Read nande Yosũa 19 Bible Online

Yosũa 19 - nande bible

Yosũa 19

¹Nʼomugereko wʼakabiri mwawira Sĩmeonĩ, kye kihanda kyʼabana ba Sĩmeonĩ ngʼebĩtũnga byabo; nʼomwandu wabo abya omo katĩkatĩ kʼomwandu wʼabana ba Yũda.

²Omwandu wabo abya eBerĩ-seba, nʼeSeba, nʼeMolada,

³nʼeHasanĩ-sũalĩ, nʼeBala, nʼeEzemĩ,

⁴nʼeEltoladĩ, nʼeBetũlĩ, nʼeHorma,

⁵nʼeZĩklagĩ, nʼeBetĩ-Makabotĩ, nʼeHasarĩ-sũsa,

⁶nʼeBetĩ-lebaotĩ, nʼeSarũhenĩ; emĩyĩ ĩkũmĩ nʼĩsatu nʼemikondo yayo,

⁷eAĩnĩ, nʼeRĩmonĩ, nʼeEterĩ, nʼeAsanĩ; emĩyĩ ĩnĩ nʼemikondo yayo.

⁸Nʼehĩyĩ hyosĩ ehyabya hĩtĩmbĩre oko mĩyĩ eyo erĩhĩka eBalatĩ-berĩ, eRama wʼelutambi lwʼeyĩkwa. Oyo go mwandu wʼekihanda kyʼabana ba Sĩmeonĩ ngʼebĩtũnga byabo.

⁹Omwandu wʼabana ba Sĩmeonĩ abya omwʼĩgabo lyʼabana ba Yũda; kusangwa erĩgabo lyʼabana ba Yũda ĩrĩkanyĩre kubo kyaleka abana ba Sĩmeonĩ ibabya nʼomwandu omo katĩkatĩ kʼomwandu wa Yũda.

¹⁰Nʼomugereko wʼakasatu mwawira oko bana ba Zebũlũnĩ ngʼebĩtũnga byabo. Nʼekihugo kyʼomwandu wabo kyabya kĩhĩkĩre eSarĩdĩ.

¹¹Nʼomutano wabo ĩnĩahetũkĩre oko luhande lwʼeyĩkwa, erĩhĩka eMarala, nʼerĩhĩka eDabesetĩ; ĩnĩahĩkĩre oko kũsĩ akali embere wʼeYokĩnamũ.

¹²Kandi iniabinduka erĩlũa eSarĩdĩ oluhande lwʼendata erilola eyo eryuba likahuluka erĩhĩka oko mutano wʼeKĩsĩlotĩTaborĩ; kandi ĩnĩahũlũkĩre erĩhĩka eDeberatĩ, kandi ĩnĩahetũkĩre eYafĩa.

¹³Nʼerĩlũaho inialaba erilola endata erĩhĩka eGatĩ-heferĩ, erĩhĩka eEtĩ-kasĩnĩ; kandi ĩnĩahũlũkĩre eRĩmonĩ erĩhĩkerera eNea.

¹⁴Nʼomutano ĩnĩatĩmbĩreho oko luhande lwʼelutambi lwʼendata erĩhĩka eHanatonĩ; nʼembulukiro yago yabya omo musya wʼeĩfltaelĩ.

¹⁵NʼeKatatĩ, nʼeNahalalĩ, nʼeSĩmũronĩ, nʼeldala, nʼeBetelehemũ: emĩyĩ ĩkũmĩ nʼeyĩbĩrĩ nʼemikondo yayo.

¹⁶Oyo go mwandu wʼabana ba Zabũlũnĩ ngʼebĩtũnga byabo ko biri, emĩyĩ eyĩ nʼemikondo yayo.

¹⁷Nʼomugereko wʼakani mwawira uku Ĩsakara, busana nʼabana ba Ĩsakara ngʼebĩtũnga byabo.

¹⁸Nʼomutano wabo abya ahĩkĩre eYezreelĩ, nʼeKesũlotĩ, nʼeSũnemũ,

¹⁹nʼeHafaraĩmũ, nʼeSĩonĩ, nʼeAnaharatĩ,

²⁰nʼeRabĩtĩ, nʼeKĩsonĩ, nʼeEbesĩ,

²¹nʼeRemetĩ, nʼeEnĩ-Ganĩmũ, nʼeEnĩ-kada, nʼeBetĩ-pasesĩ,

²²nʼomutano ĩnĩahĩkĩre eTaborĩ, nʼeSahasũma, nʼeBetĩ-semesĩ; nʼerihuluka lyago lyabya eYorodanĩ. Emĩyĩ ĩkũmĩ nʼendatu nʼemikondo yayo.

²³Oyo go mwandu wʼekihanda kyʼabana ba Ĩsakara ngʼebĩtũnga byabo ko biri, emĩyĩ nʼemikondo yayo.

²⁴Nʼomugereko wʼakatanu mwawira oko kihanda kyʼabana ba Aserĩ ngʼebĩtũnga byabo.

²⁵Nʼomutano wabo abya Helkatĩ, nʼeHalĩ, nʼeBetenĩ, nʼeAkĩsafũ,

²⁶nʼeAlamelekĩ, nʼeAmadĩ, nʼeMĩsalĩ; ĩnĩahĩkĩre eKarmelĩ ebwanga bwʼeyĩkwa nʼoko Sĩhorĩ-lĩbũnatĩ.

