Read nande Matayo 1 Bible Online

Matayo 1 - nande bible

Matayo 1

¹Ekitabu kyʼesyondengo sya Yesu Kristo, mugala wa Dawĩdĩ, mugala wa Abrahamũ.

²Abrahamũ abya ĩse wa Isaka; na Ĩsaka abya ĩse wa Yakobo; na Yakobo abya ĩse wa Yũda nʼabagala babo.

³Yũda abya ĩse wa Perezĩ na Zera (nyĩnya wabo abya Tamarĩ); na Perezĩ abya ĩse wa Hesĩronĩ; na Hesĩronĩ abya ĩse wa Ramũ;

⁴Ramũ abya ĩse wa Amĩnadabũ; na Amĩnadabũ abya ĩse wa Nasonĩ; Nasonĩ abya ĩse wa Salmonĩ;

⁵Salmonĩ abya ĩse wa Boazĩ (nyĩnya wa Boazĩ abya Rahaba); Boazĩ abya ĩse wa Obedĩ (Rũta abya nyĩnya wuwe); Obedĩ abya ĩse wa Yese;

⁶Yese abya ĩse wʼOmwami Dawĩdĩ. Dawĩdĩ abya ĩse wa Solomono (nyĩnya wuwe abya mũkalĩ wa Ũrĩa);

⁷Solomono abya ĩse wa Reheboamũ; Reheboamũ abya ĩse wa Abĩa; Abĩa abya ĩse wa Asa;

⁸Asa abya ĩse wa Yosafatĩ; Yosafatĩ abya ĩse wa Yoramũ; Yoramũ abya ĩse wa Ũzĩa;

⁹Ũzĩa abya ĩse wa Yotamũ; Yotamũ abya ĩse wa Ahazĩ; Ahazĩ abya ĩse wa Hezekĩa;

¹⁰Hezekĩa abya ĩse wa Manase; Manase abya ĩse wa Amonĩ; Amonĩ abya ĩse wa Yosĩa;

¹¹Yosĩa abya ĩse wa Yekonĩa nʼabagala babo, oko mugulu abandu ba Ĩsraelĩ batwalawa eBabelĩ.

¹²Abandu babere babitwalwa eBabelĩ: Yekonĩa abya ĩse wa Salatĩelĩ; Salatĩelĩ abya ĩse wa Zerũbabelĩ;

¹³Zerũbabelĩ abya ĩse wa Abĩhũdĩ; Abĩhũdĩ abya ĩse wa Elĩakĩmũ; Elĩakĩmũ abya ĩse wa Azoro;

¹⁴Azoro abya ĩse wa Sadokĩ; Sadokĩ abya ĩse wa Akĩmũ; Akĩmũ abya ĩse wa Elĩhũdĩ;

¹⁵Elĩhũdĩ abya ĩse wa Eleazarĩ; Eleazarĩ abya ĩse wa Matanĩ; Matanĩ abya ĩse wa Yakobo;

¹⁶Yakobo abya ĩse wa Yosefũ, ĩba wa Marĩa, oyo wabya nyĩnya wa Yesu, oyukahulawa mo Kristo.

¹⁷Neryo esyondengo syosĩ erĩtsũka uku Abrahamũ erĩhĩka uku Dawĩdĩ ni ndengo ĩkũmĩ nʼĩnĩ; nʼerĩtsũka uku Dawĩdĩ erĩhĩka oko mugulu abandu batwalawa eBabelĩ ni ndengo ĩkũmĩ nʼĩnĩ; nʼerĩtsũka oko mugulu abandu batwalawa eBabelĩ erĩhĩka uku Kristo ni ndengo ĩkũmĩ nʼĩnĩ.

¹⁸Neryo eributwa lya Yesu Kristo ko lyabya litya. Nyĩnya wuwe ye Marĩa mwasĩmolĩbwa na Yosefũ. Nĩkwa Marĩa ate aheruka mwaminyikala kʼobukule bwʼOmũlĩmũ Abũyĩrĩre.

¹⁹Neryo Yosefũ oyo wamũsĩmolaya, ini mundu utunganene, siabya anzĩre erĩmwĩta esĩsonĩ, neryo mwasonda erimuleka bũbĩso-bĩso.

²⁰Nĩkwa omugulu Yosefũ abya akaganĩrya omwatsi oyũ, lebaya, omũlaĩka wʼomukama mwamubutukira omo nzolĩ mwamubwira ati, Uwe Yosefũ, mugala wa Dawĩdĩ, Sigubahe erĩherũkya Marĩa mo mũkalĩ wawe, kusangwa obukule buwe ni bwʼOmũlĩmũ Abũyĩrĩre.

²¹Asyabuta omugala, nawe wasyamwahula mo Yesu, kusangwa asyalamya abandu buwe oko bibi byabo.

²²Nĩkwa ebyosĩ ebĩ mobyabya bitya erĩberererya ebyo Mukama abũgĩra omo mũmĩnyererĩ ati,

²³Lebaya, omumbesa asyaheka obukule, asyabuta omugala, nʼerĩna liwe lyasyahulwa mo Emanuelĩ, nĩʼbũga ambu: Nyamuhanga haguma netu.

²⁴Neryo Yosefũ abere abuka omo tũgotserĩ, mwakola ngoko mũlaĩka wʼomukama amutegeka, mwaherũkya Marĩa.

²⁵Nĩkwa mwatamuminya erĩhĩka aho abutira mugala wuwe. Neryo Yosefũ mwaluka erĩna liwe mo Yesu.