Read nande Olwimbo lwʼEsyonyimbo 5 Bible Online

Olwimbo lwʼEsyonyimbo 5 - nande bible

Olwimbo lwʼEsyonyimbo 5

¹Omũherũkĩ wage, mwali wetu, nabĩrĩhĩka omwʼirima lyage, Nabirioha obukwa bwage, haguma nʼamanũkato wage. Nabirirya ekisese kyage haguma nʼobuki bwage. Nabĩrĩpũlya ebĩnyũ byage haguma nʼamasabũ wage. Ĩnywe bĩra bage, mulye, Ĩnywe banze mũpũlaye, ega, mũpũlaye ndeke.

²Nabere nyinagotsere, nĩkwa omutima wage mwabuka. Ni mulenge wʼomwanze wage owakakongota oko lũyĩ! Ati, Ungingulire, mwali wetu, omwanze wage, Akalĩkũkũ kage, omubuya wage, Kusangwa omutwe wage amũsũla nʼekimi, Esyonzwiri syage syoswĩre nʼebĩtondĩ byʼekiro.

³Nabiriambula olukimba lwage, Nasyambalalo nyiti kwehĩ? Nabĩrĩnabya ebisando byage, Ndatsandyabyo kwehĩ?

⁴Omwanze wage mwalabya ebyala biwe omo kyũna kyʼolũyĩ, Nʼomutima wage mwasagalirana busana naye.

⁵Monahangana erikingulira omwanze wage, Nʼebyala byage mobyatogongya obukwa, Nʼeminwe yage moyatogongya amagetsi wʼobukwa Oko mihomo yʼolũyĩ.

⁶Monakingulira omwanze wage, Nĩkwa omwanze wage abya ĩnĩabĩrĩlũaho, iniabirigenda! Omutima wage mwalũa omo nda omugulu abũga. Monamũsonda-sondya, nĩkwa mondamubana. Monamubirikira, nĩkwa mwatanyitaba.

⁷Abateya abakalendera omo mũyĩ mobanyeya, Mobanyĩswĩrya, mobanyĩhũtalya; Abateya bʼesyombĩmbo mobanyisagula ekyʼeriyiswika kyage.

⁸Ĩnywe bali bʼeYerũsalema, ngabahana, Mwamasunga omwanze wage, Imwamubwira muti, Olukando luwe lũkambolaya.

⁹Omwanze wawe alabĩre ogundi mwanze yo ati kwehĩ? Uwe mubuya kutsibu omo katĩkatĩ kʼabakalĩ. Omwanze wawe alabĩre ogundi mwanze yʼati kwehĩ? Uti ukatuhana kwehĩ?

¹⁰Omwanze wage ni mweru kandi ni bweru bʼolubono, Alabĩrye obubuya omo bandu elfu ĩkũmĩ.

¹¹Ebyala biwe biri ngʼesyamagetsi, esyamagetsi esĩtũkwĩre; Esyonzwiri siwe ni birende, Sĩkĩnĩre ngʼekikororo.

¹²Ameso wuwe ali ngʼehĩrĩkũkũ Hyʼoko mũsĩke wʼehyũsĩ hyʼamagetsi, Awerĩre omo masabũ, Awĩkere ndeke.

¹³Amatema wuwe ali ngʼengyingo yʼamanũkato, Ngʼemikyingyi yʼobukwa obukakumba ndeke. Emĩnywa yiwe ni musanga wʼobutsibira Obũkatogongaya amagetsi wʼamanemane.

¹⁴Ebyala biwe biri ngʼomuti wʼesyamagetsi, Esĩhandĩre omo topazĩ. Enda yiwe ni mubiri wʼerĩno lyʼenzogũ Owaswĩkĩrwe omo safĩro.

¹⁵Emihimbi yiwe nĩ ndũyĩ syʼamabwe mabuya, Awahandĩre omo syamagetsi nyibuya. Erisosa liwe ali ngʼeLebanonĩ, Omubuya ngʼemĩerezĩ.

¹⁶Obuno buwe bũsĩhĩre kutsibu. Ega, ni mubuya kutsibu anganzwa, Oyũ yo mwanze wage, nʼoyũ yo mwĩra wage, ĩnywe bali bʼeYerũsalema.