Read nande Yosũa 15 Bible Online

Yosũa 15 - nande bible

Yosũa 15

¹Nʼomugereko busana nʼekihanda kyʼabana ba Yũda ngʼebĩtũnga byabo ko byabya, mwahĩka oko mutano wʼeEdomũ, oko mbwarara yʼeSĩnĩ erilola elutambi lwʼeyĩkwa oko ndũlĩ-ndũlĩ yʼelutambi lwʼeyĩkwa.

²Nʼomutano wabo wʼelutambi lwʼeyĩkwa abya atsũkĩre oko ndũlĩ-ndũlĩ yʼEngetsi yʼomũnyũ, erĩtsũka oko mugera owalolĩre elutambi.

³Nago alabĩre elutambi lwʼebwiruka obwa Akarabĩmũ, kandi akalaba erĩhĩka eSĩnĩ, iniahetukira elutambi lwʼeyĩkwa lwʼeKadesĩ-Bamea, kandi alabĩre hakũhĩ nʼeHesronĩ, iniahetuka oko Adarĩ, ĩnĩatĩmba erĩhĩka eKaraka.

⁴Kandi iniakolerera eAsĩmonĩ, erĩlũa oko kũsĩ kʼeMĩsĩrĩ; esyombulukiro syʼomutano syabya oko ngetsi; oyo asyabya mutano wʼelutambi lwʼeyĩkwa.

⁵Nʼomutano wʼendata abya Engetsi yʼomũnyũ, erĩhĩka oko ndũlĩ yʼeYorodanĩ. Nʼomutano wʼeluhande lwʼelutambi lwʼendata abya atsũkĩre oko mugera wʼengetsi oko ndũlĩ yʼeYorodanĩ.

⁶Nʼomutano mwahetukira eBetĩ-hogla, ĩnĩalabĩre oko luhande lwʼelutambi lwʼendata lwʼeBetĩ-araba; nʼomutano ĩnĩahetũkĩre okwʼĩbwe rya Bohanĩ mugala wa Rũbenĩ.

⁷Kandi Omutano ĩnĩahetũkĩre erĩhĩka eDebĩrĩ erĩtsũka omo musya wʼeAkorĩ, iniagenda atya elutambi lwʼendata erĩlolya eGĩlgalĩ, owalolere oko bwiruka bwʼeAdũmĩmũ, obuli oko luhande lwʼelutambi lwʼeyĩkwa lwʼolũsĩ; nʼomutano ĩnĩalabĩre atya oko magetsi wʼeEnĩ-semesĩ, nʼesyombulukiro syago syabya eEnĩ-rogelĩ.

⁸Nʼomutano ĩnĩahetũkĩre hakũhĩ nʼomusya wa mugala wa Hĩnomũ oko luhande lwʼOmũyebũsĩ erilola elutambi lwʼeyĩkwa, eyo ye Yerũsalema; nʼomutano ĩnĩahetũkĩre oko singi yʼekitwa ekiri embere syʼomusya wʼeHĩnomũ erilola eyĩkwa, owali oko ndũlĩ-ndũlĩ yʼomusya wʼeRefaĩmũ erilola elutambi lwʼendata.

⁹Nʼomutano atsũkĩre oko singi yʼekitwa erĩhĩka okwʼĩsoko yʼamagetsi wʼeNefũtoa, akahuluka oko mĩyĩ yʼekitwa kyʼeEfũronĩ; nʼomutano mwalaba erĩhĩka eBala (eyo ye Kĩrĩatĩ-yearĩmũ).

¹⁰Nʼomutano ĩnĩabĩndũkĩre erĩlũa eBala erilola eyĩkwa oko kitwa kyʼeSeĩrĩ, ĩnĩalabĩre oko kitambi kyʼekitwa kyʼeYearĩmũ oko lutambi lwʼendata (eyo ye Kesalonĩ), ĩnĩandagalĩre oko Betĩ-semesĩ, ĩnĩalabĩre hakũhĩ nʼeTĩmũna.

¹¹Nʼomutano ĩnĩahũlũkĩre oko kitambi kyʼeEkronĩ erilola elutambi lwʼendata; kandi Omutano mwalaba erĩhĩka eSĩkeronĩ, mwalaba erĩhĩka oko kitwa kyʼeBala, kandi mwahulukira eYabũnelĩ; nʼesyombulukiro syʼomutano syabya oko ngetsi.

