³⁰Oyũkalĩba ameso wuwe iniakahimbika emyatsi ĩhengemĩre; Oyũkakũmba emĩnywa yiwe akahũlũkaya ebibi.

³¹Omutwe wʼesyombwĩ nĩ mbĩta yʼolukengerwa; Asyabanika omo nzira yʼeritunganene.

³²Oyukayibombeka okwʼihitana owene kwilaba abʼobũtokĩ; Nʼoyukatabalira ekĩrĩmũ kiwe owene kwilaba oyũkahũnga omũyĩ.

³³Obukanga bukagusawa oko bihinga; Nĩkwa eribanika lyabo lĩkalũa oko Mwami Mukulu.