Read nande Emiganzo 30 Bible Online

Emiganzo 30 - nande bible

Emiganzo 30

¹Neryo Musa mwabũga nʼabakulu bʼebihanda byʼabagala ba Ĩsraelĩ, ati, Oyũ go mwatsi ogo Mwami Mukulu abirihana.

²Omugulu omundu akalahĩraya oko Mwami Mukulu, kutse akayisema ekisemo eriboha omutima wuwe omo kikono, asyaberererya ekĩnywa kiwe; asyakola ngʼebyosĩ byalũa omo buno buwe.

³Kandi omugulu omũkalĩ akalahĩraya oko Mwami Mukulu, nʼeriyiboha omo kikono, iniane omo nyũmba ya tata wuwe, omo bwana-buto buwe.

⁴Na tata wuwe, amowa erĩlahĩrya liwe, nʼekikono kiwe ekyo abohamo omutima wuwe, na tata wuwe akamuhuna; erĩlahĩrya liwe lyosĩ ryasyamubyako, kutse ekikono ekyo abohamo omutima wuwe kyasyamubyako.

⁵Nĩkwa tata wuwe amamũganĩa ekiro alĩowa, sihali erĩlahĩrya liwe kutse ebikono biwe ebyo abohamo omutima wuwe, ebyasyamubyako; Omwami Mukulu asyamubuyira, kusangwa tata wuwe mwamũganĩa.

⁶Kandi amahĩkĩbwa nʼĩba, omugulu erĩlahĩrya likinamuliko, kutse ekĩnywa angũhaya erĩbũga nʼemĩnywa yiwe bũtalengekanĩa ekyo abohamo omutima wuwe.

⁷Nʼĩba wuwe amowakyo, akamuhuna ekiro owakyo; eriyilaga liwe ryasyamubyako, nʼebikono ebyo abohamo omutima wuwe byasyamubyako.

⁸Nĩkwa ĩba wuwe amamũganĩa ekiro analĩowakyo, asyayira eriyilaga liwe mo buyira erimuliko, nʼekĩnywa angũhaya erĩbũgakyo omo mĩnywa yiwe bũtalengekanĩa, ekyo abohamo omutima wuwe, Omwami Mukulu asyamubuyira.

⁹Nĩkwa eriyilaga lyʼomũkwakalĩ, kutse ryʼoyo wabirigabana nʼĩba, obuli kindu ekyo abohamo omutima wuwe kyasyamubyako.

¹⁰Nʼakandi amabya aliyilaga omo nyũmba yʼĩba wuwe, kutse eriboha omutima wuwe omo kikono kyʼerĩlahĩrya,

¹¹nʼĩba wuwe amowakyo, akamuhuna, isialitamũganĩa; eriyilaga liwe ryosĩ lyasyamubyako, nʼobuli kikono ekyo abohamo omutima wuwe kyasyamubyako.

¹²Nĩkwa ĩba wuwe amayirabyo mo buyira nʼeriponabyo ekiro owabyo, obuli mwatsi owahuluka omo mĩnywa yiwe busana nʼeriyilaga liwe, kutse busana nʼekikono kyʼomutima wuwe, sibyendisyamubyako, ĩba wuwe abiriyirabyo mo buyira; neryo Omwami Mukulu asyamubuyira.

¹³Obuli ʼyilaga nʼobuli ʼyisema lyʼeriyiboha nʼerĩhanga-hangya omutima, ĩba wuwe anganatoka erĩhanganĩalyo, kutse ĩba wuwe anganatoka eriyiralyo mo buyira.

¹⁴Nĩkwa ĩba wuwe amamuhuna ekiro nʼekiro, akahanganaya eriyilaga liwe ryosĩ, kutse ebikono biwe byosĩ, ebimuliko; abĩrĩhanganĩabyo kusangwa amuhuna ekiro owabyo.

¹⁵Nĩkwa amayirabyo mo buyira nʼeriponabyo enyũma wʼerĩowabyo, neryo asyaheka ebibi byʼomũkalĩ.

¹⁶Ebĩ bye bihano Omwami Mukulu ahana Musa, omo katĩkatĩ kʼomulume nʼomũkalĩwe, nʼomo katĩkatĩ kʼĩse na mwali wuwe omo bwana-buto buwe, omo nyũmba yʼĩse wuwe.