Read nande Emiganzo 12 Bible Online

Emiganzo 12 - nande bible

Emiganzo 12

¹Mĩrĩamũ na Harũnĩ mobatonga Musa yo nabi busana nʼomũkalĩ Mũkũshĩ oyo ahĩkaya; (kusangwa abya ĩnĩabĩrĩhĩkya omũkalĩ Mũkũshĩ).

²Mobabũga bati, Ko Mwami Mukulu abĩrĩbũga na Musa ĩyowene kwehĩ? Sĩalĩtabũga netu nibya kwehĩ? Neryo Omwami Mukulu mwowabyo.

³Nĩkwa Musa abya mundu molo, kwilaba abandu bosĩ ababya omo kihugo.

⁴Neryo Omwami Mukulu mwabũga na Musa na Harũnĩ, na Mĩrĩamũ, ati, Mwase ĩnywe basatu oko Hema yʼerĩhĩndanamo. Nʼabasatu abo mobahĩkaho.

⁵Neryo Omwami Mukulu mwandagala omo ndũyĩ yʼekĩtũ mwahangana oko lũkyo lwʼeHema, mwabirikira Harũnĩ na Mĩrĩamũ; nʼababiri abo mobahuluka.

⁶Neryo mwabũga ati, Lino muhulikirire ebĩnywa byage; hamabya omũmĩnyererĩ omo katĩkatĩ kenyũ, Ĩngye Mwami Mukulu nasyayĩmĩnyĩkalya kwiye omo nzolĩ, nasyabũga naye omwʼilota.

⁷Nĩkwa omugombe wage Musa kwʼate atya; iye ni mutalegula omo nyũmba yage yosĩ;

⁸nasyabũga naye obuno oko buno, nʼeriminyikala ndeke, butsira omo bĩnywa byʼemĩsyo; kandi akalangira Omwami Mukulu yo kibiribiri. Neryo busana nakĩ momutubaha eritonga omugombe wage yo nabi, ye Musa, kwehĩ?

⁹Nʼerihitana lyʼOmwami Mukulu molyaka kubo; neryo mwalũaho.

¹⁰Nĩkwa omugulu ekĩtũ kyalũa endata oko Hema; lebaya Mĩrĩamũ iniamabibya kwʼebihaga, omweru ngʼenzururu. Neryo Harũnĩ mwatungerera Mĩrĩamũ, iniamabibya kwʼebihaga.

¹¹Neryo Harũnĩ mwabũga na Musa, ati, Uwe, mukama wage, ngakusaba sũtũhĩre kwʼebibi ebĩ, kusangwa twabirikola obũkĩrũ, na busana nʼekyo twabĩrĩhalya.

¹²Ngakusaba, Suleke akabya ngʼomũholĩ, ngʼoyo wabiriribwa kʼoluhande omugulu akalũa omo nda ya koyo wuwe.

¹³Neryo Musa mwalirira Omwami Mukulu ati, Ngakulemba-lemba uwe Nyamuhanga ũmũlamaye.

¹⁴Neryo Omwami Mukulu mwabũga na Musa ati, Kumbe ĩse wuwe alĩtwira ebitande omo bũsũ buwe, siangabere nʼesĩsonĩ ebiro birinda kwehĩ? Akingirawe eyĩhya wʼekilaliriro ebiro birinda, nʼenyũma wʼaho asyaswaletwamo kandi.

¹⁵Na Mĩrĩamũ mwakingirwa eyĩhya wʼekilaliriro biro birinda. Nʼabandu mobatahongoka erĩhĩka aho Mĩrĩamũ aleterawamo kandi.

¹⁶Nʼenyũma wʼaho, abandu mobahongoka erĩlũa eHaserotĩ, mobalalirira omo mbwarara yʼeParanĩ.