¹²Nʼomutano wʼeyĩkwa abya oko ngetsi nene, nʼomutano wayo. Oyũ go mutano wʼabana ba Yũda erĩtĩmba ehosĩ ngʼebĩtũnga byabo.

¹³Kandi mwaha Kalebũ mugula wa Yefũne erĩgabo omo katĩ kʼabana ba Yũda, ngʼekihano kyʼOmwami Mukulu uku Yosũa, eyo ye Kĩrĩatĩ-arba, na Arba oyũ abya ĩse wa Anakĩ (eyo ye Hebũronĩ).

¹⁴Na Kalebũ mwahigaho abagala basatu ba Anakĩ; Sesaĩ, na Ahĩmanĩ, na Talmaĩ, abana ba Anakĩ.

¹⁵Kandi mwahetuka erĩlũa aho eriyabambira esyondũlanĩ syʼeDebĩrĩi; nĩkwa erĩna lyʼeDebĩrĩ erĩmbere lyabya Kĩrĩatĩ-seferĩ.

¹⁶Kandi Kalebũ mwabũga ati, Oyũkandĩsyĩta Kĩrĩatĩ-seferĩ, nʼerĩĩmyago, nasyamuha Akĩsa mwali wage eribya mũkalĩwe.

¹⁷Na Otĩnĩelĩ mugala wa Kenasĩ, mugala wabo Kalebũ, mwĩmyago; neryo mwamuha Akĩsa mwali wuwe eribya mũkalĩwe.

¹⁸Neryo omugulu ahĩka ukwʼiye, Akĩsa mwamulemba erisaba ĩse yʼeririma; neryo mwakĩma oko punda yiwe; na Kalebũ mwabũga ati, Ukasondakĩ kwehĩ?

¹⁹Naye mwabũga ati, Umba omũyĩsa; kusangwa wabirinyiha ekihugo kyʼelutambi lwʼeyĩkwa, umbe nibya esĩsoko syʼamagetsi. Neryo mwamuha esĩsoko Byʼendata nʼesĩsoko syʼeyĩkwa.

²⁰Oyũ go mwandu wʼekihanda kyʼabana ba Yũda ngʼebĩtũnga byabo.

²¹Nʼemĩyĩ yʼendũlĩ-ndũlĩ yʼekihanda kyʼabana ba Yũda erĩlolya oko mutano wʼeEdomũ elutambi lwʼeyĩkwa yabya Kabũselĩ, nʼeEderĩ, nʼeYagũrĩ,

²²nʼeKĩna, nʼeDĩmona, nʼeAdada,

²³nʼeKedesĩ, nʼeHazorĩ, nʼeĩtananĩ,

²⁴eZĩfũ, nʼeTelemũ, nʼeBealotĩ,

²⁵nʼeHazorĩ-hadata, nʼeKerĩotĩ-hesronĩ (eyo ye Hazorĩ),

²⁶Amamũ, nʼeSema nʼeMolada,

²⁷na Hazarĩgada nʼeHesmonĩ, nʼeBetĩ-peletĩ,

²⁸nʼeHazarĩ-sũalĩ, nʼeBerĩ-seba, nʼeBĩzĩotĩa,

²⁹Bala, nʼeĨyĩmũ, nʼeEzemĩ,

³⁰nʼeEltoladĩ, nʼeKesĩlĩ, nʼeHorma,

³¹nʼeZĩklagĩ, nʼeMadĩmana, nʼeSanĩsana,

³²nʼeLebaotĩ, nʼeSĩlĩhĩmũ, nʼeAĩnĩ, nʼeRĩmonĩ; emĩyĩ yosĩ nĩ makũmĩ abiri na mwenda, nʼehĩyĩ hyayo.

³³Nʼomwʼĩbanda, eEstaolĩ, nʼeSora, nʼeAsĩna,

³⁴nʼeZanoa, nʼeEnganĩmũ, eTapũa, nʼeEnamũ,

³⁵Yarmũtĩ, nʼeAdũlamũ, eSoko, nʼeAzeka,

³⁶nʼeSarayĩmũ, nʼeAdĩtaĩmũ, nʼeGedera, nʼeGederotaĩmũ; emĩyĩ erĩkũmĩ nʼeyĩnĩ nʼehĩyĩ hyayo.

