Read nande Abalawĩ 5 Bible Online

Abalawĩ 5 - nande bible

Abalawĩ 5

¹Kandi Omundundi amahalya, ĩnĩakowa omulenge wʼerĩlahĩrya, omugulu ali mũlangĩrĩ, amabya alyalangira kutse eriminya, amatindatũlago asyabya nʼolubanza luwe.

²Kutse omundu amatũla oko kindu kĩtĩsĩrĩre, kyamabya ĩnĩ kĩnda kyʼenyama yĩtowene, kutse ekĩnda kyʼenyama yʼebihangulo bĩtowene, kutse ekĩnda kyʼebikayikura ahisi ebĩtowene, nakyo kyamabĩswa ukwʼiye, naye akabya omũtĩsĩrĩre, iniamabibya oko lubanza.

³Kutse amatũla oko bĩtĩsĩrĩre byʼomundu, nomo byangabya mũsĩndokĩ wʼebĩtĩsĩrĩre bikamuyira mo mũtĩsĩrĩre, ekyo kyamabĩswa kwiye, omugulu akaminyakyo, asyabya oko lubanza.

⁴Kutse omundu amalahĩrya litya-litya omo mĩnywa yiwe erikola nabi, kutse okwʼikola ndeke, kutse kyamabya kĩnywa omundu akabũga litya-litya omwʼĩlahĩrya, nakyo kĩkabĩswa kwiye; omugulu asyaminyakyo, neryo asyabya oko lubanza lwʼomuguma gʼoko myatsi eyĩ.

⁵Neryo omugulu asyabya oko lubanza oko mwatsi muguma wʼemyatsi eyĩ, asyakangya ekyo abĩrĩhalyako.

⁶Neryo asyaleta obuhere bwʼerĩhalya oko Mwami Mukulu busana nʼebibi biwe ebyo abĩrĩhalyamo, embene yʼobũkalĩ omo kĩhyo, ekyana kyʼembũlĩ kutse kyʼembene, busana nʼobuhere bwʼebibi.

⁷Neryo amatindatoka eribana ekyana kyʼembũlĩ, asyaletera Omwami Mukulu obuhere buwe bwʼolubanza busana nʼekyo abĩrĩhalyamo, ehitungula hibiri, kutse ehyana hibiri hyʼehĩrĩkũkũ; akaguma busana nʼobuhere bwʼebibi, nʼakandi busana nʼobuhere bwʼerĩokererya.

⁸Asyaletahyo oko mũhererĩ, oyo wasyahera akʼobuhere bwʼebibi erĩmbere, nʼerikenyula omutwe wako oko bĩkya byako, nĩkwa siendisyatulako mo bihande bibiri.

⁹Kandi asyatsatsanga omusasi wʼobuhere bwʼebibi oko ndambi yʼekiherero; nʼomusasi owalyasĩgala asyasandũlĩryago omo ndĩna yʼekiherero; ni buhere bwʼebibi.

¹⁰Neryo asyahera akʼakabiri busana nʼobuhere bwʼerĩokererya, ngʼebilayiro; nʼomũhererĩ asyamũsanganĩa omo mbanulo busana nʼebibi biwe ebyo abirikola, naye asyabuyirwa.

¹¹Kandi amatindatoka eribana ehitungula hibiri, kutse ehyana hyʼehĩrĩkũkũ hibiri, neryo asyaleta obuhere buwe busana nʼekyo abĩrĩhalyamo, ekiguma kyʼomwʼĩkũmĩ ekitiri kyʼeyĩsyano yʼenzelele busana nʼobuhere bwʼebibi; syasyehĩra kubo kwʼamagũta, kutse syasyehĩra kubo kʼoũbanĩ; kusangwa ni buhere bwʼebibi.

¹²Asyaletabo oko mũhererĩ; nʼomũhererĩ asyĩmya kubo ekiganza kiwe kiguma busana nʼeryĩbũkya lyabo, nʼerĩhĩsĩrĩryabo omo mũkĩ oko kiherero ngʼamahere wʼOmwami Mukulu awabĩrĩokĩbwa omo muliro; ni buhere bwʼebibi.

¹³Nʼomũhererĩ asyamũsanganĩa busana nʼekibi kiwe ekyo abirikola omo myatsi yosĩ eyĩ, naye asyabuyirwa; nʼebiryasaka byasyabya byʼomũhererĩ, ngʼobuhere bwʼeyĩsyano yʼengano.

¹⁴Kandi Omwami Mukulu mwabũga na Musa ati,

¹⁵Omundu nomo angabyandi akahalya, butsira eriyiririra, omo myatsi ĩbũyĩrĩre yʼOmwami Mukulu; neryo asyaletera Omwami Mukulu yʼobuhere bwʼolubanza, embangale eyite ko bulema ĩkalũa omo kĩhyo, ngʼeriganza lyawe omo bĩtsĩpa byʼesekelĩ, omo lulengero lwʼesekelĩ yʼahabũyĩrĩre, busana nʼobuhere bwʼolubanza.

¹⁶Neryo asyaliha busana nʼekyo alĩahalayamo omo kindu kĩbũyĩrĩre ekyo, kandi asyatomeka ekitswe kiguma kyʼomo bitanu kukyo, nʼerihakyo oko mũhererĩ; nʼomũhererĩ asyamũsanganĩa omo mbangale yʼobuhere bwʼolubanza, naye asyabuyirwa.

¹⁷Kandi nomo angabyandi akahalya, akakola oko myatsi eyo Mwami Mukulu ahana ati siyikolawe; nomo angabya ĩsĩasĩgo, ali kʼolubanza, asyasuyirwa.

¹⁸Naye asyaletera omũhererĩ yʼembangale eyite ko bulema, ĩkalũa omo kĩhyo, ngʼeriganza eryo asyamusohera, busana nʼobuhere bwʼolubanza. Neryo omũhererĩ asyamũsanganĩa busana nʼomwatsi ogo abĩrĩhalyamo butsira eriyiririra isyabya asĩgo, naye asyabuyirwa.

¹⁹Ni buhere bwʼolubanza, abya wʼolubanza kwenene embere syʼOmwami Mukulu.