²⁷Ĩnĩabĩndũkĩre ebwanga bwʼeyo eryuba likahuluka erĩhĩka eBetĩ-dagonĩ, ĩnĩahĩkĩre eZebũlũnĩ, nʼomo musya wʼeĨfitaelĩ erilola elutambi lwʼendata erĩhĩka eBetĩ-Hemekĩ nʼeNĩelĩ; kandi ĩnĩahũlũkĩre eKabũlĩ oko byala byʼamalembe,

²⁸nʼeHebũronĩ, nʼeRehobũ, nʼeHamonĩ, nʼeKana, nʼerĩhĩkerera eSĩdonĩ nene;

²⁹nʼomutano ĩnĩabĩndũkĩre erĩhĩka eRama, nʼomũyĩ wʼeTĩro owakangatĩre; nʼomutano ĩnĩabĩndũkĩre erĩhĩka eHosa; nʼobuhulukiro bwago bwabya oko ngetsi omo kihugo kyʼeAkĩzĩbũ.

³⁰EŨma nibya, nʼeAfekĩ, nʼeRehobũ; emĩyĩ makũmĩ abiri nʼeyĩbĩrĩ nʼemikondo yayo.

³¹Oyo go mwandu wʼekihanda kyʼabana ba Aserĩ ngʼebĩtũnga byabo, emĩyĩ eyĩ nʼemikondo yayo.

³²Nʼomugereko wʼendatu mwahulukira abana ba Nafũtalĩ, abo bo bana ba Nafũtalĩ ngʼebĩtũnga byabo.

³³Nʼomutano wabo abya atsũkĩre eHelefĩ, erĩtsũka oko muti wʼeterebĩntĩ eZananĩmũ, nʼeAdamĩnekebũ, nʼeYabũnelĩ, erĩhĩka eLakũmũ; nʼobuhulukiro bwago bwabya eYorodanĩ.

³⁴Nʼomutano mwabinduka oko luhande lwʼeyĩkwa lwʼeAsĩnotĩ-Taborĩ, kandi ĩnĩahũlũkĩre erĩhĩka eHũkokĩ; kandi ĩnĩahĩkĩre eZebũlonĩ elutambi lwʼeyĩkwa, kandi ĩnĩahĩka uku Aserĩ ebwanga bwʼeyĩkwa, nʼuku Yũda eYorodanĩ erilola eyo eryuba likahuluka.

³⁵Nʼemĩyĩ eyĩkangatĩre yabya eSĩdĩmũ, nʼeZerĩ, nʼeHamatĩ, nʼeRakata, nʼeKĩneretĩ,

³⁶nʼeAdama, nʼeRama, nʼeHazorĩ,

³⁷nʼeKedesĩ, nʼeEdĩreĩ, nʼeEnĩ-Hazorĩ,

³⁸nʼeĨronĩ, nʼeMĩgdalĩ-elĩ, nʼeHoremũ, nʼeBetĩ-Anatĩ, nʼeBetĩ-semesĩ; emĩyĩ ĩkũmĩ nʼomwenda nʼemikondo yayo.

³⁹Oyo go mwandu wʼekihanda kyʼabana ba Nafũtalĩ ngʼebĩtũnga byabo, emĩyĩ nʼemikondo yayo.

⁴⁰Nʼomugereko wʼakalinda mwahulukira oko kihanda kyʼabana ba Danĩ ngʼebĩtũnga byabo.

⁴¹Nʼomutano wʼomwandu wabo abya eZora, nʼeEstaolĩ, nʼeĨrĩ-semesi,

⁴²nʼeSalabĩnũ, nʼeAyalonĩ, nʼeĨtĩla,

⁴³nʼeElonĩ, nʼeTĩmũna, nʼeEkũronĩ,

⁴⁴nʼeElteke, nʼeGĩbetoni, nʼeBalatĩ,

⁴⁵nʼeYehũdĩ, nʼeBene-beraki, nʼeGatĩrĩmonĩ,

⁴⁶nʼeMe-yarkonĩ, Rakonĩ, haguma nʼomutano owalolĩre eYopa,

⁴⁷nʼomutano wʼabana ba Danĩ ĩnĩahũlũkĩre erilaba kubo; kusangwa abana ba Danĩ mobahetuka erilwa nʼeLesemũ, kandi mobĩmyago, mobĩtago omo boya bwʼomũyalĩ, mobasĩgalyago, mobĩkala mugo, mobaluka Lesemũ mo Danĩ, ngʼerĩna lya tata wabo Danĩ.

⁴⁸Oyo go mwandu wʼekihanda kyʼabana ba Danĩ ngʼebĩtũnga byabo, emĩyĩ nʼemikondo yayo.

⁴⁹Ko babuga erigaba ekihugo kyo batya eribya mwandu oko mitano yakyo; nʼabana ba Ĩsraelĩ mobaha Yosũa mugala wa Nũnĩ omwandu omo katĩkatĩ kabo.

⁵⁰Ngʼerihana lyʼOmwami Mukulu, mobamuha omũyĩ ogo asaba, eyo ye Tĩmũnatĩ-sera omo kihugo kyʼebitwa kya Efũraĩmũ; naye mwahĩmba omũyĩ mwĩkala mugo.

⁵¹Eyo ye myandu eyo mũhererĩ Eleazarĩ na Yosũa mugala wa Nũnĩ, nʼabakulu bʼebĩtũnga byʼebihanda byʼabana ba Ĩsraelĩ, eyo bagaba eribya mwandu omo migereko eSĩlo embere syʼOmwami Mukulu, oko lũkyo lwʼeHema yʼerĩhĩndanamo. Ko babuga erigaba ekihugo kyo batya.