Read nande Emĩsyo 5 Bible Online

Emĩsyo 5 - nande bible

Emĩsyo 5

¹Mugala wage, uhulikirire amenge wage; Utege okũtũ kwawe okwʼiminya lyage.

²Iwatoka erĩyĩteya nʼeriyisunako, Nʼemĩnywa yawe iyatoka eribika eriminya.

³Kusangwa emĩnywa yʼomũkalĩ wʼehandi yĩkatogongaya obuki, Nʼobuno buwe butendere kwilaba amagũta.

⁴Nĩkwa oko ndũlĩ akakaliha ngʼomuti wʼomũbĩrĩrĩ, Atwĩre ngʼomũyalĩ wʼamoya abiri.

⁵Ebisando biwe bikandagalira oko luholo; Nʼebika biwe bikahambana nʼeKũlĩmũ;

⁶Kikaleka iniatabana enzira iringirirene yʼengebe; Esyonzira siwe sĩganga-gangĩre, naye sĩasĩ.

⁷Neryo lino, bagala bage, mũnyowe, Sĩmũlũe oko bĩnywa byʼobuno bwage.

⁸Ũhĩre enzira yawe yo hali kwiye, Sũhĩke hakũhĩ nʼolũkyo lwʼenyũmba yiwe;

⁹Ukasyaha erĩsĩkya lyawe oko bandi, Nʼeriha emĩtũta yawe oko batsatsũhĩ;

¹⁰Abʼehandi bakasyũgũtĩbwa nʼamaka wawe, Nʼemĩbĩrĩ yawe ikasyabya omo nyũmba yʼowʼehandi,

¹¹Nawe iwalira oko ndũlĩ yʼebiro byawe, Omugulu emĩnyokũ yawe nʼomubiri wawe byamabĩherĩbwa

¹²Ĩwabũga uti, Ko napona erĩkangĩrĩrya lyo nyiti, Nʼomutima wage mwapona erikungwa;

¹³Kutse sĩndĩtowa omulenge wʼabĩgĩsya bage, Kutse eritega okũtũ kwage oko banyĩkangĩrĩraya!

¹⁴Nabya hakũhĩ eriingira omo bibi byosĩ Omo katĩkatĩ kʼendeko nʼamahĩndano.

¹⁵Ũpũlaye amagetsi awakalũa omwʼĩrĩba lyawe, Nʼamagetsi awakasenda erĩlũa omo kitehero kyawe.

¹⁶Kwʼesyongũnũnũko syawe syanganagabanira ehosĩ, Nʼesyonyũsĩ syʼamagetsi syangapanzirwa omo syonzira kwehĩ?

¹⁷Sibye busana nawe ĩgowene, Butsira busana nʼabʼehandi haguma nawe.

¹⁸Eyĩsoko yawe itsumulawe; Kandi Utsemere omũkalĩ wʼobusuko bwawe.

¹⁹Ngʼerĩhango lyʼengabi eyikanza nʼesũhene yʼengabi eyĩkatsemesaya, Amabere wuwe akũgũtaye emigulu yosĩ; Kandi Utsemere olwanzo luwe ebiro byosĩ.

²⁰Kusangwa, uwe mugala wage, busana nakĩ wangatsemera omũkalĩ wʼehandi? Nʼerĩkũmbatira ekĩkũba kyʼowʼehandi kwehĩ?

²¹Kusangwa esyonzira syʼomundu siri embere wʼameso wʼOmwami Mukulu; Naye akalĩngĩrĩranaya esyonzira siwe syosĩ.

²²Ebibi biwe ĩyowene-wene byasyahamba omubi, Naye asyahambwa omo mĩrĩkĩ yʼebibi biwe.

²³Akandisyahola busana nʼeribula erĩkangĩrĩrĩbwa; Nʼomo bungi bwʼobũkĩrũ buwe asyatala.