Read nande Emĩsyo 2 Bible Online

Emĩsyo 2 - nande bible

Emĩsyo 2

¹Mugala wage, wamalĩga eriangirira ebĩnywa byage, Nʼeriyibikira amahano wage haguma nawe;

²Igukatega okũtũ kwawe busana nʼamenge, Nʼerĩhĩra omutima wawe okwʼiminya;

³Ega, wamalakira erisombola, Nʼerisumba omulenge wawe busana nʼeriminya;

⁴Wamasondyabyo ngʼebĩtsĩpa, Nʼerisonda-sondyago ngʼebindu bĩbĩsĩrwe;

⁵Neryo wasyaminya eriubaha lyʼOmwami Mukulu, Nʼeribana eriminya lya Nyamuhanga.

⁶Kusangwa Omwami Mukulu yukaha amenge; Nʼomo buno buwe mũkalũa eriminya nʼamenge.

⁷Akabikira abatunganene bʼamenge awahĩkene; Iye ni ngabo oko bakalendera omo butunganene;

⁸Iniatoka erĩteya esyonzira syʼerĩbanza, Nʼerĩteya enzira yʼababũyĩrĩre buwe.

⁹Oko mugulu oyo wasyaminya eritunganene nʼerĩbanza, Nʼeritunganene, nʼobuli nzira yowene.

¹⁰Kusangwa amenge asyingira omo mutima wawe, Nʼeriminya lyasyatsemesya ekĩrĩmũ kyawe;

¹¹Eriyisunako lyasyakũteya; Nʼobowĩka bwasyakubika.

¹²Erĩkũlamya omo nzira yʼekibi, Nʼoko bandu bakabũga emyatsi yĩhengemĩre;

¹³Abasĩganaya esyonzira syʼeritunganene, Erirendera omo syonzira syʼomwĩrĩmya;

¹⁴Abakatsemera erikola nabi Nʼerĩtsemesĩbwa omo buhengeme bwʼekibi.

¹⁵Abahengemĩre omo syonzira syabo, Kandi batere omo syonzira syabo.

¹⁶Erĩkũlamya oko mũkalĩ oyũtasĩbwe, Nʼoko mũlũa-hali oyũkatenderaya ebĩnywa biwe;

¹⁷Oyũkasĩga omwĩra wuwe wʼobwanabuto buwe, Nʼeryibirirwa endagano ya Nyamuhanga wuwe.

¹⁸Kusangwa enyũmba yiwe yegemere oko luholo, Nʼesyonzira siwe sĩkalolaya oko baholĩ;

¹⁹Sihali Oyukaya ewuwe akasubula, Kutse sĩbehĩka oko syonzira syʼengebe.

²⁰Iwaminya erirendera omo nzira yʼabandu babuya, Nʼerihambana nʼesyonzira syʼabatunganene.

²¹Kusangwa abatunganene basyĩkala omo kihugo. Nʼabahĩkene basyasĩgala mukyo.

²²Nĩkwa ababi basyĩtĩrwa ehali erĩlũa omo kihugo, Nʼabagobya basyĩmũrwa mukyo.