Read nande Marĩko 9 Bible Online

Marĩko 9 - nande bible

Marĩko 9

¹Neryo Yesu mwaswabũga ati, Kwenene ngabũga nenyũ nyiti, Hali abandi abimene hano abatendisyahola bate balangira Obwami bwa Nyamuhanga bũkahĩka nʼobũtokĩ.

²Neryo habere hakya biro ndatu Yesu mwĩmya Petero na Yakobo na Yoane ĩbobene, mwatwalabo oko kitwa kiri-kiri. Nʼaho mwahĩndũkĩbwa embere syabo.

³Esyongimba siwe mosyakangabasanĩa, mosyabya nyeru-nyeru kutsibu, isihali oyo wangatoka erĩeryasyo atya.

⁴Neryo Elĩa na Musa mobabutukaho, ĩbakakanaya na Yesu.

⁵Neryo Petero mwabũga na Yesu ati, Mũkangĩrĩrya, lyowene eribya hano. Tũhĩmbe amahema asatu, enguma busana nawe, nʼenguma busana na Musa, nʼenguma busana na Elĩa.

⁶Kusangwa abya ĩsĩasĩ ekyo angabũga, iniabiriubaha kutsibu.

⁷Neryo ekĩtũ mokyahuluka mokyasũkũlĩryabo, nʼomulenge mwalũa omo kĩtũ ati, Oyũ ni Mugala wage mwanze, mũmowe.

⁸Neryo-neryo mobakebakeba, nĩkwa mobataswalangira ogundi mundu haguma nabo, inina Yesu ĩyowene.

⁹Neryo omugulu babya bakandagala bakalũa oko kitwa, Yesu mwaganĩabo ati, sibabwire mundu ebyo balialangira omo bũlĩme, erĩhĩka aho Mugala wʼomundu asyalũbũkĩbwa oko baholĩ.

¹⁰Neryo mobabĩka erĩhano eryo, nĩkwa mobakanĩranĩa omwatsi wʼerĩlũbũka oko baholĩ nga nĩkĩ.

¹¹Neryo mobabũlya Yesu bati, Busana nakĩ abakangĩrĩrya bʼEmigambo bakabũga bati, Elĩa atolere ĩnĩatsũka erĩhĩka, kwehĩ?

¹²Yesu mwasũbĩryabo ati, Elĩa akandĩsyatsũka erĩhĩka nʼerĩsũbya emyatsi yosĩ, nĩkwa busana naki kĩsakĩre kiti, Omugala wʼomundu asyagalwa omo myatsi mingi nʼeriganwa kwehĩ?

¹³Nĩkwa ngababwira nyiti, Elĩa abĩrĩhĩka, nʼabandu mobamukola ngoko kĩsakĩre busana naye.

¹⁴Babere bahĩka eyiri abiga, mobalangira endeko nene ĩyĩnatĩmbĩre kubo. Kandi abakangĩrĩrya bʼEmigambo babya ibakakuba nabo obuhaka.

¹⁵Neryo omugulu endeko eyo yalangira Yesu mobasweka kutsibu, mobatibita erĩyamũkerya.

¹⁶Neryo Yesu mwabũlya abiga buwe ati, Mukakuba nabo buhaka bwakĩ kwehĩ?

¹⁷Omundu muguma wʼendeko mwamũsũbĩrya ati, Mũkangĩrĩrya, ngabikuletera mugala wage, kusangwa ali kwʼekĩrĩmũ kibi kandi isialitoka erĩbũga.

¹⁸Nʼaho kikamuhambira, kikamugusa ahisi, naye akaburura erĩhũlo nʼerikeregeta ameno wuwe neryo iniakala. Mongabũlaya abiga bawe nyiti bahigire ekĩrĩmũ ekyo kyʼeyĩhya, nĩkwa mobakataluka.

¹⁹Yesu mwasũbĩryabo ati, Ĩnywe lulengo lwʼerĩtendĩkĩrĩrya, nasyĩkala nenyũ mugulu gungahi kwehĩ? Nasyababegerya mugulu gungahi kwehĩ? Munyiretere omũlwana oyo.

²⁰Neryo mobamuletera omũlwana oyo. Omugulu ekĩrĩmũ ekyo kyalangira Yesu, mokyanyola-nyola omũlwana oyo, neryo mwawa ahisi oko kitaka mwayĩgala-galya ahisi, mwaburura erĩhũlo.

²¹Neryo Yesu mwabũlya ĩse wʼomũlwana oyo ati, Amatabya atya oko biro bingahi kwehĩ? Naye mwamũsũbĩrya ati, Kyamũtsũka iniakine mulere.

²²Engendo nyingi kyabirirenga erĩmwĩta, kikamugusa omo muliro nʼomo magetsi. Ũtũkwĩre bũlĩge, ũtũwatĩkaye, wamabya wanganatoka!

²³Neryo Yesu mwamubwira ati, Ũkabũga uti, wanganatoka! Emyatsi yosĩ ikatokekana busana nʼomundu oyuwite erĩkĩrĩrya.

²⁴Neryo ĩse wʼomũlwana oyo mwabũga kutsibu ati, Namĩkĩrĩrya, ũwatĩkaye erĩtendĩkĩrĩrya lyage.

