Read nande Abanya Roma 14 Bible Online

Abanya Roma 14 - nande bible

Abanya Roma 14

¹Nĩkwa mũkokaye oyuli molo omwʼĩkĩrĩrya liwe. Nĩkwa sukube buhaka naye busana nʼamalengekanĩa wuwe.

²Omundu muguma akĩkĩrĩraya ati anganalya ebyosĩ, nĩkwa oyuli molo akalya esyomboka nyisa.

³Omundu oyukalya ebyosĩ siapone oyuterya ebyosĩ. Nʼoyuterya ebyosĩ siatswere oyukalya ebyosĩ, kusangwa Nyamuhanga abĩrĩmũlĩga.

⁴Nawe uwendi uti ukatswera omugombe wʼogundi kwehĩ? Embere syʼOmukama wuwe asyasĩngana kutse asyasĩngwa. Asyasĩngana ndeke kusangwa Omukama awite obũtokĩ bwʼerĩmũhanganĩa ndeke.

⁵Omundu muguma akaganza ekiro kiguma mo kikulu kwilaba ekindi, nʼogundi akaganza ebiro byosĩ ngʼebindi. Obuli mundu aminye ndeke ebyo amalĩga omo bũlengekanĩa buwe.

⁶Oyukakenga ekiro kiguma, akakengakyo busana nʼomukama. Nʼoyukalya ebyosĩ akalya nʼerikenga Omukama, kusangwa akaha Nyamuhanga yʼewasĩngya; nʼoyuterya ebyosĩ akakola atya busana nʼerikenga Omukama, kandi akaha Nyamuhanga yʼewasĩngya.

⁷Kusangwa sihali oyukabyaho busana naye ĩyowene-wene, kandi sihali oyukahola busana naye ĩyowenewene.

⁸Kusangwa twamabyaho tukabyaho busana nʼomukama, kandi twamahola tukahola busana nʼomukama. Neryo, twamabyaho kutse twamahola, tuli bʼOmukama.

⁹Kusangwa Kristo mwahola neryo mwaswabyaho, atoke eribya Mukama wʼabaholĩre nʼabaliho.

¹⁰Nĩkwa nawe, busana nakĩ ukatswera mũlĩkyenyũ kwehĩ? Kandi nawe busana nakĩ ukapona mũlĩkyenyũ kwehĩ? Kusangwa ĩtwe bosĩ twasyahangana embere wʼekĩtũmbĩ kyʼeritswera kya Nyamuhanga.

¹¹Kusangwa kĩsakĩre kiti, Omukama ati, Ĩngye nyiriho! Obuli mundu asyakũkama embere syage, Nʼobuli mundu asyatũlago ko nyiri Nyamuhanga.

¹²Neryo obuli mundu asyakanganĩa Nyamuhanga ebyo akola.

¹³Neryo tuleke eritswerana, nĩkwa mũbũge muti, omundu sĩahĩre kindu ekyangatwĩkalya mũlĩkyabo, kutse erireka akawa omo bibi.

¹⁴Nyĩnasĩ, kandi nabĩrĩmĩnyĩsĩbwa busana nʼomukama Kristo ko hate kindu kĩtĩsĩrĩre ĩkyokyene; nĩkwa omundu amaganĩrya kwʼekindu kĩtĩsĩrĩre, busana naye, kĩtĩsĩrĩre.

¹⁵Wamĩta mũlĩkyenyũ yʼobũlĩge busana nʼebyo ukalya, sulirendera omo lwanzo. Suleke akalyo kawe kakaherya omundu oyo Kristo aholera.

¹⁶Neryo simuleke ekiri kibuya ũkwʼĩnywe kikatsumwa ngʼekibi.

¹⁷Kusangwa obwami bwa Nyamuhanga si mwatsi wʼerirya kutse wʼerĩpũlya, nĩkwa ni butunganene, nʼobuholo, nʼobutseme obo Mũlĩmũ Abũyĩrĩre akaha.

¹⁸Kusangwa oyukakolera Kristo atya akatsemesaya Nyamuhanga, kandi abandu bakamũsĩma.

¹⁹Neryo tukwame emyatsi eyikaleta Obuholo nʼebĩkatũhanganaya.

²⁰Busana nʼakalyo Sũtsandaye omũbĩrĩ wa Nyamuhanga. Ebyosĩ bĩsĩrĩre, nĩkwa ni kibi busana nʼoyukalyabyo amaleka ogundi erikola ebibi.

²¹Sĩryowene erirya esĩswĩ kutse erĩpũlya ebĩnyũ, kutse erikola ekĩndũkĩ ekikaleka mũlĩkyenyũ iniakola ebibi.

²²Ekyo ũkĩkĩrĩraya nga kyowene, ubye nakyo ĩwowene embere sya Nyamuhanga. Obutseme buli nʼoyute nʼomusango omo mutima wuwe busana nʼebyo akasĩma.

²³Nĩkwa oyukatika-tikira ekyo akalya ali nʼomusango, kusangwa erikola liwe siriwite erĩkĩrĩrya. Nʼekĩndũkĩ akakola atĩkĩrĩrye ni kibi.