³⁷Zenanaĩ, nʼeHadasa, nʼeMĩgdalĩgadĩ,

³⁸nʼeDĩlanĩ, nʼeMĩsĩpe, nʼeYokĩtelĩ,

³⁹Lakĩsĩ, nʼeBozĩkatĩ, nʼeEglonĩ,

⁴⁰nʼeKabonĩ, nʼeLamanĩ, nʼeKĩtĩlĩsĩ,

⁴¹nʼeGederotĩ, nʼeBetĩ-dagonĩ, nʼeNama, nʼeMakeda; emĩyĩ erĩkũmĩ nʼendatu nʼehĩyĩ hyayo.

⁴²ELĩbũna, nʼeEterĩ, nʼeAsanĩ,

⁴³nʼeĨfĩta, nʼeAsĩna, nʼeNesĩbũ,

⁴⁴nʼeKeĩla, nʼeAkĩsĩbũ, nʼeMaresa; emĩyĩ mwenda nʼehĩyĩ hyayo.

⁴⁵Ekũronĩ, haguma nʼemĩyĩ yago nʼehĩyĩ hyago;

⁴⁶erĩtsũka eEkũronĩ erĩhĩka oko ngetsi, eyosĩ eyabya oko luhande lwʼeAsdodĩ, nʼehĩyĩ hyayo.

⁴⁷EAsdodĩ, nʼemĩyĩ yago, nʼemikondo yago; eGaza, emĩyĩ yago nʼemikondo yayo; erĩhĩka oko kũsĩ kʼeMĩsĩrĩ, nʼengetsi nene, nʼomutano wayo.

⁴⁸Nʼomo kihugo kyʼebitwa, eSamĩrĩ, nʼeYatĩrĩ, nʼeSoko,

⁴⁹eDana, nʼeKĩrĩatĩsana (eyo ye Debĩrĩ),

⁵⁰nʼeAnabũ, nʼeEstemo, nʼeAnĩmũ,

⁵¹nʼeGosenĩ, nʼeHolonĩ, nʼeGĩlo; emĩyĩ erĩkũmĩ nʼomuguma nʼemikondo yayo.

⁵²EAraba, nʼeDũma, nʼeEsanĩ,

⁵³nʼeYanĩmũ, nʼeBetĩ-tapũa, nʼeAfeka,

⁵⁴nʼeHũmũta, nʼeKĩrĩatĩ-arba (eyo ye Hebũronĩ), nʼeSĩorĩ; emĩyĩ mwenda nʼemikondo yayo.

⁵⁵Maonĩ, Karmelĩ, nʼeZĩfũ nʼeYũta,

⁵⁶nʼeYezrehelĩ, nʼeYokĩdamũ, nʼeZanoa,

⁵⁷Kaĩna, Gĩbea, nʼeTĩmũna; emĩyĩ ĩkũmĩ nʼemikondo yayo.

⁵⁸Halĩhũlĩ, Betĩ-zĩrũ, nʼeGedorĩ,

⁵⁹Maratĩ, nʼeBetĩ-anotĩ, nʼeEltekonĩ; emĩyĩ ndatu nʼemikondo yayo.

⁶⁰EKĩrĩatĩ-balĩ (eyo ye Kĩrĩatĩ-yearĩmũ), nʼeRaba; emĩyĩ ĩbĩrĩ nʼemilondo yayo.

⁶¹Omo mbwarara, Betĩ-araba, Mĩdĩnĩ, nʼeSekaka,

⁶²nʼeNĩbũsanĩ, nʼomũyĩ wʼOmũnyũ, nʼeEnĩgedĩ; emĩyĩ ndatu nʼemikondo yayo.

⁶³Na busana nʼomwatsi wʼAbayebũsĩ, esyondũlanĩ syʼeYerũsalema, abana ba Yũda mobatatoka erihigabo; nĩkwa Abayebũsĩ bĩkere haguma nʼabana ba Yũda eYerũsalema erĩhĩka mũnabwĩre.