Read nande Ĩsaya 6 Bible Online

Ĩsaya 6 - nande bible

Ĩsaya 6

¹Oko mwaka ogo Ũzĩa aholako, monalola oko Mukama ĩnĩanĩkere oko kĩtũmbĩ kyʼobwami, ekiri endata nʼekĩsũmbĩre endata, nʼesyongimba syʼekanzu yiwe mosyũsũlya eHekalũ.

²Abaserafĩmũ mobahangana ahigulu ukwʼiye. Obuli muguma iniawite ebĩpũpa ndatu. Mwaswika obũsũ buwe omo bibiri, kandi mwaswika ebisando biwe omo bibiri, neryo mwaguluka omo bibiri.

³Omuguma mwabirikira ogundi ati, Abũyĩrĩre, abũyĩrĩre, abũyĩrĩre, yo Mwami Mukulu wʼemilondo. Ekihugo kyosĩ kyoswĩre nʼolukengerwa luwe.

⁴Ebibanza byʼesyonzeguliro mobyasũkana busana nʼomulenge wʼoyo wabirikira, omugulu enyũmba yosũla omũkĩ.

⁵Neryo monabũga nyiti, Obũlĩge ũkwʼĩngye! Kusangwa nyĩtsandĩre; kusangwa indi mundu wʼemĩnywa ĩtsandĩre, kandi nyĩkere omo katĩkatĩ kʼabandu bʼemĩnywa eyĩtsandĩre. Kusangwa ameso wage abirilangira Omwami, Omwami Mukulu wʼemilondo.

⁶Neryo omuguma gʼoko Baserafĩ mwagulukira aho nyiri, iniawite okwʼĩkala lyʼomuliro omo byala biwe, eryo alũsaya oko kiherero omo ruhugo.

⁷Neryo mwatũlyalyo oko mĩnywa yage ati, Lebaya, erĩ ryamabĩtũla oko mĩnywa yawe; nʼamalolo wawe abĩrĩlũsĩbwaho, nʼebibi byawe byamabuyirwa.

⁸Neryo monowa omulenge wʼOmwami Mukulu ati, Nganditumandi, nandi akanditugendera kwehĩ? Neryo monabũga nyiti, Ĩngye yono hano. Unyitume!

⁹Naye mwabũga ati, Genda, uyabwire abandu aba, uti, Erĩowa mowe, nĩkwa simuminye. Nʼerilangira mulangire, nĩkwa sĩmowe.

¹⁰Uyire emitima yʼabandu aba mo mitsibu, kandi ũlĩtohaye amatwĩ wabo, kandi ũlĩbe ameso wabo; bakasyalangira nʼameso wabo, nʼerĩowa nʼamatwĩ wabo, nʼeriminya omo mitima yabo, nʼerinyibindukira, Nyamuhanga atya nabo ĩbalamĩbwa.

¹¹Neryo monabũga, nyiti, Mukama, erĩtwĩryahi kwehĩ? Naye mwasũbĩrya ati, Erĩhĩkĩra aho emĩyĩ yasyabera kĩma butsira ndũlanĩ, nʼamanyũmba butsira mundu, nʼekihugo ikyamabibya kĩma kutsibu,

¹²Omwami Mukulu ĩnĩamabĩhũmĩrya abandu bo hali, nʼemyanya yabĩrĩsĩgalira mingi omo kihugo.

¹³Nĩkwa hasyabya erĩgabo liguma lyʼokwʼĩkũmĩ mukyo, nalyo lyasyabya ekyangahĩsĩbwa, ngʼomuti wʼeterebĩntĩ, nʼomuti wʼomũalonĩ nʼendĩna yago ĩkasĩgala omugulu akakondawa embuto ĩbũyĩrĩre nĩ ndĩna yago.