Read nande Nahũmũ 2 Bible Online

Nahũmũ 2 - nande bible

Nahũmũ 2

¹Omũbũnangũlya abirikuhetukirako. Ũtegaye ahakongotere, ũtegaye enzira; ũkalaye esyombindi syawe, ukongotere Obũtokĩ bwawe bo ndeke.

²Kusangwa Omwami Mukulu akasũbaya obubuya bwa Yakobo, ngʼobubuya bwa Ĩsraelĩ, kusangwa abahũngĩ babĩrĩheryabo, nʼerĩherya emitahi yʼemĩrĩkĩ yabo yʼebĩnyũ.

³Esyongabo syʼesyombangĩ syabiriyirwa mo ngula, nʼabandu bʼamaka bambite omunyama; nʼesyogalĩ sĩkakangabasanaya omo byuma omugulu asĩkĩre erigenda, nʼamatũmo wʼemiti yʼekĩlagũ akahũnga-hũngĩbawa.

⁴Esyogalĩ sikalaba lũba ngʼabasĩre omo syonzira; sikatibita eyĩ nʼeyĩ omo bibuga, erisosa lyasyo siri ngʼebisosomole; sikatibita eyĩ nʼeyĩ ngʼerĩpalya.

⁵Omwami akibuka abakulu buwe; bakatwĩkala omo lugendo lwabo; bakanguha eriya oko lũhĩmbo lwako, nʼekĩkũnĩngo kyabĩrĩhanganĩbwa.

⁶Esyongyo syʼesyonyũsĩ syakĩngwĩrwe, nʼenyũmba yʼobwami yabĩrĩhĩmbũkala.

⁷Kyabirihamulwa; abiriambulwa mo ndũmbũ, abirihekwa; abalembya buwe bakalira omo mulenge wʼehĩrĩkũkũ bakayihumanga oko bĩkũba byabo.

⁸Nĩkwa eNĩnawe yabiribya erĩtsũka kera ngʼekitsinga kyʼamagetsi, nĩkwa lino bakatibita. Muhangane, muhangane; nĩkwa Sihabye oyukakebera enyũma.

⁹Mwĩmaye ebinyegwa byʼebĩtsĩpa! Mwĩmaye ebinyegwa byʼesyamagetsi! Kusangwa sihali ndũlĩ oko bindu; obũsokĩ bwʼemĩsĩndo yosĩ yʼebindu bibuya.

¹⁰Omũyĩ ali busa! Omũyĩ ni mulala, nʼekĩma! Emitima ikageruka omo nda, nʼamarwĩ akalegetsana, obwagalĩ nibya bukabya omo mubiri gosĩ, nʼamũsũ wabo gosĩ akatũmba!

¹¹Ekyũna kyʼesyondale kiri hayi, nʼaho ebyana byʼesyondale bikalira, aho endale yʼobulume nʼeyʼobũkalĩ, nʼekyana kyʼendale, sikatamba isihali ekikahigasyo kwehĩ?

¹²Endale moyatulanga mo bihande ebitolere busana nʼebyana byayo, nʼerĩĩta ebitolere busana nʼesyondale syʼobũkalĩ siwe, mũsũlya emyangalũ yiwe omo bunyegwa, nʼerĩũsũlya ebyũna biwe mwʼesĩswĩ sĩtũlangĩre.

¹³Omwami Mukulu Wʼemilondo ati, Lebaya, ngalwa nawe, nasyahĩsya esyogalĩ syawe omo mũkĩ, nʼomũyalĩ asyalya ebyana byawe byʼesyondale; nage nasyatũa ebinyegwa byawe erĩlũa omo kihugo, nʼomulenge wʼabakwenda bawe siendĩsyogũbwa kandi.