Read nande Hosea 12 Bible Online

Hosea 12 - nande bible

Hosea 12

¹Efũraĩmũ akalya erihunga, akakwama erihunga lyʼendata emigulu yosĩ; akakanyaya amabehĩ nʼomwaga; kandi akayira endagano na Asũrĩa, nʼamagũta akatwalawa eMĩsĩrĩ.

²Kandi Omwami Mukulu ali nʼobuhaka haguma na Yũda nibya asyasuyira Yakobo ngʼesyonzira siwe; asyamuliha ngʼemikolere yiwe.

³Yakobo mwahambira mugala wabo omo nda oko kasĩnzĩro, nʼomugulu abya mukulu mwahambana na Nyamuhanga.

⁴Ega, Yakobo mwahambana nʼomũlaĩka, kandi mwamũkĩnda; mwalira, mwamulemba-lemba; kandi mwamweya eBetelĩ, neryo mwakanĩa netu eyo,

⁵Iye Omwami Mukulu, Nyamuhanga wʼemilondo; Omwami Mukulu nĩ rĩna liwe.

⁶Busana nʼekyo, Ubindukire Nyamuhanga wawe; ũtegaye obubuya nʼerĩbanza libuya, ulindirire Nyamuhanga wawe emigulu yosĩ.

⁷Nĩ mũgũlya, ehĩrengĩ hyʼeriteba hiri omo byala biwe; anzĩre erĩnũbya.

⁸Efũraĩmũ mwabũga ati, Kwenene indi muteke, nabiriyibanira ebindu; omo mĩbĩrĩ yage yosĩ sibendisyanyibana kʼobubi nʼebibi.

⁹Nĩkwa indi Mwami Mukulu Nyamuhanga wawe, erĩtsũka omo kihugo kyʼeMĩsĩrĩ; nasyaswakwĩkalya omo mahema, ngʼebiro nabya nenyũ omo mbwarara.

¹⁰Nabĩrĩbũga nʼabamĩnyererĩ nibya, nabĩrĩkanyĩa esyonzolĩ; nʼomo byala byʼabamĩnyererĩ nabĩrĩtwa emĩsyo.

¹¹EGĩleadĩ muli ebibi kwehĩ? Kwenene sibegasakĩ; eGĩleadĩ bakahonga esyonume; ega, ebiherero byabo biri nga bilundo byʼamabwe omo mitumo yʼamalima.

¹²Na Yakobo mwatibita omo kisuki kyʼeAramũ, na Ĩsraelĩ mwakola busana nʼeribana omũkalĩ, na busana nʼeribana omũkalĩ mwalĩsya esyombũlĩ.

¹³Nĩkwa omo mũmĩnyererĩ Omwami Mukulu mwalũsya Ĩsraelĩ erĩlũa eMĩsĩrĩ, nʼomo mũmĩnyererĩ mwateyĩbwa.

¹⁴Efũraĩmũ mwamũhĩtanĩa kutsibu omwʼikaliha; busana nʼekyo, Omukama wuwe asyamũsĩgĩra omusango wʼomusasi wuwe, nʼomukama wuwe asyamũsũbũlĩrya ebĩtsũmĩ biwe.