Read nande Hosea 5 Bible Online

Hosea 5 - nande bible

Hosea 5

¹Ĩnywe bahererĩ, mowe ekĩ, nenyũ ekĩtũnga kya Ĩsraelĩ, muhulikirire, utege okũtũ uwe kĩtũnga kyʼOmwami! Kusangwa olubanza ni lwawe; kusangwa wabiribya kitego eMĩsĩpa, nʼobutimba obũyĩsanzĩre oko Taborĩ.

²Nʼabandu abakayisamambula babĩrĩkĩma kutsibu omo bibi; nĩkwa ĩngye ngasuyira abosĩ.

³Nyĩnasĩ Efũraĩmũ, na Ĩsraelĩ sĩalĩbĩsama ũkwʼĩngye kusangwa Uwe lino, Efũraĩmũ, wabirikola obũmalaya, Ĩsraelĩ abĩrĩyĩtsandya.

⁴Emĩbĩrĩ yabo siyereka bakabindukira Nyamuhanga wabo; kusangwa ekĩrĩmũ kyʼobũmalaya kiri mubo, sĩbasĩ Omwami Mukulu.

⁵Kandi eriyiheka lya Ĩsraelĩ likamuhandikirira oko bũsũ buwe; busana nʼekĩ Ĩsraelĩ na Efũraĩmũ basyatwĩkala omo bubi bwabo; Yũda naye abĩrĩtwĩkala haguma nabo nibya.

⁶Basyagenda haguma nʼebĩhyo byabo nʼebihangulo byabo erĩyasondasondya Omwami Mukulu nĩkwa sibendisyamubana; abĩrĩyĩlũsya kubo.

⁷Babirikola Omwami Mukulu yo nabi kusangwa babiributa abana basa-na-nyĩnya. Lino omukera muhya-muhya asyamerabo haguma nʼebitaka byabo.

⁸Mubuhe engubi eGĩbea, nʼemburura eRama; mutũle endulo ehee eBeti-awenĩ; nʼenyũma ukʼuwe, uwe Benyamĩna.

⁹Efũraĩmũ asyabya kĩma oko kiro kyʼerikungwa; omo katĩkatĩ kʼebihanda bya Ĩsraelĩ nabĩrĩmĩnyĩsya ebyʼekwenene.

¹⁰Abakulu ba Ĩsraelĩ babiribya ngʼabandu abakalũsaya emitano; nasyũtũlĩra kubo kwʼerihitana lyage ngʼamagetsi.

¹¹Efũraĩmũ akanũbĩbawa, abĩrĩhĩmatwa omwʼitswerwa; kusangwa alĩga erikwama amahano wʼabandu.

¹²Busana nʼekyo, ĩngye indi kanyurugunzu uku Efũraĩmũ, nʼoko kĩtũnga kya Yũda ngʼerihonda.

¹³Omugulu Efũraĩmũ alangira endwala yiwe, na Yũda alangira ekironda kiwe, neryo Efũraĩmũ mwaya eAsũrĩa, mwatumira oko mwami ye Yarebũ; nĩkwa sialitoka erĩbalamya, kutse erĩbalya ekironda kyenyũ.

¹⁴Kusangwa nasyabya uku Efũraĩmũ ngʼendale, nʼoko kĩtũnga kya Yũda nasyabya ngʼomusuko wʼendale; ĩngye, nĩna ngye, nasyatulanga mo bitswe nʼerĩlũaho; nasyahekabo, isihendisyabya mundu oyo wasyalamya.

¹⁵Nasyagenda nʼerisuba aho wage, erĩhĩka aho basyabikulira omusango wabo, nʼerisonda-sonda obũsũ bwage; omo malĩge wabo basyanyĩsonda-sondya nʼomũhwa.