Read nande Yeremĩa 28 Bible Online

Yeremĩa 28 - nande bible

Yeremĩa 28

¹Neryo oko mwaka oyo musa-musa oko nzũko yʼeritabala lya Zedekĩa omwami wʼeYũda, oko mwaka wʼakani, nʼoko mukera wʼakatanu, Hanania mugala wʼomũmĩnyererĩ Azũrĩ oyo wabya wʼeGĩbeonĩ, mwambwirira omo nyũmba yʼOmwami Mukulu, embere syʼabahererĩ nʼabandu bosĩ ati,

²Omwami Mukulu wʼemilondo, Nyamuhanga wa Ĩsraelĩ akabũga ati, Nabĩrĩtwa Obũtokĩ bwʼomwami wʼeBabelĩ.

³Omo myaka ĩbĩrĩ nasyaswaleta hano ebindu byosĩ byʼenyũmba yʼOmwami Mukulu, ebyo Nebũkadeneza omwami wʼeBabelĩ ahũnga hano nʼeritwalabyo eBabelĩ.

⁴Kandi nasyasũbya hano ye Yekonĩa mugala wa Yehoyakĩmũ omwami wʼeYũda haguma nʼabanyegwa bosĩ bʼeYũda abaya eBabelĩ, Omwami Mukulu atya; kusangwa nasyatũa Obũtokĩ bwʼomwami wʼeBabelĩ.

⁵Neryo omũmĩnyererĩ Yeremĩa mwabwira omũmĩnyererĩ Hanania embere syʼabahererĩ, nʼembere syʼabandu bosĩ ababya bahangene omo nyũmba yʼOmwami Mukulu,

⁶omũmĩnyererĩ Yeremĩa mwabũga ati, Amina! Omwami Mukulu akole atya. Omwami Mukulu aberereraye abĩnywa byawe ebyo wabiriminyerera, eriswaleta ebindu byʼenyũmba yʼOmwami Mukulu, nʼabosĩ abanyegawa, erĩlũa eBabelĩ nʼerĩhĩka hano.

⁷Nĩkwa lino uhulikirire ekĩnywa ngabũgĩra omo matwĩ wawe, nʼomo matwĩ wʼabandu bosĩ!

⁸Abamĩnyererĩ ababya embere wage nʼembere wawe oko mugulu wa kera mobaminyerera obũyĩgũ busana nʼebihugo bingi, kandi obũyĩgũ busana nʼamami makulu-makulu kandi busana nʼamalwa, nʼerĩkwa, nʼendwala yʼakasũsũ.

⁹Omũmĩnyererĩ oyukaminyerera ebyʼobuholo, omugulu ekĩnywa kyʼomũmĩnyererĩ oyo kyasyabererera, neryo omũmĩnyererĩ oyo asyaminyikala ko Mwami Mukulu amutuma kwenene.

¹⁰Neryo Hanania omũmĩnyererĩ mwalũsya engomo oko bĩkya byʼomũmĩnyererĩ Yeremĩa, mwatũayo.

¹¹Kandi Hanania mwabũga embere syʼabandu bosĩ, ati, Omwami Mukulu ati, Ko nasyatũa nyitya engomo ya Nebũkadeneza omwami wʼeBabelĩ, oko bĩkya byʼebihanda byosĩ omo myaka ĩbĩrĩ. Neryo omũmĩnyererĩ Yeremĩa mwayigendera.

¹²Neryo ekĩnywa kyʼOmwami Mukulu mokyahĩka uku Yeremĩa, Hanania abĩtwa engomo eyabya oko bĩkya bya Yeremĩa omũmĩnyererĩ kiti,

¹³Genda, Ubwire Hanania uti, Omwami Mukulu ati, Wabĩrĩtwa esyongomo syʼemiti, nĩkwa omo mwanya wasyo wabĩrĩhĩra esyongomo syʼekyuma.

¹⁴Kusangwa Omwami Mukulu wʼemilondo, Nyamuhanga wa Ĩsraelĩ akabũga ati, Nabĩrĩhĩra engomo yʼekyuma yʼomo bĩkya byʼebihanda ebĩ oyosĩ bakolere Nebũkadeneza omwami wʼeBabelĩ, nabo basyamukolera. Nage nabirimuha esyonyama syʼomolĩ nibya.

¹⁵Neryo omũmĩnyererĩ Yeremĩa mwabwira omũmĩnyererĩ Hanania ati, Hanania, uhulikirire lino. Omwami Mukulu mwatakutuma nĩkwa ukaleka abandu aba ibayiketera amabehĩ.

¹⁶Busana nʼekyo, Omwami Mukulu ati, Lebaya, nasyakũlũsya erĩlũa omo kihugo. Ukandihola oko mwaka oyũ, kusangwa wabĩrĩbũga ebyʼerihona oko Mwami Mukulu.

¹⁷Neryo omũmĩnyererĩ Hanania mwahola atya oko mwaka oyo musa-musa oko mukera wʼeyirinda.