Read nande Emĩsyo 19 Bible Online

Emĩsyo 19 - nande bible

Emĩsyo 19

¹Omwera oyukalendera omo litunganene liwe owene Kwilaba oyũhengemĩre omo mĩnywa yiwe, omũkĩrũ.

²Kandi Sĩryowene ekĩrĩmũ kikabya butsira eriminya; Nʼoyukanguha omo bisando biwe akahalaya.

³Obũkĩrũ bwʼomundu bũkamũtalaya omo nzira yiwe; Nʼomutima wuwe akahitana oko Mwami Mukulu.

⁴Obuteke bukatomekera abĩra bangi; Nĩkwa omwera akagabulawa oko mwĩra wuwe.

⁵Omũlangĩrĩ wʼamabehĩ siendisyabula erisuyirwa; Nʼoyũkabũga amabehĩ Siendisyabala.

⁶Abangi basyalakira eriganyira oko mundu oyũkahĩtaya; Nʼobuli mundu nĩ mwĩra wʼoyũkahĩtaya.

⁷Abagala babo bosĩ bʼomwera bakanyipona; Na kwilaba aho abĩra buwe bakamũsĩganaya hali. Akakwamirirabo omo bĩnywa, nĩkwa ibabulirana.

⁸Oyukabana amenge akanza ekĩrĩmũ kiwe; Nʼoyukabika amenge akabana ekibuya.

⁹Omũlangĩrĩ wʼamabehĩ siendisyabula erisuyirwa; Nʼoyũkabũga amabehĩ asyahera.

¹⁰Eribyaho ndeke siritolere omũkĩrũ; Kandi siritolere omugombe eritabalira abanya-mwami.

¹¹Amenge wʼeriyisunako lyʼomundu akaleka iniatahitana lũba; Kandi ni lukengerwa luwe eribuyira erĩlolo.

¹²Erihitana lyʼOmwami liri ngʼeriruruma lyʼendale, Nĩkwa eriganyira liwe liri ngʼekimi oko biti.

¹³Omugala mũkĩrũ nĩ ʼkwa lya tata wuwe; Nʼamahaka wʼomũkalĩ nĩ matondĩ awatyũmbaya.

¹⁴Enyũmba nʼebindu ni mwandu owakalũa oko botata; Nĩkwa omũkalĩ mũgerekanĩa akalũa oko Mwami Mukulu.

¹⁵Obugata bukaleta otũgotserĩ tunene; Nʼomutima wʼomondola asyakwa enzala.

¹⁶Oyũkategaya ekihano akategaya ekĩrĩmũ kiwe; Nʼoyukapona esyonzira siwe asyahola.

¹⁷Oyukaganyira abera akabweka Omwami Mukulu; Akandĩsyamũtũha omũbĩrĩ wuwe owene.

¹⁸Ukunge mugala wawe, kusangwa hali amaha; Kandi Sũhĩre omutima wawe erĩmwĩtĩsya.

¹⁹Omundu wʼerihitana lĩnene asyatswera endĩhĩ; Kusangwa wamamũbalya asyasubiralyo kandi.

²⁰Uhulikirire erihanwa, wangirire erĩkangĩrĩrĩbwa; Iwaminya eribya nʼamenge oko biro byawe byʼendũlĩ.

²¹Hali erihimbika lingi omo mutima wʼomundu; Nĩkwa erihana lyʼOmwami Mukulu lyasyahangana.

²²Ekikaleka omundu inianzwa bo bwenge buwe; Nʼomwera ni mubuya kwilaba omũbehĩ.

²³Eriubaha Omwami Mukulu likaleta engebe; Nʼoyuwiteryo asyũgũta; Nʼekibi sikyendĩsyamũhĩkako.

²⁴Omugata akahĩra ebyala biwe omo kibindi; Isiendiswasumbirabyo oko buno buwe.

²⁵Ũswĩraye omũsekĩ, nʼabakĩrũ basyiga amenge; Kandi Ukunge oyuli nʼobowĩka naye asyabana menge.

²⁶Oyukaleta omwaga ũkwʼĩse akahiga nyĩnya wuwe; Ni mugala wʼerihemula nʼerireta eritsumwa.

²⁷Mugala wage, uleke erĩowa erĩkangĩrĩrya; Wamasonda eritala oko bĩnywa byʼeriminva.

²⁸Omũlangĩrĩ mutya-mutya akahengemaya erĩbanza; Nʼobuno bwʼababi bukamera ebibi.

²⁹Emisango ĩkakokotĩbawa busana nʼabahepya, Nʼemĩbĩbũ ni busana nʼomugongo wʼabakĩrũ.