Read nande Yosũa 12 Bible Online

Yosũa 12 - nande bible

Yosũa 12

¹Neryo aba ba bami bʼekihugo, abo abana ba Ĩsraelĩ bĩta, nʼerĩĩmya ekihugo kyabo eyisirya wʼeYorodanĩ oluhande eyikasira eryuba, erĩtsũka omo musya wʼeArnonĩ erĩhĩka oko kitwa kyʼeHermonĩ, nʼekyʼeAraba kyosĩ erilola endata.

²Sĩhonĩ omwami wʼeAmorĩ, oyo wabya ĩkere eHesbonĩ, iniakatabala erĩtsũka eAroerĩ, omũyĩ owali oko mũsĩke wʼomusya wʼeArnonĩ, omo katĩkatĩ kʼomusya, nʼoluhande lwʼeGĩleadĩ, erĩhĩka oko lũsĩ lwʼeYaboko, Omutano wʼabana ba Amonĩ;

³nʼeAraba erĩhĩka oko ngetsi yʼeKĩneretĩ, erilola endata, nʼerĩhĩka oko ngetsi yʼeAraba, ye Ngetsi yʼomũnyũ, erilola endata, omo nzira yʼeBetĩ-Yesĩmotĩ, nʼelutambi lwʼeyĩkwa, eyĩkwa oko mandagala wʼePĩsĩga.

⁴Nʼekihugo kya Ogĩ omwami wʼeBasanĩ, ekĩsĩgaliro kya Rafaĩmũ oyo wabya ĩkere eAstarotĩ nʼeEdĩreĩ,

⁵iniakatabala oko kitwa kyʼeHermonĩ, nʼeSaleka, nʼeBasanĩ hosĩ, erĩhĩka oko mitano yʼAbagesũrĩ nʼAbamaka, nʼoluhande lwʼeGĩleadĩ, oko mutano wa Sĩhonĩ omwami wʼeHesbonĩ.

⁶Musa omugombe wʼOmwami Mukulu nʼabana ba Ĩsraelĩ mobĩtabo; na Musa omugombe wʼOmwami Mukulu mwahakyo Abarũbenĩ, nʼAbagadĩ, nʼoluhande lwʼekihanda kya Manase mo lubibi.

⁷Aba bo bami bʼekihugo abo Yosũa ĩta eyisirya wʼeYorodanĩ erilola eyĩkwa, erĩtsũka eBaal-gadĩ omo musya wʼeLebanonĩ erĩhĩka oko kitwa kyʼeHalakĩ, ekikahetukira eSeĩrĩ; kandi Yosũa mwahakyo oko bihanda bya Ĩsraelĩ mo lubibi ngʼerigabana lyabyo;

⁸omo kihugo kyʼebitwa, nʼomwʼĩbanda, nʼomo Araba, nʼomo mandagala, nʼomo mbwarara, nʼomo kihugo kyʼeyĩkwa; Omũhĩtĩ, nʼOmũamorĩ, nʼOmukanana, nʼOmũperezĩ, nʼOmũhĩvĩ, nʼOmũyebũsĩ.

⁹Omwami wʼeYerĩko, muguma; omwami wʼeAĩ, oyuli hakũhĩ nʼeBetelĩ, muguma;

¹⁰omwami wʼeYerũsalema, muguma; omwami wʼeHebũronĩ, muguma;

¹¹omwami wʼeYarmũtĩ, muguma; omwami wʼeLakĩsĩ, muguma;

¹²omwami wʼeEglonĩ, muguma; omwami wʼeGezerĩ, muguma;

¹³omwami wʼeDebĩrĩ, muguma; nʼomwami wʼeGederĩ, muguma;

¹⁴omwami wʼeHorma, muguma; omwami wʼeAradĩ, muguma;

¹⁵omwami wʼeLĩbũna, muguma; omwami wʼeAdũlamũ, muguma;

¹⁶omwami wʼeMakeda, muguma; omwami wʼeBetelĩ, muguma;

¹⁷omwami wʼeTapũa, muguma; omwami wʼeHeferĩ, muguma;

¹⁸omwami wʼeAfekĩ, muguma; omwami wʼeLasaronĩ, muguma;

¹⁹omwami wʼeMadonĩ, muguma; omwami wʼeHazorĩ, muguma;

²⁰omwami wʼeSĩmũronĩ-meronĩ muguma; omwami wʼeAksafũ, muguma;

²¹omwami wʼeTanakĩ, muguma; omwami wʼeMegĩdo, muguma;

²²omwami wʼeKedesĩ, muguma; omwami wʼeYoneamũ omo Karamelĩ, muguma;

²³omwami wʼeDorĩ oko katwa kʼeDorĩ, muguma; omwami wʼeGoyĩmũ eGĩlgalĩ, muguma;

²⁴omwami wʼeTĩrza, muguma. Abami bosĩ aba babya makũmĩ asatu na muguma.