²⁵Neryo omugulu Yesu alangira endeko ĩkahĩndana, mwahayira ekĩrĩmũ kibi ekyo, ati, Uwe kĩrĩmũ kitsiha ekĩtebũga, ngakuhana nyiti, Ũlũe omo mũlwana oyũ, kandi susyesyamũhĩkako.

²⁶Neryo ekĩrĩmũ ekyo mokyalaka kutsibu nʼerimunyola-nyola neryo mokyamũlũako. Omũlwana oyo mwabya ngʼekĩnda, kyaleka abandu bosĩ ibubaha bati, Abirihola.

²⁷Nĩkwa Yesu mwahamba ebyala byʼomũlwana mwamũhanganĩa; neryo mwahangana.

²⁸Yesu abere abingira omo nyũmba, abiga buwe mobamũbũlya bũbĩso-bĩso bati, Twataluka erihigira ekĩrĩmũ ekyo kyʼeyĩhya busana nakĩ kwehĩ?

²⁹Yesu mwasũbĩryabo ati, Erisaba lisa lyo likatoka erihiga omũsĩndo oyũ.

³⁰Neryo mobalũa eyo, mobalenderera eGalĩlaya. Nĩkwa Yesu mwatanza abandu bakaminya ngʼali hahi, kusangwa abya akakangĩrĩrya abiga buwe.

³¹Neryo Yesu mwabwira abiga buwe ati, Omugala wʼomundu asyahoterwa oko bandu, nabo basyamwĩta; neryo enyũma wʼebiro bisatu asyalũbũka.

³²Nĩkwa mobataminya ekĩnywa ekyo, ibakubaha erĩmũbũlya.

³³Neryo mobahĩka eKapernaũmũ, neryo babere bahĩka omo nyũmba, Yesu mwabũlyabo ati, Mulyakuba buhakakĩ omo nzira kwehĩ?

³⁴Nĩkwa mobabya bũkũtũ kusangwa omo nzira babya ĩbakakanaya omukulu kubo nga nindi.

³⁵Neryo Yesu mwĩkala ahisi, mwabirikira abiga ĩkũmĩ nʼababiri mwabwirabo ati, Omundu amanza eribya wʼerĩmbere, abye wʼenyũma oko bosĩ, kandi abye mugombe wʼabosĩ.

³⁶Neryo Yesu mwĩmya omwana mulere mwamũhanganĩa omo katĩkatĩ kabo. Kandi mwĩmya omwana oyo omo byala biwe, mwabũga ati,

³⁷Omundu oyũkakokaya omwana mulere ngʼoyũ omo lĩna lyage akanyĩkokaya; nʼoyũkanyĩkokaya, akakokaya oyo wanyituma.

³⁸Yoane mwabũga naye ati, Mũkangĩrĩrya, motwalangira omundu oyo wabya akahigira esyombĩnga syʼeyĩhya omo lĩna lyawe, nĩkwa motwamũkũngĩre kusangwa sĩ gʼũkwʼĩtwe.

³⁹Nĩkwa Yesu mwabũga ati, Simumukunge, kusangwa sihali mundu oyukakola ekitiko-tiko omo lĩna lyage oyo wangabũga nabi lũba busana nage.

⁴⁰Kusangwa oyute nzĩgũ yetu iniali oko luhande lwetu.

⁴¹Kusangwa oyukabaha olũtehĩ lwʼamagetsi wʼerĩpũlya, kusangwa muli bandu ba Kristo siendisyabula oluhembo luwe nʼahake.

⁴²Nʼoyo Wasyaleka omuguma gʼoko bana balere aba, abakanyĩkĩrĩraya, akanyĩlũako, lyowene kumbe omundu oyo angasengerwako oluso lunene oko bĩkya biwe, iniaguswa omo ngetsi.

⁴³Ebyala byawe byamaleka ukatoga, ĩwatwabyo. Lyowene busana nawe eriingira omo ngebe iwabirirehema kwilaba eriya omo Lĩfero haguma nʼebyala bibiri omo muliro owatetoka erĩhũmberĩbwa. [

⁴⁴Aho mihuka yabo itehola, nʼomuliro syalihumbera.]

⁴⁵Nʼekisando kyawe kyamaleka ukatoga, ũtwekyo. Lyowene busana nawe eriingira omo ngebe iwabirirehema kwilaba eriguswa nʼebisando bibiri omo Lĩfero. [

⁴⁶Aho mihuka yabo itehola, nʼomuliro syalihumbera.]

⁴⁷Nʼerĩso lyawe lyamaleka ukatoga, uloleryo. Lyowene busana nawe eriingira omo Bwami bwa Nyamuhanga nʼerĩso liguma, kwilaba eriguswa omo Lĩfero nʼameso abiri.

⁴⁸Aho mihuka yabo itehola, nʼomuliro syalihumbera.

⁴⁹Kusangwa abandu bosĩ basyalengwako omo muliro ngʼomũnyũ.

⁵⁰Omũnyũ owene, Nĩkwa amatalya obusi bwago, wasyaswasĩhyago ũmũkĩ kwehĩ? Mubye nʼomũnyũ omwisi wenyũ, kandi mubye nʼobuholo omo katĩkatĩ kenyũ.