Read nande Emĩsyo 9 Bible Online

Emĩsyo 9 - nande bible

Emĩsyo 9

¹Amenge abĩrĩhĩmba enyũmba yago; Abiribatsa esyondũyĩ syago sirinda

²Abĩrĩta esyonyama syago; Abĩrĩtũlũnganĩa ebĩnyũ byago; Abirisesa emesa yago.

³Abirituma abalembya buwe; Akabirikira omo syosingi syʼomũyĩ:

⁴Omũkĩrũ akite muno; Nʼoyute nʼobowĩka, akamubwira ati,

⁵Wase, ulye oko bundu bwage, Ũpũlaye oko bĩnyũ ebyo nabĩrĩtũlũnganĩa.

⁶Ĩnywe bakĩrũ, muleke obũkĩrũ, mubyeho; Mulendere omo nzira yʼobowĩka.

⁷Oyukahabula omũsekererya akayibanira esĩsonĩ; Nʼoyukakunga omundu mubi akayibanira eritsumwa.

⁸Sukunge omũsekererya, akasyakũkwa obusu. Ukunge omundu wʼamenge, naye asyakwanza.

⁹Uhe erĩkangĩrĩrya oko mundu wʼamenge, naye asyalabya omo menge. Ũkangĩrĩraye omundu utunganene, naye asyakanyirira eriiga.

¹⁰Eriubaha Omwami Mukulu nĩ nzũko yʼamenge; Nʼeriminya lyʼOyũbũyĩrĩre nĩ bowĩka.

¹¹Kusangwa busana nage ebiro byawe byasyakanyĩbwa, Nʼemĩtũta yʼengebe yawe yasyatomekerwa.

¹²Wamabya uli wʼamenge, uli wʼamenge busana nawe ĩgowene; Kandi wamasekererya, wasyahekalyo ĩgowene.

¹³Omũkalĩ mũkĩrũ akabũgaya olukanda; Nĩ mũkĩrũ sĩasĩkĩ.

¹⁴Naye akĩkala oko lũkyo lwʼenyũmba yiwe, Oko kĩtũmbĩ omo singi yʼomũyĩ,

¹⁵Eribirikira abakalaba, Abakatũngananaya esyonzira syabo.

¹⁶Omũkĩrũ akitemo; Nʼoyute nʼobowĩka akamubwira ati,

¹⁷Amagetsi wʼerĩĩbwa asĩhĩre, Nʼobundu obukalibawa bũbĩso-bĩso bũkatsemesaya.

¹⁸Nĩkwa sĩasĩ abaholĩ ko baliyo; Nʼabagenĩ buwe ko bali omo mirindi yʼeKũlĩmũ.